LOUKAS 3:5 - KA BAIBL

⁵ Ïa ka jaka them baroh yn pyndap, ïa u lum bah bad ïa u lum rit baroh yn pynmadan ruh; bad ki lynti ki bakyllaiñ kin long kiba beit, bad kiba shong at shong them ruh kin long ki lynti bamadan;

Khasi CL Bible (BSI)

⁵ Ïa kawei pa kawei ka them dei ban pyndap, ïa uwei pa uwei u lumrit bad u lumbah dei ban pynmadan. Ïa ki lynti kiba kyllaiñ dei ban pynbeit, bad ïa ki lynti ïaid kiba khohruh khohram dei ban pynjlih.

LOUKAS 3:5 ပူးပေါင်းရင်းမြစ်များ

ISAÏAH 40:4

Ïa ka jaka them baroh yn kyntiew, bad ïa u lum bah bad ïa u lum rit baroh yn pynhiar: bad ïa kiba kyllaiñ yn pynbeit, bad ki jaka khohruh khohram kin madan:

ISAÏAH 42:16

Te ngan wallam ïa ki bamatlah da ka lynti ba kim shym ithuh; ha ki lynti ïaid ba kim tip ngan ïalam ïa ki: ngan pynlong shai ïa ka jingdum ha khmat jong ki, bad kiba beit ïa ki jaka bakyllaiñ. Ïa kine kiei kiei ngan leh, bad ngan ym iehnoh noh ïa ki.

ISAÏAH 45:2

“Ngan leit ha shuwa jong me, bad ïa ki jaka khohruh khohram ngan pynmadan: ngan pynlwet jin ïa ki jingkhang rnong, bad ngan kdiah ïa ki dieng jingkhang nar:

ISAÏAH 49:11

Te ngan pynlong lynti ïa ki lum jong nga baroh, yn pynkyntiew ruh ïa ki lynti bah jong nga.

ESEKIEL 17:24

Bad baroh ki dieng ka khyndew kin tip ba ma nga U Trai nga la pynhiar ïa u dieng uba jrong, nga la kyntiew ïa u dieng uba poh, nga la pyntyrkhong khait ïa u dieng bajyrngam, bad nga la pynman bha ïa u dieng batyrkhong: ma nga U Trai nga la kren bad nga la leh ïa ka.”

JAKOB 1:9

Te uta u parabangeit u bapoh, to un leh kmen noh ha ka jingpynkyntiew ïa u;