LOUKAS 6:12 - KA BAIBL

¹² Ka la jia ruh ha kita ki sngi, ba u la leit noh sha u lum ban duwai; u la sah ruh baroh shi miet ha ka jingduwai ha U Blei.

Khasi CL Bible (BSI)

¹² Ha kata ka por, U Jisu u la leit kiew sha u kum ban duwai bad ban pynlut baroh shi miet hangta da kaba duwai ha U Blei.

LOUKAS 6:12 ပူးပေါင်းရင်းမြစ်များ

SALM 22:2

A U Blei jong nga, nga kyang mynsngi, hynrei, mem pynsngew; mynmiet ruh, bad ngam sngap jar.

ISAÏAH 26:9

Da la ka mynsiem nga la kwah ïa me mynmiet; shisha keiñ, da la ka mynsiem hapoh jong nga ngan wad ïa me dang step: namar haba ki jingbishar jong me ki ha ka khyndew, kiba shong ha ka pyrthei kin hikai ïa ka hok.

DANIEL 6:10

Te haba u Daniel u la tip ba la soi ïa kata ka jingthoh, u la leit sha la ïing; (te ki jingkhang ïit jong u ki la plie rynghang ha ka pulit jong u shaphang Jerusalem;) bad u la dem la ki khohsiew lai sien shi sngi, bad u la duwai, bad u la ainguh ha khmat U Blei jong u, kumba u la ju leh mynshuwa.

MATHAÏOS 5:1

Te haba u ïohi ïa ki paidbah, u la kiew sha u lum: haba u la shong ruh, ki la ïawan ha u ki synran jong u:

MATHAÏOS 6:6

Hynrei, me, haba me duwai, to leit rung sha la ka pulit, bad haba me la khang ïa la ka jingkhang, to kyrpad ïa U Kpa jong me uba ha kaba rieh; te U Kpa jong me uba ïohi ha kaba rieh un ai nong ha me ha kaba paw.

MARKOS 1:35

Ha kaba lashai mynstep, dang slem eh ban mih ka sngi, haba u la khie u la mih noh, bad u la leit noh sha ka jaka kynjah, bad hangta u la duwai.

MARKOS 3:13

Ynda kumta, u kiew sha u lum, bad u khot ha u ïa kiba u mon hi, te ki la wan ha u.

MARKOS 6:46

Ynda u la bidai noh te ïa ki, u la leit sha u lum ban duwai.

LOUKAS 5:16

U te U la kynriah noh sha ki jaka kynjah ha ri khlaw, U la duwai ruh.

LOUKAS 6:11

Ki te ki la dap da ka jingbitar lamwir; bad ki la ïasylla paralok hi, aïu ba ki lah ban leh ïa U Jisu.

LOUKAS 6:17

Te haba u la hiar arsut lem bad ki, u la ïeng ha ka jaka madan, bad shibun na ki synran jong u, bad u paidbah byllien na Judia baroh, bad na Jerusalem, bad narud duriaw Tyros bad Sidon, kiba la wan ban ïohsngew ïa U, bad ba yn pynkhiah ruh ïa ki na ki jingpang jong ki;

LOUKAS 9:18

Ka la jia ruh, ba haba u dang duwai hi weibriew, kita ki synran ki ïadon lem bad u; u la kylli te ïa ki, u da ong, “Ki paidbah ki ong ba nga long uei?”

LOUKAS 9:28

Ka la jia te kumba phra sngi hadien kine ki ktien, ba u la shim lem ïa u Petros, bad ïa u Ïoannis, bad ïa u Jakob, bad u la leit kiew sha u lum ban duwai.

LOUKAS 9:29

Te katba u dang duwai, ka dur ka khmat jong u ka la kylla, bad ka jaiñ jong u ka la lieh phyrnai eh.

ÏOANNIS 6:3

Te U Jisu u la leit kiew sha u lum, bad hangta u la shong lem bad ki synran jong u.

KOLOSSAI 4:2

To ïaineh skhem ha ka jingduwai, da kaba ap sharai ha kata da ka jingainguh;

HEBRU 5:7

Uba ha ki sngi ka doh jong u, haba u la ainguh ïa ki jingduwai bad ki jingkyrpad, lem bad ka jingkyang kaba khraw bad ki ummat, ha uta uba lah ban pyllait ïa u na ka jingïap, bad haba la ïohsngew ïa u namar ka jingtieng riewblei jong u,

1 SAMUEL 15:11

“Nga la kylla-ka-bamut ïa kaba nga la thung syiem ïa u Saul: namar u phai dien noh na kaba bud ïa nga, bad um shym pyndep ïa ki hukum jong nga.” Te u Samuel u la sngewsih eh; bad u la lynñiar ha U Trai baroh shi miet.