LOUKAS 4:35 - KA BAIBL

³⁵ U Jisu te u la sneng ïa u, U da ong, “Wat jam me, to mih noh ruh na u.” Kumta haba uta u ksuid u la pynkyllon ïa u hapdeng, u la mih noh na u, um shym da pynsniew ei ei ruh em ïa u.

Khasi CL Bible (BSI)

³⁵ U Jisu u la hukum ïa u mynsiem, “Sngap jar bad mihnoh na une u briew!” U mynsiem bymkhuid u la bret ïa uta u briew sha madan ha khmat jong ki, bad u la mihnoh na u, khlem pynmynsaw ei ei ïa u.

LOUKAS 4:35 ပူးပေါင်းရင်းမြစ်များ

SALM 50:16

Hynrei, ha u bymman U Blei u ong, “Me donkam aïu ma me ba me pynbna ïa ki aiñ jong nga, bad ba me la shim ïa ka jutang jong nga ha la ka shyntur?

SEKHARAÏAH 3:2

Te U Trai u la ong ha u Soitan, “To U Trai un sneng ïa me, u Soitan; shisha, U Trai uba la jied ïa ka Jerusalem un sneng ïa me: hato une um long u dieng tyllaw ïa uba la knieh na ka ding?”

MATHAÏOS 17:18

Te U Jisu u la sneng ïa uta u ksuid, u ruh u la mih noh na u; te uta u khynnah u la khiah naduh kata ka por.

MATHAÏOS 8:26

U te u la ong ha ki, “Balei ba phi long kiba sheptieng, A phi kiba rit jingngeit?” Ynda kumta, u la khie, u la sneng ïa ka lyer bad ïa ka duriaw ruh; te ka la long kaba jai jai eh.

MARKOS 1:26

Uta u mynsiem bymkhuid te, da kaba ring kyrthat ïa u bad da kaba pyrta da ka ktien bajam, u la mih noh na u.

MARKOS 4:39

Haba u la khie te, u la sneng ïa ka lyer, bad u la ong ha ka duriaw, “Long jai jai, wat khih shuh.” Kumta, kata ka lyer ka la jem jai, bad ka la long kaba jai jai eh.

MARKOS 9:26

Haba u la lynñiar te, bad u la ring kyrthat ïa u shikatdei, u la mih noh bad uta u khynnah u la long kum uba la ïap, katba shibun ki ong, “Ba u la ïap.”

LOUKAS 11:22

Hynrei, ynda uba kham khlaiñ ïa u un wan ïaleh ïa u, bad un jop ïa u, u shim noh ïa ka jingkieng atiar jong u baroh ha kaba u la shaniah, bad u ïabynta ïa ki jinglute jong u.

LOUKAS 4:23

U la ong te ha ki, “Khlem pep phin ong ha nga ïa kane ka pharshi, ‘Ko nongpynkhiah, to pynkhiah ïa lade: Ïa kaei kaei ruh ba ngi la ïohsngew ba la leh ha Kapernam, to leh hangne ruh ha la ka jong ka ri.’ ”

LOUKAS 4:39

Te haba U la ïeng najan jong ka, U la sneng ïa kata ka khieshoh, te ka la iehnoh ïa ka; bad kumne kumne ruh ka la ïeng bad ka la shakri ïa ki.

LOUKAS 4:41

Ki ksuid ruh de ki la mih noh na kiba bun, ki da pyrta jam, ki da ong ruh, “Me long U Khrist U Khun U Blei.” Hynrei, haba u la sneng ïa ki, um shah ïa ki ban kren, naba ki la tip ba u long U Khrist.

LOUKAS 8:24

Te ki la ïawan ha u bad ki la kyrsiew ïa u, ki da ong, “Ko kynrad, kynrad, ngi la ïap!” Te u la kyndit bad u la sneng ïa kata ka lyer bad ïa kata ka jingat phyllung ka um; kumta, ki la ïajah noh, bad ka la long kaba jai jai.

LOUKAS 9:39

ha khmih ruh, don u mynsiem ba kem ñiat ïa u, te shisyndon noh u lynñiar; bad u ring kyrthat ïa u katba u da sei tyrtho; bad haba u la pynlwet ïa u, da kaba eh u leit noh na u.

LOUKAS 9:42

Te katba u dang wan, uta u ksuid u la pynkyllon sbak ïa u, bad u la ring kyrthat eh ïa u. U Jisu te U la sneng ïa uta u mynsiem bymkhuid, bad U la pynkhiah ïa uta u khynnah, bad U la ai noh ïa u ha u kpa jong u.

JINGPYNPAW 12:12

Naba kumta to ïakmen, ko ki bneng, bad phi kiba shong ha ki. Kordit ïa kata ka khyndew, bad ïa ka duriaw! naba uta u Ksuid u la leit hiar ha phi, uba don ka jingbitar bakhraw, naba u tip ba u don tang khyndiat por.”