LOUKAS 4:18 - KA BAIBL

¹⁸ “U Mynsiem U Trai U ha nga: naba U la pynsleh ïa nga ïa ka ban ïalap ïa ka gospel ha ki baduk; U la phah ïa nga ban pynbna ïa ka jingpyllait ha kiba la set byndi, bad ïa ka jingpynpeit pat ha ki bamatlah, ban pyllait noh ïa kiba la ban ka shitom;

Khasi CL Bible (BSI)

¹⁸ “U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

LOUKAS 4:18 ပူးပေါင်းရင်းမြစ်များ

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

2 KHRONIKL 34:27

namar ba ka dohnud jong me ka long kaba jem, bad me la pynrit ïa lade ha khmat U Blei, haba me la ïohsngew ïa ki ktien jong U pyrshah ïa kane ka jaka, bad pyrshah ïa ki nongshong jong ka, bad me la pynrit ïa lade ha khmat jong nga, bad me la kad ïa la ki jaiñ, bad me la ïam ha khmat jong nga; nga ruh nga la ïohsngew ïa me,’ ” ong U Trai.

SALM 102:20

ïa ka ban sngap ïa ka jingud jong uba sah byndi; ïa ka ban pyllait ïa ki khun ka jingïap:

SALM 147:3

U shna ïa kiba la pait dohnud, bad u spaiñ ïa ki jingmong jong ki.

SALM 2:2

Ki syiem ka pyrthei ki ïaïeng, bad ki nongsynshar ki ïasylla lang pyrshah ïa U Trai, bad pyrshah ïa uba la sleh jong u, ki ïa-ong,

SALM 2:6

“Pynban, nga la thung ïa la u syiem halor ka Seïon, u lum bakyntang jong nga.”

SALM 34:18

U Trai u long hajan kita kiba la pait dohnud, bad u pynim ïa kat kiba sngewsih ka mynsiem.

SALM 45:7

Me la ieit ïa ka hok, bad me la isih ïa ka jingbymman: namar kata, U Blei, U Blei jong me keiñ, u la pynsleh ïa me da ka umphniang ka jingkmen tam ïa ki paralok jong me.

SALM 51:17

Ki jingkñia ki jong U Blei ki long ka mynsiem kaba lwet: ka dohnud kaba lwet bad basngewsih, A U Blei, men ym ibeiñ.

ISAÏAH 32:3

Bad ki khmat jong kita kiba ïohi kin ym byrïe, ki shkor ruh jong kita kiba ïohsngew kin sngap.

ISAÏAH 35:5

Ynda kumta, ïa ki khmat u bamatlah yn pynpeit, bad ïa ki shkor u bakyllut yn plie noh.

ISAÏAH 42:7

ban pynpeit ïa ki khmat bamatlah, ban pyllait noh ïa ki nongsah byndi na ka byndi pohkhrum, bad ïa kita kiba shong ha ka jingdum na ka ïing byndi.

ISAÏAH 45:13

Nga la pynmih ïa u ha ka hok, bad ngan pynbeit ïa ki lynti jong u baroh: u un tei ïa ka shnong jong nga, bad un pyllait ei ïa ki khun kliarwait jong nga, khlem dor lymne bainong,” ong U Trai ki paid.

ISAÏAH 49:9

da kaba ong ha kita kiba la khum, ‘To mih noh’; ha kita kiba ha ka jingdum, ‘To pyni ïa lade.’ Kin ïabam ha ki lynti, bad ha ki kliar lum baroh kin long ki jaka bam phlang jong ki.

ISAÏAH 50:4

U Trai U Blei u la ai ha nga u thylliej jong kiba la shah hikai, ba ngan tip kumno ban shan da ki ktien ïa uta uba thait: u pynkyndit man la ka step, u pynkyndit ïa ka shkor jong nga ban sngap kum kiba la shah hikai.

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 59:21

“Nga te, kane ka long ka jutang jong nga bad ki,” ong U Trai: “U Mynsiem jong nga uba ha me, bad ki ktien jong nga kiba nga la buh ha ka shyntur jong me, kin ym kynriah noh na ka shyntur jong me, lymne na ka shyntur u symbai jong me, lymne na ka shyntur u symbai jong u symbai jong me,” ong U Trai, “naduh mynta bad ha la ka rta.”

ISAÏAH 61:1

U Mynsiem U Trai U Blei u ha nga; naba U Trai u la pynsleh ïa nga ban ïalap ïa kiei kiei ki babha ha ki bajemnud; u la phah ïa nga ban spaiñ ïa kiba la pait dohnud, ban ïalap ïa ka jingpyllait noh ha kiba la ring mraw, bad ïa kaba plie ïa ka byndi ha kiba la khum;

ISAÏAH 66:2

Naba ïa kine kiei kiei baroh ka kti jong nga ka la thaw, te kumta kine kiei kiei baroh ki la wan long,” ong U Trai: “hynrei, ha une u briew ngan khmih, wat ha uta uba sngewduk bad uba sngewsih ka mynsiem, bad uba khynñiuh ha ka ktien jong nga.

ESEKIEL 9:4

Bad U Trai u la ong ha u, “To ïaid lyngba kata ka nongbah, lyngba ka Jerusalem, bad to buh ka dak halor ki shyllangmat jong kita ki briew kiba ud bad kiba lynñiar namar ki jingijli baroh kiba la leh hapdeng jong ka.”

DANIEL 9:24

“Hynñiewphew taïew la pynkut halor ki briew jong me bad halor kata ka nongbah bakhuid jong me, ïa ka ban pyndep ïa ka jingpalat, bad ban pynwai noh ïa ki pop, bad ban pynlong ka jingpynïasuk na ka bynta ka jingbymhok, bad ban wallam noh ïa ka hok bymjukut, bad ïa ka ban pyndait laha ïa ka jingithuhpaw bad ïa ka jingïathuhlypa, bad ban pynsleh ïa U Bakhuid Tam Eh.

SEPHANAÏAH 3:12

Hynrei, ngan pynsah hapdeng jong me ki briew ki bajynjar bad baduk, ki te kin shaniah ha ka kyrteng U Trai.

SEKHARAÏAH 11:11

Te la pynkheiñ ïa ka ha kata ka sngi: kumta, kine kiba lanot ka kynhun kiba la sngap pyrkhat ïa nga ki la tip ba ka la long ka ktien U Trai.

MALAKHI 4:2

Hynrei, ha phi kiba sheptieng ïa ka kyrteng jong nga kan mih ka sngi ka hok bad ka jingpynkhiah ha ki thapniang jong ka; bad phin ïoh mih shabar, bad phin rynsied kum ki khun masi ba bsa ha ïing.

MATHAÏOS 11:5

Ki bamatlah ki peit pat, ki ba-dkoh ruh ki ïaid, la pynkhuid ïa ki bapang 'ñiangthohlieh, ki bakyllut ruh ki ïohsngew, la pynim pat ïa ki nongïap, bad la ïalap ïa ka gospel ha ki baduk ruh:

MATHAÏOS 12:18

“Ha khmih, u shakri jong nga ïa uba nga la jied; uba ieit jong nga ha uba ka mynsiem jong nga ka sngewbha eh: ngan buh ïa U Mynsiem jong nga ha u, bad un pynbna ïa ka jingbishar ha ki Jentil:

MATHAÏOS 12:20

un ym pynkheiñ ïa u khah uba la mong, bad un ym pynlip ïa u 'saihon uba sah tdem, tad ynda un pynphriang ïa ka jingbishar haduh ka jingjop:

MATHAÏOS 4:16

ki briew kiba shong ha kaba dum ki la ïohi ïa ka jingshai bakhraw, bad ha kita kiba shong ha ka ri bad ha ka syrngiew ka jingïap, la mih ka jingshai.”

MATHAÏOS 5:3

“Suk ki baduk ha ka mynsiem: naba jong ki, long ka hima ki bneng.

LOUKAS 4:17

La ai te ha u ïa Ka Kitab U Isaïah U Nongïathuhlypa: bad haba u la plied ïa kata ka kitab, u la shem ïa ka jaka ha kaba la thoh:

LOUKAS 6:20

U te haba u la peit la ki khmat ha ki synran jong u, u la ong, “Suk ma phi ki baduk; naba ka jong phi long ka hima U Blei.

LOUKAS 7:22

U Jisu te u la ïathuh bad u la ong ha ki, “Khie leit ïathuh ha u Ïoannis ïa kiei kiei kiba phi la ïohi bad ba phi la ïohsngew ruh; ba ki bamatlah ki peit pat, ki ba-dkoh ki ïaid, ïa kiba sa 'ñiangthohlieh la pynkhuid, ki bakyllut ki ïohsngew, ïa ki baïap la pynim pat, bad la ïalap ïa ka gospel ha ki baduk:

ÏOANNIS 1:41

Une u shem nyngkong ïa u para jong u hi u Simon, bad u ong ha u, “Ngi la shem ïa u Messiah” (kaba long haba la batai, “U Khrist”).

ÏOANNIS 12:46

Nga uba la wan ka jingshai ha ka pyrthei, ba u briew baroh uba ngeit ha nga, un ym ïaisah ha ka ba-dum.

ÏOANNIS 3:34

Naba uta ïa uba U Blei u la phah, u kren ïa ki ktien jong U Blei: naba U Blei um ai ïa U Mynsiem da ka jingthew.

KI KAM 10:38

shaphang U Jisu uba na Nasaret, kumno ba U Blei u la pynsleh ïa u da U Mynsiem Bakhuid, bad da ka bor, uba la ïaid kylleng u da leh babha, bad u da pynkhiah ïa kita baroh kiba la ban shitom da u Soitan; naba U Blei u long ryngkat bad u.

KI KAM 26:18

ban pynpeit ïa ki khmat jong ki, ba kin ïoh phai na ka jingdum sha ka jingshai, bad na ka bor jong u Soitan sha U Blei, ba kin ïoh pdiang kaba map ki pop, bad ka bynta hapdeng kita ïa kiba la pynkhuid da ka jingngeit kaba ha nga.’ ”

KI KAM 4:26

Ki syiem ka pyrthei ki la ïaïeng ïaleh, bad ki nongsynshar ki la ïalum lang pyrshah ïa U Trai, bad pyrshah ïa U Khrist jong u.’

KI KAM 4:27

“Namar da shisha ha kane ka shnong, u Herod bad u Pontios Pilat, lem bad ki Jentil bad ki paidbah Israel, ki la ïalum lang ïa ka ban ïaleh ïa U Jisu U Khun u bakhuid jong me, ïa uba me la pynsleh,

KOLOSSAI 1:13

uba la pyllait ïa ngi na ka bor jong ka jingdum, bad uba la pynkynriah noh ïa ngi sha ka hima jong U Khun ka jingieit jong u;

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

1 PETROS 2:9

Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u: