LOUKAS 5:12 - KA BAIBL

¹² Ka la jia ruh, ba haba U don ha kawei na kita ki shnong, ha khmih ruh u briew uba la dap da ka jingpang 'thohlieh: te haba u la ïohi ïa U Jisu u la dem khrup, bad u la kyrpad ïa U, u da ong, “A Trai, lada me mon, me lah ban pynkhuid ïa nga.”

Khasi CL Bible (BSI)

¹² Shisien U Jisu u la don ha kawei ka shnong ha kaba la don u briew uba la pang 'ñiangthohlieh. Haba u la ïohi ïa U Jisu u la pyndem khrup ïa lade ha madan bad u la kyrpad ïa u, “Ko kynrad, lada me mon, me lah ban pynlong ïa nga uba khuid!”

LOUKAS 5:12 ပူးပေါင်းရင်းမြစ်များ

JENESIS 18:14

Don kaei kaei ruh ïa kaba um lah U Trai? Ha kata ka Ïa ba la lah buh ngan wan phai pat keiñ sha me, hamar kaba ka aïom ka jingim, te ka Sara kan ïoh u khun.”

1 SYIEM 18:39

Te haba uta u paidbah baroh u la ïohi ïa kata, ki la dem ngon la ki khmat; bad ki la ong, “U Trai, uta u long U Blei; U Trai, uta u long U Blei.”

2 SYIEM 5:1

Te u Naaman, u rangbah u paidïapom u syiem ka Syria, u la long u briew bakhraw ha khmat u kynrad jong u, bad uba donburom, namar da u, U Trai u la ai ka jingjop ha ka Syria: u la long ruh u briew bakhrawbor eh, hynrei, uba sa 'ñiangthohlieh.

2 SYIEM 5:27

Namar kata, ka pang 'ñiangthohlieh u Naaman kan bit ha me, bad ha u symbai jong me junom.” Bad u la leit mih noh na khmat jong u, u bapang 'ñiangthohlieh, lieh kat ka ïor.

2 SYIEM 7:3

Te la don saw ngut ki bapang 'thohlieh ha kaba rung sha ka khyrdop; bad ki la ïakren paralok, “Balei ngin ïashong hangne haduh ba ngin da ïap?

1 KHRONIKL 21:16

Te u Dabid u la khmied ïa la ki khmat, bad u la ïohi ïa uta u angel U Trai ba u ïeng hapdeng ka khyndew bad ka bneng, uba bat ka waitlam ba la sei ha la ka kti ba la kner halor ka Jerusalem. Ynda kumta, u Dabid bad ki tymmen basan, kiba la kup da ki jaiñ byrni, ki la hap dem la ki khmat.

SALM 50:15

bad to khot kyrpad ha nga ha ka sngi ka jingjynjar: ngan pyllait ïa me, te men pyndonburom ïa nga.

SALM 91:15

Un khot kyrpad ïa nga, nga ruh ngan phai ktien ïa u; ha ka jynjar ngan long lem bad u: ngan pyllait ïa u, bad ngan pyndonburom ïa u.

EKSODOS 4:6

Nalor kata ruh, U Trai u la ong ha u, “To buh mynta ïa la ka kti ha la ka shadem.” U te u la buh ïa la ka kti ha la ka shadem: te mynba u la sei noh ïa ka, ha khmih, ka la thohlieh, kat ka ïor.

LEBITIKOS 13:16

Hynrei, lada kata ka doh saw ka da kylla pat, bad ba ka la kylla lieh, ka dei ba un wan ha u lyngdoh,

LEBITIKOS 9:24

Bad ka ding ka la mih na khmat U Trai, bad ka la thang duh halor ka duwan ïa ka jingkñia ainguh thang bad ïa ka khleiñ: bad u paidlang baroh u la ïohi, bad ki la ïarisa kmen, bad ki la ïadem ngon haduh khyndew.

MATHAÏOS 26:6

Haba U Jisu u dang don te ha Bethania, ha ïing uta u Simon u bapang 'ñiangthohlieh,

MATHAÏOS 9:28

Haba u la wan hapoh ïing te, kita ki bamatlah ki la ïawan ha u; te U Jisu u la ong ha ki, “Phi ngeit ba nga lah ban leh ïa kane?” Ki la ong ha u, “Ho-oid, ko Trai.”

MARKOS 5:23

bad u la duwai shikatdei ïa U, u da ong, “Ka khun rit jong nga ka ha tmier ka jingïap: to wan buh ïa la ki kti ha ka, ban ïoh pynkhiah ïa ka, ba kan im.”

LOUKAS 17:16

bad u la dem khrup ha ki kjat jong U, u da nguh ïa U; une te u la long u nong Samaria.

LOUKAS 5:13

Haba U la kner te ïa la ka kti, U la ktah ïa u, U da ong, “Nga mon; to men long khuid.” Te kumne kumne ruh, kata ka pang 'thohlieh ka la jah noh na u.

DEUTERONOMI 24:8

“To sumar shaphang ka pang 'thohlieh, ba men khmih bniah, bad men leh ruh baroh kat kumba ki Lebi ki lyngdoh keiñ kin hikai ïa phi: kumba nga la hukum ïa ki, kumta phin sumar ban leh.

HEBRU 7:25

Namar kata, u lah ruh ban pynim janai ïa kita kiba wan ha U Blei da u, haba u im ha la ka rta ïa ka ban ïasaid na ka bynta jong ki.

JOSHUA 5:14

Te u la ong, “Em; hynrei kum u kaptan jong u paidïapom jong U Trai nga la wan mynta.” Bad u Joshua u la dem ngon la ka khmat ha khyndew, bad u la mane, bad u la ong ha u, “U Kynrad jong nga u ong aïu ha la u shakri?”