LOUKAS 4:8 - KA BAIBL

⁸ U Jisu te U la ïathuh bad U la ong ha u, “Khie leit noh shadien jong nga, me u Soitan: naba la thoh: “ ‘Men mane dem ïa U Trai uba U Blei jong me, tang ïa u hi ruh men shakri.’ ”

Khasi CL Bible (BSI)

⁸ U Jisu u la jubab, “Ka Jingthoh Bakhuid ka ong, ‘To mane ïa U Trai uba U Blei jong me bad shakri tang ïa u!’ ”

LOUKAS 4:8 ပူးပေါင်းရင်းမြစ်များ

2 SYIEM 19:15

Te u Hesekaïah u la duwai ha khmat U Trai, bad u la ong, “A Trai, U Blei ki Israel, uba shong halor ki Kherub, me tang ma me hi me long U Blei ka hima ka khyndew baroh; me la thaw ïa ka bneng bad ka khyndew.

SALM 83:18

khnang ba kin ïoh tip ba tang ma me hi, uba ka kyrteng jong me long U Jehobah, uba U Bahakhlieh Tam Eh halor ka khyndew baroh.

ISAÏAH 2:11

Ïa ka jingkhmih basarong jong u briew yn pynpoh, bad ïa ka jingmeng ki briew yn pyndem, te tang ïa U Trai hi yn pynkyntiew ha kata ka sngi.

MATHAÏOS 16:23

Haba U la phai te U la ong ha u Petros, “Khie leit shadien jong nga, me u Soitan! Me long u mawjynthut ïa nga! naba mem ñiew ïa kiei kiei ki jong U Blei, hynrei, ïa kiei kiei ki jong ki briew.”

MATHAÏOS 4:10

Ynda kumta, U Jisu u la ong ha u, “Khie leit noh, me u Soitan: naba la thoh: “ ‘Men mane ïa U Trai uba U Blei jong me, tang ïa u hi ruh men shakri.’ ”

LOUKAS 4:4

Te U Jisu u la ïathuh ha u, “La thoh: ‘Ym tang da u kpu hi ba un im u briew, hynrei, da ki ktien baroh ki jong U Blei.’ ”

LOUKAS 4:7

lada ma me, namar kata, men mane dem ha khmat jong nga, baroh kan long ka jong me.”

DEUTERONOMI 10:20

Men sheptieng ïa U Trai uba U Blei jong me; ïa u hi men shakri; bad ha u men snoh, bad ha ka kyrteng jong u ruh men smai.

DEUTERONOMI 6:13

To men sheptieng ïa U Trai uba U Blei jong me; bad to shakri ïa u, bad da ka kyrteng jong u men smai.

JAKOB 4:7

Namar kata, to da pynkohnguh ïa lade ha U Blei; hynrei, to ïaleh pyrshah ïa u Soitan, te un phet ïap noh na phi.

1 PETROS 5:9

Ïa uta to phin ïaleh pyrshah, kiba skhem ha la ka jingngeit, da kaba tip ba dang pyndep ïa kita kijuh hi ki jingshahshitom ha kita ki parabangeit jong phi kiba ha ka pyrthei.

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).

JINGPYNPAW 22:9

Te u ong ha nga, “To sumar me, wat leh ïa kata! namar nga long u para shakri jong me bad jong kita ki parabangeit jong me ki nongïathuhlypa, bad jong kita kiba ïasumar ïa ki ktien jong kane ka kitab: to mane dem ïa U Blei.”

1 SAMUEL 7:3

Te u Samuel u la kren ha ka ïing Israel baroh, u da ong, “Lada phin phai noh sha U Trai da ka dohnud jong phi baroh, to bred noh ïa kita ki blei khyllah bad ïa ki Ashtaroth napdeng jong phi, bad to khreh ïa la ki dohnud sha U Trai, to shakri ruh tang ïa u hi: u te un pyllait noh ïa phi na ka kti ki Philistia.”