LOUKAS 6:21 - KA BAIBL

²¹ “Suk ma phi kiba shah thngan mynta; naba yn pynkdang ïa phi. Suk ma phi kiba ïam mynta; naba phin rkhie.

Khasi CL Bible (BSI)

²¹ Suk ma phi kiba thngan mynta; yn pyndap ïa phi! Suk ma phi kiba ïam mynta; phin rkhie!

LOUKAS 6:21 ပူးပေါင်းရင်းမြစ်များ

JENESIS 17:17

Ynda kumta, u Abraham u la nguh ngon haduh khyndew, bad u la rkhie, bad u la ong ha la ka dohnud, “Shisha yn sa kha ïa u khun ïa u briew uba la shispah snem ka rta? bad ka Sara shisha kan ïoh kha khun, haba ka long kaba khyndaiphew snem ka rta?”

JENESIS 21:6

Te ka Sara ka la ong, “U Blei u la pynrkhie kmen ïa nga, bad baroh kat kiba ïohsngew kin ïarkhie kmen lem bad nga.”

SALM 107:9

Naba u pynkdang ïa ka mynsiem ka bathrang, bad ïa ka mynsiem ka bathngan u pyndap da ka babha.

SALM 119:136

Ki wah um ki tuid na ki khmat jong nga, namar ba kim sumar ïa ki aiñ jong me.

SALM 143:6

Nga kner ïa la ki kti sha me: ka mynsiem jong nga, kum ka 'dewryngkhiang, ka thrang ïa me. Selah.

SALM 17:15

Nga te, ngan ïoh khmih ïa ka khmat jong me ha ka hok: yn pynhun ïa nga, ynda nga la peit, da ka dur jong me.

SALM 28:7

U Trai u long ka bor bad ka stieh jong nga; ka dohnud jong nga ka la shaniah ha u, te la ïarap ïa nga: namar kata, ka dohnud jong nga ka kmen shikatdei eh; bad da la ka jingrwai ngan ïaroh ïa u.

SALM 65:4

Suk uta u briew ïa uba me jied, bad uba me pynjan ha me, ba un ïoh shong ha ki phyllaw jong me: yn pynkdang ïa ngi da ka jingbha ka ïing jong me, ka jaka ka bakhuid ka templ jong me.

ISAÏAH 25:6

Te ha une u lum, U Trai ki paid un pynlong ka jingkhawai ïa ki paidlang baroh da kiei kiei ki basngaid, ka jingkhawai Waiñ ba la buh slem, da kiei kiei ki basngaid kiba dap da ka khleiñ shyieng, da ki Waiñ ba la buh slem ba la pynkhuid bha.

ISAÏAH 30:19

Namar u paidlang un shong ha Seïon ha Jerusalem: men ym ïam shuh; da shisha un leh sbun ïa me ha ka jingsawa ka jingkyang jong me; ynda u ïohsngew, un phai ktien ïa me.

ISAÏAH 66:10

“To shadkmen bad ka Jerusalem, bad to leh kmen namar jong ka, phi kiba ieit ïa ka baroh: to shadkmen bad ka namar kaba kmen, phi baroh kiba ïam na ka bynta jong ka:

JEREMAÏAH 13:17

Hynrei, lada phin ym sngap ïa kane, ka mynsiem jong nga kan ïam ha kaba rieh namar ka jingsarong jong phi; bad ki khmat jong nga kin ïam sat, bad kin tuid da ki jingjaw ummat, namar ba la ring mraw ïa ka kynhun U Trai.

JEREMAÏAH 31:25

Naba nga la pynhun ïa ka mynsiem bathait, bad nga la pyndap ïa ka mynsiem baroh kaba khuslai.”

JEREMAÏAH 31:9

Kin sa ïawan da kaba ïam, bad da ki jingkyrpad ngan ïalam ïa ki: harud ki wah um ngan pynïaid ïa ki, na ka lynti kaba beit, ha kaba kin ym jynthut: namar nga long u kpa ïa ki Israel, bad u Ephraim u long u khun nyngkong jong nga.”

JEREMAÏAH 9:1

A ba ka khlieh jong nga kan da la long ki um, bad ki khmat jong nga ka pukri ki ummat, ba ngan da ïoh ïam synñia sngi na ka bynta kiba la shah pynïap jong ka khun ki briew jong nga!

ESEKIEL 7:16

Hynrei, kita kiba ïohlait na ki, kin ïohlait bad kin long halor ki lum kum ki lyngdkhur ki them, baroh ki ïaïambriew, uwei uwei na ka bynta la ka jingbymhok.

ESEKIEL 9:4

Bad U Trai u la ong ha u, “To ïaid lyngba kata ka nongbah, lyngba ka Jerusalem, bad to buh ka dak halor ki shyllangmat jong kita ki briew kiba ud bad kiba lynñiar namar ki jingijli baroh kiba la leh hapdeng jong ka.”

MATHAÏOS 5:4

“Suk ki basngewsih: naba yn pyntngen ïa ki.

MATHAÏOS 5:6

“Suk ki bathngan bad ki basliang ïa ka hok: naba yn pyndap ïa ki.

LOUKAS 1:53

ïa ki bathngan U pyndap da kiei kiei ki babha; ïa ki bariewspah te U phah noh suda.

LOUKAS 6:20

U te haba u la peit la ki khmat ha ki synran jong u, u la ong, “Suk ma phi ki baduk; naba ka jong phi long ka hima U Blei.

LOUKAS 6:22

“Suk ma phi ynda ki briew kin shun ïa phi, bad ynda kin tait ïa phi bad kin lehbeiñ ïa phi, bad kin ot beiñ noh ruh ïa ka kyrteng jong phi kum ka bymman, na ka bynta U Khun u briew.

LOUKAS 6:25

“Kordit ïa phi, kiba la dap mynta! naba phin thngan. Kordit ïa phi, kiba rkhie mynta! naba phin sngewsih bad phin ïam de.

ÏOANNIS 11:35

U Jisu u la ïam.

ÏOANNIS 4:10

U Jisu u la ïathuh bad u la ong ha ka, “Lada pha la ithuh ïa ka jingaiei ka jong U Blei, bad uei u long uta uba ong ha pha, ‘To ai ha nga ban dih’, pha hi phan da la pan na u keiñ, u te un da la ai ha pha ïa ka um kaba im.”

ÏOANNIS 6:35

Te U Jisu u la ïathuh ha ki, “Nga, nga long uta u kpu jong ka jingim; jar uba wan ha nga, un ym thngan, bad jar uba ngeit ha nga, un ym sliang lano lano ruh.

1 KORINTH 4:11

Wat haduh mynta ruh, ngi thngan bad ngi sliang, bad ngi lyngkhuit, bad la shohbeiñ ïa ngi, bad ngim don ka jaka shong bathikna;

2 KORINTH 11:27

ha ka jingtrei minot bad ka jingtrei shitom, ha ki jingbymïohthiah bunsien, ha ka jingthngan bad ka jingsliang, ha ki jingshah jingit bunsien, ha ka pjah bad ka jinglyngkhuit,

2 KORINTH 12:10

Naba kumta, nga sngewbha ha ki jingtlot, ha ki jinglehbeiñ, ha ki jingkyrduh, ha ki jingbehbeiñ, ha ki jingshipa, na ka bynta U Khrist; namar haba nga sngewtlot, hangta nga long u bakhlaiñ.

2 KORINTH 6:10

kum kiba sngewsih, hynrei, ha la ka sngi, kiba sngewkmen; kum ki baduk, hynrei, pynban, kiba pynriewspah ïa kiba bun; kum ki bymdon ei ei ruh em, hynrei, kiba don kiei kiei baroh.

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JINGPYNPAW 21:3

Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki:

JINGPYNPAW 7:16

Kin ym thngan shuh, lymne sliang shuh, lymne ka sngi kan ym ïoh shoh ha ki, lymne kano kano ka jingshit;