LOUKAS 6:23 - KA BAIBL

²³ To kmen phi ha kata ka sngi, to shadkmen ruh! naba ha khmih, ka nong jong phi ha bneng ka long kaba khraw; naba kumjuh hi ki kpa jong ki, ki la leh ïa ki nongïathuhlypa.

Khasi CL Bible (BSI)

²³ To kmen haba kata ka jia, bad to shad da ka jingkmen, namar ïa ka bainong kaba khraw la buh na ka bynta jong phi ha bneng. Naba ki kpa tymmen jong ki, ki la leh ïa kajuh ha ki nongïathuhlypa.

LOUKAS 6:23 ပူးပေါင်းရင်းမြစ်များ

2 SAMUEL 6:16

Te katba ka synduk U Trai ka la wan poi shapoh ka nongbah u Dabid, hangta ka Mikhal ka khun u Saul haba ka la khmih na ka jingkhang ïit, ka la ïohi ïa u syiem Dabid ba u da rynsied bad ba u da shad ha khmat U Trai; bad ka la beiñ ïa u ha la ka dohnud.

1 SYIEM 18:4

naba mynba ka Jesebel ka la pynïap ïa ki nongïathuhlypa U Trai, u Obadaïah u la shim shispah ngut ki nongïathuhlypa, bad u la buhrieh ïa ki sanphew sanphew ha ka krem, bad u la bsa ïa ki da u kpu bad da ka um.)

1 SYIEM 19:10

U te u la ong, “Nga la sngewskuiñ shikatdei na ka bynta U Trai, U Blei ki paid; naba ki khun Israel ki la lyndet ïa ka jutang jong me, ki la pynkyllon ïa ki duwan jong me, bad ki la pynïap ïa ki nongïathuhlypa jong me da ka waitlam: bad sa tang ma nga hi nga dang sah; bad ki wad ruh ïa ka jingim jong nga, ban shim noh ïa ka.”

1 SYIEM 19:14

U te u la ong, “Nga la sngewskuiñ eh na ka bynta U Trai, U Blei ki paid; naba ki khun Israel ki la lyndet noh ïa ka jutang jong me, ki la pynkyllon ïa ki duwan jong me, bad ki la pynïap ïa ki nongïathuhlypa jong me da ka waitlam; bad sa tang ma nga hi nga dang sah; bad ki wad ruh ïa ka jingim jong nga, ban shim noh ïa ka.”

1 SYIEM 19:2

Ynda kumta, ka Jesebel ka la phah nonglam-ktien sha u Elijah, ka da ong, “To ki blei kin leh kumta ïa nga, bad palat ruh, lada ngan ym pynlong hamar kane ka por lashai ïa ka jingim jong me kum ka jingim jong uwei na kita.”

1 SYIEM 21:20

U Ahab te u la ong ha u Elijah, “Me la shem ïa nga, ko nongshun jong nga?” U te u la ïathuh, “Nga la shem ïa me keiñ: namar me la die noh ïa lade ban leh ïa kata ka basniew ha khmat U Trai.

1 SYIEM 22:27

bad ong, ‘Kumne u ong u syiem, “Thep phatok ïa une u briew, bad bsa ïa u da u kpu ka jingsaja bad da ka um ka jingsaja, ha ban da ngan wan ha kaba suk.” ’ ”

1 SYIEM 22:8

Te u syiem ki Israel u la ong ha u Jehoshaphat, “Dang don sa uwei u briew da uba ngi lah ban ïakylli na U Trai, u Mikaïah u khun u Imlah: hynrei, nga isih ïa u; namar um ju ïathuhlypa ka babha shaphang jong nga, hynrei, tang ka basniew.” Te u Jehoshaphat u la ong, “Wat ai ba u syiem un ong kumta.”

2 SYIEM 6:31

Ynda kumta, u la ong, “To U Blei un leh kumta ïa nga, bad kham tam ruh, lada ka khlieh u Elisha u khun u Shaphat kan neh ha u ha kane ka sngi.”

2 KHRONIKL 36:16

Hynrei, ki la rkhiebeiñ ïa ki nonglam-ktien jong U Blei, bad ki la ñiewbeiñ ïa ki ktien jong u, bad ki la pyrthuhbeiñ ïa ki nongïathuhlypa jong u, haduh ba ka jingbitar U Trai ka la mih pyrshah ïa ki briew jong u, katba ym don jingshna shuh.

NEHEMAÏAH 9:26

“Pynban, ki la long ki bymkohnguh bad ki la ïaleh pyrshah ïa me, bad ki la bred noh ïa ki hukum jong me shadien ka ingdong jong ki, bad ki la pynïap ïa ki nongïathuhlypa jong me kiba la phla pyrshah ïa ki, ban pynphai pat ïa ki sha me, bad ki la pynlong ïa ka jingpankwah bakhraw.

SALM 58:11

Ba kumta ki briew kin ong, “Shisha ka don ka nong ïa u bahok: shisha don U Blei uba bishar ha ka khyndew.”

ISAÏAH 35:6

Ynda kumta, u briew u ba-dkoh un rynsied kum u 'keirang, bad u thylliej u bymnangkren un rwai: namar ha ka ri khlaw ki um kin kyrsoi, bad ki wah duid ha ka ri shyiap.

JEREMAÏAH 2:30

“Nga la sympat lehnohei ïa ki khun jong phi; kim shym la pdiang ïa ka jingsneng: ka waitlam jong phi hi ka la bam duh ïa ki nongïathuhlypa jong phi, kum u sing u bapynjot.

MALAKHI 4:1

“Naba, ha khmih, kata ka sngi ka wan, ka ing kum ka lawar ding; te kiba sarong baroh, bad baroh kiba leh bymman, kin long u skum: bad kata ka sngi kaba wan kan pyningkhong ïa ki,” ong U Trai ki paid, “kat ban ym pynsah ïa ki lymne u thied lymne ka tnat.

MATHAÏOS 5:12

To ïakmen, to ïashadkmen ruh: namar ka bakhraw ka bainong jong phi ha ki bneng: naba kumta ki la ïa-pynshitom ïa ki nongïathuhlypa kiba la mynshuwa jong phi.”

LOUKAS 1:41

Ka la jia ruh, katba ka Elisabet ka la ïohsngew ïa ka jingkhublei jong ka Mari, la khih i khun ha ka kpoh jong ka; bad la pyndap ïa ka Elisabet da U Mynsiem Bakhuid.

LOUKAS 1:44

naba, ha khmih, katba ka ktien ka jingkhublei jong pha ka sawa ha ki shkor jong nga, la khih i khun na kaba shadkmen ha ka kpoh jong nga:

LOUKAS 6:35

Hynrei, to ieit ïa ki nongshun jong phi, to leh bha ruh, bad to ai kylliang, khlem da duh jingkyrmen satia; te ka nong jong phi kan long kaba khraw, bad phin long ki khun U Bahakhlieh Tam Eh; naba U long uba sbun ïa ki bymnguh bad ïa ki bymman.

KI KAM 14:10

u la ong da ka ktien bajam, “To ïeng beit da la ki kjat.” Te u la rynsied bad u la ïaid.

KI KAM 3:8

Bad haba u la kynrong joit u la ïeng, bad u la sdang ïaid, bad u la leit rung lem bad ki shapoh ka templ, u da ïaid, u da rynsied, bad u da ïaroh ïa U Blei.

KI KAM 5:41

Ki te, ki la ïamih noh na khmat kata ka dorbar, ki da ïakmen namar ba la ñiew ïa ki, kiba bit ban shah jahburom na ka bynta kata ka Kyrteng.

Ka Shithi U Paul Sha Ki Nong Rom 5:3

Bad ym tang kumta hi keiñ, hynrei, ngi sngewkmen ruh ha ki jingjynjar, da tip biang ba ka jingjynjar ka pynlong ïa ka jingïaishah;

2 KORINTH 12:10

Naba kumta, nga sngewbha ha ki jingtlot, ha ki jinglehbeiñ, ha ki jingkyrduh, ha ki jingbehbeiñ, ha ki jingshipa, na ka bynta U Khrist; namar haba nga sngewtlot, hangta nga long u bakhlaiñ.

KOLOSSAI 1:24

Mynta, nga kmen ha ki jingshah jong nga na ka bynta jong phi, bad nga, ha lade hi, nga pyndap ha ka doh jong nga ïa kita kiei kiei kiba dang sah na ki jingshahshitom U Khrist na ka bynta ka met jong u, kaba long ka balang:

2 TIMOTHI 2:12

lada ngi ïaishah, ngin ïasynshar ruh lem bad u; lada ngin len ïa u, u ruh un len ïa ngi:

HEBRU 11:26

u da ñiew ïa ka jingkrenbeiñ ïa U Khrist ka spah ba kham khraw ban ïa ki jingkynshew ka Ijipt; namar u la khmih keiñ sha kata ka jingïoh bainong.

HEBRU 11:6

hynrei, khlem ka jingngeit, ym lah ban pynsngewbha ïa u: namar ka dei ïa uta uba wan hajan U Blei ban ngeit ba u don, bad ba u long uba ai nong ïa kita kiba wad ïa u.

JAKOB 1:2

To phin ñiew ïa ka, ka jingkmen suda, ko parabangeit jong nga, haba phi hap ha ki jingtynjuh babun jaid;

1 PETROS 4:13

hynrei, kat kumba phi ïoh bynta lem na kita ki jingshahshitom U Khrist, to kmen noh; ba ha kata ka jingpynpaw ïa ka burom jong u, phi ruh, phin ïoh kmen da ka jingkmen kaba khraw.

JINGPYNPAW 2:17

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na kata ka manna ïa kaba la buhrieh noh, bad ngan ai ha u ïa u maw balieh, bad ha uta u maw ïa ka kyrteng bathymmai ïa kaba la thoh, ïa kaba uno uno ruh um ithuh, hynrei, tang uta uba pdiang ïa ka.’ ”

JINGPYNPAW 2:26

Bad uta uba jop, bad uba sumar haduh ka bakut ïa ki jingleh jong nga, ngan ai ha u ka bor halor kita ki kynja bynriew;

JINGPYNPAW 2:7

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na u dieng jong ka jingim, uba long ha ka paradais U Blei.’ ”

JINGPYNPAW 21:7

Uta uba jop un ïoh ïa kiei kiei baroh; bad ngan long U Blei jong u, bad ma u de un long u khun jong nga.

JINGPYNPAW 3:12

Uta uba jop, ngan pynlong u rijied ïa u ha ka ïing U Blei jong nga, te un ym mih noh shuh shabar: bad ngan thoh halor jong u ïa ka kyrteng U Blei jong nga, bad ïa ka kyrteng jong kata ka nongbah U Blei jong nga, ka Jerusalem bathymmai, kaba wan hiar na bneng na U Blei jong nga, bad ïa kata ka kyrteng jong nga ka bathymmai.

JINGPYNPAW 3:5

Uta uba jop, ïa uta, yn pynkup kumta ha ki jaiñkup balieh; bad ngan ym pyndam noh da lei lei ïa ka kyrteng jong u na ka kitab ka jingim, bad ngan phla keiñ ïa ka kyrteng jong u ha khmat U Kpa jong nga, bad ha khmat ki angel jong u.