LOUKAS 5:26 - KA BAIBL

²⁶ Ka jingkyndit te ka la ngat ha ki baroh, bad ki la ïaroh ïa U Blei; la pyndap de ïa ki da kaba sheptieng, ki da ong, “Ngi la ïohi ïa kiei kiei ki baphylla ha kane ka sngi.”

Khasi CL Bible (BSI)

²⁶ Baroh ki la ïalyngngoh shikatdei eh! Ki la dap da ka jingsheptieng, ki la ïaroh ïa U Blei, ki da ong, “A katno kiei kiei kiba phylla ngi la ïohi ha kane ka sngi!”

LOUKAS 5:26 ပူးပေါင်းရင်းမြစ်များ

JEREMAÏAH 33:9

Bad kane ka nongbah kan long ha nga ka kyrteng ka jingkmen, ka jingïaroh bad ka burom, ha khmat ki jaid bynriew ka pyrthei baroh, ki ban ïohsngew ïa ka jingbha baroh kaba nga leh ha ki, kin sheptieng ruh bad kin khynñiuh namar ka jingbha bad ka jingsuk baroh kiba nga pynïoh ïa ka.’

HOSIA 3:5

hadien kata, ki khun Israel kin sa phai, bad kin sa wad ïa U Trai U Blei jong ki, bad ïa u Dabid u syiem jong ki de; te kin sa wan da ka jingsheptieng ha U Trai bad ha ka jinglehsbun jong u ha ki sngi ki bakhatduh.

MATHAÏOS 12:23

Te kita ki paidbah baroh ki la ïasngewkyndit eh, bad ki la ïa-ong, “Une um long u khun u Dabid?”

MATHAÏOS 28:8

Kumta, haba ki la leit noh kloi na kata ka jingtep, da kaba sheptieng bad da ka jingkmen bakhraw, ki la ïaphet noh ban ïathuh ha ki synran jong u.

MATHAÏOS 9:8

Ki paidbah te haba ki la ïohi ïa kata, ki la ïakyndit, bad ki la ïaroh ïa U Blei, uba la ai bor kum kata ha ki briew.

MARKOS 2:12

Te kumne kumne ruh, u la ïeng, bad u la rah noh ïa kata ka jingthiah, u la mih noh de ha khmat jong ki baroh; katba ki la kyndit noh baroh, bad ki la ïaroh ïa U Blei, ki da ong, “Mynno mynno ruh ngim ju ïohi kat kane!”

LOUKAS 1:65

Te ka jingsheptieng ka la ngat ha baroh kiba shong sawdong ïa ki: bad ïa kine kiei kiei baroh la pynbna kylleng ka ri lum jong ka Judia baroh.

LOUKAS 5:8

Te u Simon Petros haba u la ïohi ïa kane, u la dem khrup ha ki khohsiew U Jisu, u da ong, “To khie leit noh na nga; naba nga long u briew u bapop, A Trai.”

LOUKAS 7:16

Ka jingsheptieng te ka la ngat ha ki baroh; bad ki la ïaroh ïa U Blei, ki da ong, “U nongïathuhlypa u bakhraw u la mih hapdeng jong ngi, bad U Blei u la wan-i ïa la ki briew.”

LOUKAS 8:37

Ynda kumta, u paidbah baroh kylleng sawdong ka ri jong ki nong Gadara, ki la ïakyrpad ïa U ban leit noh na ki; naba la ngat ha ki ka jingsheptieng bakhraw. Te U la kiew sha ka lieng bad U la leit phai pat.

KI KAM 4:21

Kumta, ki, haba ki la nang byrngem shuh ïa ki, ki la pyllait noh ïa ki; ba kim shem lad ban pynshitom ïa ki, namar uta u paidlang, naba ki briew baroh ki la ïa-pyndonburom ïa U Blei na ka bynta kata kaba la leh.

GALATIA 1:24

Bad ki la ïa-pyndonburom ïa U Blei ha nga.