LOUKAS 5:17 - KA BAIBL

¹⁷ Ka la jia te ha kawei ka sngi, katba U dang hikai, ba ki la shong hangta ki Pharisi bad ki nonghikai Ka Hukum, kiba la wan na ki shnong baroh jong ka Galilaïa, bad ka Judia, bad na Jerusalem: te ka bor U Trai ka la don bad U ïa ka ban pynkhiah.

Khasi CL Bible (BSI)

¹⁷ Ha kawei ka sngi mynba U Jisu u dang hikai, katto katne ngut ki Pharisi bad ki nonghikai ka Hukum kiba la wan na kawei pa kawei ka shnong na Galilaïa bad Judia bad na Jerusalem; ki la ïashong hangta. Ka bor jong U Trai ka la don na ka bynta U Jisu ban pynkhiah ïa kiba pang.

LOUKAS 5:17 ပူးပေါင်းရင်းမြစ်များ

MATHAÏOS 11:5

Ki bamatlah ki peit pat, ki ba-dkoh ruh ki ïaid, la pynkhuid ïa ki bapang 'ñiangthohlieh, ki bakyllut ruh ki ïohsngew, la pynim pat ïa ki nongïap, bad la ïalap ïa ka gospel ha ki baduk ruh:

MATHAÏOS 15:1

Ynda kumta, ki la ïawan ha U Jisu ki nongthoh bad ki Pharisi kiba na Jerusalem, ki da ong,

MARKOS 1:45

Hynrei, haba u la mih noh, u la sdang ban pynbna haw, bad ban pynphriang kylleng ïa kata ka ktien, katba U Jisu um lah leit shuh shapoh kata ka shnong ha kaba paw; hynrei, U la shong shabar ha ki jaka kynjah, bad ki la wan ha U na baroh sawdong.

MARKOS 16:18

kin rah noh ïa ki bseiñ, bad lada kin dih ei ei ruh kaba pynïap, kan ym pynsniew ïa ki keiñ; kin buh ïa ki kti ha ki bapang, bad kita kin khiah.”

MARKOS 3:22

Bad ki nongthoh kiba la wan hiar na Jerusalem ki la ong, “U don u Belsebul, bad da u rangbah ki ksuid U beh noh ïa ki ksuid.”

MARKOS 5:30

U Jisu kumne kumne ruh, ba U tip ha lade ba kata ka bor ka la lah mih noh na U, haba U la phai hapdeng uta u paidbah, U la ong, “Ei ba ktah ïa ki jaiñ jong nga?”

MARKOS 7:1

Ynda kumta, ki Pharisi ki la ïawan lang ha u, bad kiba na ki nongthoh, kiba la wan na Jerusalem.

LOUKAS 15:2

Hynrei, ki Pharisi bad ki nongthoh ki la ïakhñium eh, ki da ong, “Pleng une u briew u pdiang sngewbha ïa ki bapop, bad u bam lem bad ki.”

LOUKAS 2:46

Ka la jia ruh, ba hadien lai sngi ki la shem ïa U ha ka templ, ba U da shong hapdeng ki nonghikai, U da sngap ïa ki, bad U da kylli jingkylli ïa ki de.

LOUKAS 5:21

Ki nongthoh bad ki Pharisi ki la ïasdang ban ïapyrkhat te, ki da ong, “Uei une uba kren ïa ki jingkrenbeiñ Blei? uei ba lah ban map noh ïa ki pop, hynrei, tang U Blei hi?”

LOUKAS 5:30

Te ki Pharisi bad ki nongthoh jong ki, ki la ïakren khñium ïa ki synran jong U, ki da ong, “Balei ba phi ïabam ïadih ryngkat bad ki nongkhrong bad ki bapop ruh?”

LOUKAS 6:19

Te uta u paidbah baroh u la pyrshang ban ktah ïa U; naba ka bor ka la mih noh na U, bad ka la pynkhiah ïa ki baroh.

LOUKAS 7:30

Hynrei, ki Pharisi bad ki riewsaid, ki la kyntait noh ïa ka mon U Blei sha ka ban sniew ïa lade, haba ym shym la pynbaptis ïa ki da u.

LOUKAS 8:46

U Jisu te U la ong, “Don mano re mano ba la ktah ïa nga; naba nga la sngewthuh ba ka bor ka la mih noh na nga.”

ÏOANNIS 3:10

U Jisu u la ïathuh bad U la ong ha u, “Me long u nonghikai jong u Israel, bad mem tip ïa kine kiei kiei ruh?

ÏOANNIS 3:21

Hynrei, uta uba ïai-leh ïa kaba shisha, u wan ha kata ka jingshai ba yn ïoh pynpaw ïa ki jingleh jong u, ba ha U Blei la leh ïa ki.”

KI KAM 19:11

Te U Blei u la ju leh ki kambah kiba kham khyllah da ki kti u Paul;

KI KAM 4:30

da kaba me kner noh ïa la ka kti ban pynkhiah; bad ba yn ïoh leh ïa ki dak khyllah bad ki jingphylla da ka kyrteng U Khun Bakhuid jong me U Jisu.”

KI KAM 5:34

Hynrei, haba la ïeng joit uwei ha kata ka dorbar, u Pharisi, uba kyrteng “u Gamaliel”, u nonghikai ka hukum, uba la donburom na u paidbah baroh, u la hukum ban pynmih habar shiphang ïa kita ki briew.