LOUKAS 3:11 - KA BAIBL

¹¹ U la ïathuh bad u la ong te ha ki, “Jar uba don ar tylli ki sopti un ïasam bad uta u bymdon; bad jar uba don ki jingbam, to un leh kumjuh.”

Khasi CL Bible (BSI)

¹¹ U la jubab, “Uta uba don ar tylli ki sopti, u dei ban ai kawei ha u briew u bym don, bad uno uno uba don jingbam u dei ban ïasam ïa ka.”

LOUKAS 3:11 ပူးပေါင်းရင်းမြစ်များ

ESEKIEL 18:7

bad um shym leh bymdei ïano ïano, hynrei, u la ai pat ha u nongkit ram ïa ka jingbuh bynda jong u, um shym la lute ïano ïano da ka bor, u la ai la u kpu ha u bathngan, bad u la pynkup ïa u balyngkhuit da ka jaiñ;

DANIEL 4:27

Namar kata, ko syiem, to pdiang ïa ka jingkyntu jong nga, bad to pynduh noh ïa ki pop jong me da ka jinglehhok, bad ïa ki jingbymhok jong me da kaba leh isynei ïa ki baduk; lehse don ka jingpynslem ïa ka jingsuk jong me.”

MATHAÏOS 25:40

Uta U Syiem te un ïathuh bad un ong ha ki, ‘Shisha nga ong ha phi, ha kaba phi la leh ïa ka ha uwei u barit tam na kine ki para jong nga, phi la leh keiñ ha nga.’

LOUKAS 11:41

Te hynrei, to ai kum ka jingai isynei na kiei kiei kiba shapoh; te ha khmih, kiei kiei baroh ki long khuid ïa phi.

LOUKAS 18:22

U Jisu te haba U la ïohsngew ïa kine kiei kiei ruh, U la ong ha u, “Sa kawei me dang duna. To die noh ïa kiei kiei baroh katba me don, to sam ruh ha ki baduk, te men ïoh ka jingkynshew keiñ ha bneng; bad to wan bud ïa nga.”

LOUKAS 19:8

Hynrei, haba u la ïeng joit u Sakkhaïos, u la ong ha U Trai, “Ha khmih, ïa kaba shiteng na kiei kiei ruh ki jong nga, A Trai, ngan sa ai ha ki baduk; bad lada nga la shim klop ïa kaei kaei ruh na uno uno ruh da kaba mudui lamler, ngan sa siew pat saw shah.”

ÏOANNIS 13:29

Namar don kiba la ïamut, namar ba u Judas u la don uta u 'saipan, ba U Jisu u ong ha u, “To thied ïa kiei kiei kiba ngi ïadonkam ïa Ka Jingkhawai Niam”; lane, ba un ai ei ei ha ki baduk.

KI KAM 10:2

u briew bariewblei, bad uba sheptieng ïa U Blei, lem bad ka ïing jong u baroh, uba la ai shibun ki jingai isynei ïa ki briew, bad uba duwai de ha U Blei khlem da pud.

KI KAM 10:31

bad u ong, ‘Ko Kornilios, la shahshkor ïa ka jingduwai jong me, bad ïa ki jingai isynei jong me la buh jingkynmaw ha khmat U Blei.

KI KAM 10:4

U te, haba u la khmih shaiñ ha u, bad ba u dang kyndit, u la ong, “Kumno, Kynrad?” Te u la ïathuh ha u, “Ki jingduwai jong me bad ki jingai isynei jong me, ki la ïakiew soit kum ka jingkynmaw ha khmat U Blei.

EPHESOS 4:28

Jar uba ju tuh, to wat tuh shuh, hynrei, to un da trei shitom, da kaba trei da la ki kti ïa kata ka babha, ba un ïoh ei ei ban ïa-ai ha uta u bakyrduh.

1 TIMOTHI 6:17

To hukum ïa kita ki bariewspah ha kane ka pyrthei ban ym sngewmeng, lane ban ym kyrmen ha ka jingbymthikna ka spah, hynrei, ha U Blei, u ba ai kyrhai ha ngi ïa kiei kiei baroh ïa ka ban pyndonkam sngewbha ïa ki;

1 TIMOTHI 6:18

ba kin leh bha, ba kin man kyrhai ha ki jingleh babha, ba kin long kiba la kloi ban ai, kiba la kloi ban ïasngewlem;

HEBRU 6:10

namar U Blei um long u bymhok ba un klet ïa ka jingleh jong phi bad ïa kata ka jingieit kaba phi la ïa-pyni sha ka kyrteng jong u, ha kaba phi la shakri ïa ki riewkhuid, bad ba phi ïaishakri ruh.

JAKOB 1:27

Ka jinglong riewblei kaba sngur bad bymtngit ha khmat U Blei bad U Kpa ka long kane keiñ: ban leit khmih ïa ki khunswet bad ïa ki riewkynthei ha ka jingshitom jong ki, bad ban ri noh ïa lade uba khlem thohbria na ka jong ka pyrthei.

JAKOB 2:14

Hato ka myntoi aïu, ko parabangeit jong nga, lada uno uno ruh u ong ba u don ka jingngeit, hynrei, um don ki jingleh? hato kata ka jingngeit ka lah ne em ban pynim ïa u?

1 ÏOANNIS 3:17

Hynrei, jar uba don ka spah ka jong ka pyrthei, bad u da ïohi ïa u parabangeit jong u ha ka jingkyrduh, bad un khang khop ïa ka jingsngewsynei jong u na u, hato kumno kata ka jingieit jong U Blei ka ïaisah ha uta?

1 ÏOANNIS 4:20

Lada uno uno ruh u ong, “Nga ieit ïa U Blei”, bad u shun ïa la u parabangeit u long uba lamler; namar uta u bymieit ïa la u parabangeit ïa uba u la ïohi, um lah ban ieit ïa U Blei ïa uba um shym la ïohi.