LOUKAS 5:30 - KA BAIBL

³⁰ Te ki Pharisi bad ki nongthoh jong ki, ki la ïakren khñium ïa ki synran jong U, ki da ong, “Balei ba phi ïabam ïadih ryngkat bad ki nongkhrong bad ki bapop ruh?”

Khasi CL Bible (BSI)

³⁰ Katto katne ngut ki Pharisi bad katto katne ngut ki nonghikai ka Hukum kiba dei ki jong ka kynhun jong ki, ki la khñium ha ki synran jong U Jisu. “Balei ba phi ïabam bad ïadih bad ki nonglum khajna bad kiwei pat kiba la shah kyntait?” Ki la kylli.

LOUKAS 5:30 ပူးပေါင်းရင်းမြစ်များ

ISAÏAH 65:5

uba ong, “To ïeng kyrpang, wat wan hajan jong nga, namar nga kham khuid ban ïa me:” kine ki long ka tdem ha ka khmut jong nga, ka ding kaba meh baroh shi sngi.

MATHAÏOS 5:46

Naba, lada phi shu ieit ïa kiba ieit ïa phi, phi ïohnong aïu? Hato ki nongkhrong kim leh kumjuh?

MATHAÏOS 9:11

Haba ki Pharisi te ki la ïohi, ki la ïa-ong ha ki synran jong U, “Balei ba U Nonghikai jong phi u ïabam lem bad ki nongkhrong bad ki bapop ruh?”

MARKOS 2:16

Te haba ki nongthoh bad ki Pharisi ki la ïohi ïa U ba U ïabam lem bad kita ki nongkhrong bad ki bapop, ki la ong ha ki synran jong U, “U ïabam U ïadih ruh pleng bad ki nongkhrong bad ki bapop ruh.”

MARKOS 7:3

(Naba ki Pharisi bad ki Jiw baroh, lymda ki ïoh thet bha ïa la ki kti, kim bam satia, ki da bat skhem ïa ka rukom pateng la pateng ki tymmen basan.

MARKOS 9:16

U la kylli te ïa ki, “Ïa-ei ba phi ïasaid bad ki?”

LOUKAS 18:11

Uta u Pharisi, haba u la ïeng, u la duwai ha lade kumne: ‘A U Blei, nga nguh ïa me ba ngam long kum kiwei ki briew, kiba shim da ka bor, ki bymhok, ki baklim, lane kum une u nongkhrong ruh.

LOUKAS 19:7

Haba ki la ïohi ïa kata, te, ki la ïakren khñium baroh, ki da ong, “U la leit hapoh ïing ban thiah basa bad u briew u bapop.”

LOUKAS 5:17

Ka la jia te ha kawei ka sngi, katba U dang hikai, ba ki la shong hangta ki Pharisi bad ki nonghikai Ka Hukum, kiba la wan na ki shnong baroh jong ka Galilaïa, bad ka Judia, bad na Jerusalem: te ka bor U Trai ka la don bad U ïa ka ban pynkhiah.

LOUKAS 5:21

Ki nongthoh bad ki Pharisi ki la ïasdang ban ïapyrkhat te, ki da ong, “Uei une uba kren ïa ki jingkrenbeiñ Blei? uei ba lah ban map noh ïa ki pop, hynrei, tang U Blei hi?”

LOUKAS 7:34

U Khun u briew u la wan u da bam u da dih ruh; te phi ong, ‘Ha khmih, u briew uba bam lalot, bad uba dih kyiad, u lok ki nongkhrong bad ki bapop.’

LOUKAS 7:39

Te haba uta u Pharisi uba la khot ïa U, u la ïohi, u la kren ha lade, u da ong, “Lada une u long u nongïathuhlypa, un da la ithuh kaei bad kaba kumno kane ka briew kaba ktah ïa u, ba ka long ka bapop.”

KI KAM 23:9

Te la mih ka jingkhynwin jlang; bad haba la ïaïeng joit ki nongthoh kiba na ka liang ki Pharisi, ki la ïa-pyneh noh, ki da ong, “Ngim shem ka basniew ei ei ruh ha une u briew; hynrei, yn leh kumno lada ka mynsiem ka la kren ha u, lane u angel?”