LOUKAS 6:20 - KA BAIBL

²⁰ U te haba u la peit la ki khmat ha ki synran jong u, u la ong, “Suk ma phi ki baduk; naba ka jong phi long ka hima U Blei.

Khasi CL Bible (BSI)

²⁰ U Jisu u la khmih ha la ki synran bad u la ong, “Suk phi kiba duk; ka Hima U Blei ka long ka jong phi!

LOUKAS 6:20 ပူးပေါင်းရင်းမြစ်များ

SALM 37:16

Kham bha kaba khyndiat kaba u bahok u don ban ïa ka jingpahuh shibun ki bymman.

PROBERB 16:19

Lah kaba long kiba sngewrit ka mynsiem bad ki baduk, ban ïa kaba ïabynta ïa ka jinglute bad kiba sarong.

PROBERB 19:1

Lah u baduk uba ïaid ha la ka jingbeit ban ïa uba mutlop la ki rmiang shyntur bad u babieit artad.

ISAÏAH 29:19

Ki bajemnud ruh kin pynroi ïa la ka jingkmen ha U Trai, bad ki baduk hapdeng ki briew kin ïashadkmen ha uta U Bakhuid jong ki Israel.

ISAÏAH 66:2

Naba ïa kine kiei kiei baroh ka kti jong nga ka la thaw, te kumta kine kiei kiei baroh ki la wan long,” ong U Trai: “hynrei, ha une u briew ngan khmih, wat ha uta uba sngewduk bad uba sngewsih ka mynsiem, bad uba khynñiuh ha ka ktien jong nga.

SEPHANAÏAH 3:12

Hynrei, ngan pynsah hapdeng jong me ki briew ki bajynjar bad baduk, ki te kin shaniah ha ka kyrteng U Trai.

SEKHARAÏAH 11:11

Te la pynkheiñ ïa ka ha kata ka sngi: kumta, kine kiba lanot ka kynhun kiba la sngap pyrkhat ïa nga ki la tip ba ka la long ka ktien U Trai.

MATHAÏOS 11:5

Ki bamatlah ki peit pat, ki ba-dkoh ruh ki ïaid, la pynkhuid ïa ki bapang 'ñiangthohlieh, ki bakyllut ruh ki ïohsngew, la pynim pat ïa ki nongïap, bad la ïalap ïa ka gospel ha ki baduk ruh:

MATHAÏOS 25:34

Ynda kumta, U Syiem un ong ha kita sha kamon jong u, ‘To wan phi ïa kiba la kyrkhu jong U Kpa jong nga, to ïoh ïa ka hima ïa kaba la pynkhreh keiñ ïa phi na myndanglong ka pyrthei.

MATHAÏOS 5:1

Te haba u ïohi ïa ki paidbah, u la kiew sha u lum: haba u la shong ruh, ki la ïawan ha u ki synran jong u:

LOUKAS 12:32

“To wat sheptieng, ko kynhun i barit; naba U Kpa jong phi u sngewbha eh ban ai ha phi ïa kata ka hima.

LOUKAS 13:28

Hangta kan long kaba lynñiar bad kaba kum dait bniat, ynda phin ïohi ïa u Abraham, bad ïa u Isaak, bad ïa u Jakob, bad ïa ki nongïathuhlypa baroh, ha ka hima U Blei, te ïa phi hi ba la shop noh shabar.

LOUKAS 14:15

Te haba uwei na kita kiba ïashong bam lem u la ïohsngew ïa kine kiei kiei, u la ong ha U, “Suk uta u ban bam jingbam ha ka hima U Blei!”

LOUKAS 16:25

Te u Abraham u la ïathuh, ‘A khun, to kynmaw ba ma me katba me dang im, me la ïoh pdiang ïa kiei kiei ki babha ki jong me, kumjuh ruh u Lasaros ïa kiei kiei ki basniew; hynrei, mynta hangne ïa u la pyntngen, ïa me te la pynkordit.

LOUKAS 4:18

“U Mynsiem U Trai U ha nga: naba U la pynsleh ïa nga ïa ka ban ïalap ïa ka gospel ha ki baduk; U la phah ïa nga ban pynbna ïa ka jingpyllait ha kiba la set byndi, bad ïa ka jingpynpeit pat ha ki bamatlah, ban pyllait noh ïa kiba la ban ka shitom;

KI KAM 14:22

ki da pynskhem ïa ki mynsiem jong ki synran, da kaba sneng ïa ki ban ïaineh ha kata ka jingngeit, bad ba ka dei ïa ngi ban bsut shapoh ka hima U Blei lyngba shibun ki jynjar.

2 KORINTH 6:10

kum kiba sngewsih, hynrei, ha la ka sngi, kiba sngewkmen; kum ki baduk, hynrei, pynban, kiba pynriewspah ïa kiba bun; kum ki bymdon ei ei ruh em, hynrei, kiba don kiei kiei baroh.

2 KORINTH 8:2

Kumno ba ka jingtynjuh bakhraw ka jingjynjar, ka jingdap ka jingkmen jong ki, bad ka jingduk sat jong ki, ki la roi kyrhai haduh ka jingshlei ka jingai kylluid jong ki.

2 KORINTH 8:9

Namar phi ithuh ïa ka jingaiei U Jisu Khrist uba U Trai jong ngi; ba la u la long u bariewspah, pynban, u la wan long duk na ka bynta jong phi, khnang ban pynriewspah ïa phi da kata ka jingduk jong u.

1 THESSALONI 1:6

Te phi la jia long ki nongïapyrthuh bud ïa ngi, bad ïa U Trai, haba phi la pdiang ïa kata ka ktien hapdeng shibun ka jingjynjar, da ka jingkmen U Mynsiem Bakhuid:

2 THESSALONI 1:5

kaba long ka dak shynna ïa ka jingbishar bahok U Blei; khnang ïa ka ban ñiew ïa phi, kiba bit ïa ka hima U Blei, na ka bynta kaba phi shah ruh;

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

JINGPYNPAW 2:9

“ ‘Nga ithuh ïa ka jingshahshitom jong pha, bad ïa ka jingduk jong pha (hynrei, pha long ka bariewspah), bad ïa ka jingkrenbeiñ jong kita kiba ong ba ki long ki Jiw, bad kim long, hynrei, ki long ka synagog jong u Soitan.

1 SAMUEL 2:8

U pynïeng ïa ki baduk na ka 'dewmet, u pynkyntiew ruh ïa ki bakyrduh khait na ka thliew sboh, ban pynshong ïa ki lem bad ki syiem, bad ban pynïoh ha ki ka khet ka burom; naba ki rijied jong ka khyndew ki long ki jong U Trai, bad u la pynshong ma u ïa ka pyrthei halor jong ki.