LOUKAS 4:1 - KA BAIBL

¹ U Jisu te uba la dap da U Mynsiem Bakhuid, u la wan phai pat na ka Jordan, bad la ïalam noh ïa u da U Mynsiem sha ka ri khlaw, sawphew sngi,

Khasi CL Bible (BSI)

¹ U Jisu u la wan phai na ka wah Jordan uba la dap da U Mynsiem Bakhuid bad la ïalam ïa u da U Mynsiem sha ka ri shyiap,

LOUKAS 4:1 ပူးပေါင်းရင်းမြစ်များ

1 SYIEM 18:12

Te nga tang shu leit noh na me, U Mynsiem U Trai un rah ïa me sha kaba nga ngam tip; te kumta ynda nga wan ïathuh ha u Ahab, bad um lah ban shem ïa me, un pynïap ïa nga: hynrei ma nga, u shakri jong me, nga sheptieng ïa U Trai la myndang khynnah.

1 SYIEM 19:4

Hynrei, u hi u la leit shi sngi lynti sha ka ri khlaw, te haba u la poi u la shong hapoh u dieng Ratam: bad u la duwai na ka bynta ïa lade ba un ïap noh; u la ong ruh, “Ka la biang katta; mynta A Trai, to shim noh ïa ka jingim jong nga; naba ngam long kham bha ban ïa ki kpa jong nga.”

ISAÏAH 61:1

U Mynsiem U Trai U Blei u ha nga; naba U Trai u la pynsleh ïa nga ban ïalap ïa kiei kiei ki babha ha ki bajemnud; u la phah ïa nga ban spaiñ ïa kiba la pait dohnud, ban ïalap ïa ka jingpyllait noh ha kiba la ring mraw, bad ïa kaba plie ïa ka byndi ha kiba la khum;

ESEKIEL 3:14

Kumta, U Mynsiem u la kyntiew noh ïa nga, bad u la shim noh ïa nga: te nga la leit ha ka jingkthang, ha ka jingshit ka mynsiem jong nga, ka kti U Trai ruh ka la long jur halor jong nga.

MATHAÏOS 3:16

U Jisu te, ynda la pynbaptis ïa u, u la kiew noh kumne kumne na ka um: ha khmih ruh, la plie ïa ki bneng ïa u, bad u la ïohi ïa U Mynsiem U Blei ba u da hiar kum ka paro, ba u da wan shong ruh ha u.

LOUKAS 2:27

Te u la wan ha U Mynsiem sha ka templ: bad haba kita ki kmie ki kpa ki la wallam shapoh ïa U Jisu uba dang khunlung, ba kin leh na ka bynta jong U kumba shong ka rukom jong Ka Hukum;

LOUKAS 3:3

Te u la leit sha ka ri baroh sawdong ka Jordan, u da ïalap ïa ka jingbaptis ka jingkylla-ka-bamut, ïa ka ban map ki pop;

LOUKAS 3:38

u khun u Enos, u khun u Seth, u khun u Adam, uba u khun U Blei.

LOUKAS 4:14

Ynda kumta, U Jisu u la wan phai pat ha ka bor U Mynsiem sha Galilaïa: te ka nam shaphang jong u ka la phriang baroh sawdong kata ka ri.

LOUKAS 4:18

“U Mynsiem U Trai U ha nga: naba U la pynsleh ïa nga ïa ka ban ïalap ïa ka gospel ha ki baduk; U la phah ïa nga ban pynbna ïa ka jingpyllait ha kiba la set byndi, bad ïa ka jingpynpeit pat ha ki bamatlah, ban pyllait noh ïa kiba la ban ka shitom;

ÏOANNIS 1:32

U Ïoannis u la phla ruh u da ong, “Nga la ïohi ïa U Mynsiem ba u hiar kum ka paro na bneng, bad u la sah halor jong U.

ÏOANNIS 3:34

Naba uta ïa uba U Blei u la phah, u kren ïa ki ktien jong U Blei: naba U Blei um ai ïa U Mynsiem da ka jingthew.

KI KAM 1:2

haduh kata ka sngi ha kaba la pdiang ïa u sha jrong, ynda u la ai hukum da U Mynsiem Bakhuid ha kita ki apostol ïa kiba u la lah jied:

KI KAM 10:38

shaphang U Jisu uba na Nasaret, kumno ba U Blei u la pynsleh ïa u da U Mynsiem Bakhuid, bad da ka bor, uba la ïaid kylleng u da leh babha, bad u da pynkhiah ïa kita baroh kiba la ban shitom da u Soitan; naba U Blei u long ryngkat bad u.

KI KAM 8:39

Te haba ki la ïawan kiew noh na kata ka um, U Mynsiem U Trai u la rah noh ïa u Philip, bad uta u Ïunukh um shym la ïohi shuh ïa u, naba u la nang leit ha ka lynti jong u da kaba kmen.