LOUKAS 24:44 - KA BAIBL

⁴⁴ U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

Khasi CL Bible (BSI)

⁴⁴ Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

LOUKAS 24:44 ပူးပေါင်းရင်းမြစ်များ

JENESIS 14:18

Bad u Melkhisedek u syiem ka Salem u la wallam ïa u kpu bad ïa ka umsoh Waiñ: bad u la long u lyngdoh jong U Blei U Bahalor Tam Eh.

JENESIS 22:18

bad ha u symbai jong me ki jaid bynriew baroh ka pyrthei kin ïa-pynkyrkhu ïa lade; naba me la kohnguh ïa ka ktien jong nga.”

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

SALM 118:22

U maw uba ki nongtei ki la kyntait u la kylla long ka khlieh ka dong.

ISAÏAH 28:16

namar kata, kumne u ong U Trai U Blei, “Ha khmih, nga buh nongrim ha Seïon, ïa u maw, u maw ba la tynjuh, u mawdong bakordor jong ka nongrim baskhem: ‘Uta uba ngeit un ym pynkyrkieh.’

ISAÏAH 52:13

Ha khmih, u shakri jong nga un leh stad, yn kyntiew ïa u bad yn pynkhraw ïa u, bad un long hajrong eh.

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 23:5

“Ha khmih, ki sngi kin wan,” ong U Trai, “ba ngan pynmih ha u Dabid ïa U Tnat u bahok, te un synshar kum u syiem bad un leh stad, bad un leh ïa ka jingbishar bad ïa ka hok ha ka ri.

JEREMAÏAH 33:14

“ ‘Ha khmih, ki sngi kin sa poi,’ ong U Trai, ‘ba ngan sa pyndep ïa kata ka ktien ka babha ïa kaba nga la kren shaphang ka ïing Israel bad shaphang ka ïing Judah.

ESEKIEL 17:22

Kumne u ong U Trai U Blei: “Ngan shim ruh na ka kliar bajrong u dieng Kedar, bad ngan buh ïa ka; ngan kdiah na kliar ki tnat lung jong u ïa iba dang lung eh bad ngan thung ïa i halor u lum uba jrong bad uba khraw:

ESEKIEL 34:23

Bad ngan thung ïa uwei u nongaplangbrot halor jong ki, u te un bsa ïa ki, u shakri jong nga keiñ u Dabid; un bsa ïa ki, bad un long u nongaplangbrot jong ki.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 7:13

“Nga la ïohi ha ki jingithuhpaw mynmiet, “bad ha khmih, u la wan uwei da ki lyoh bneng kum u khun u briew, bad u la wan sha uta uba na mynhyndai kulong, bad ki la wallam ïa u hajan jong u.

HOSIA 3:5

hadien kata, ki khun Israel kin sa phai, bad kin sa wad ïa U Trai U Blei jong ki, bad ïa u Dabid u syiem jong ki de; te kin sa wan da ka jingsheptieng ha U Trai bad ha ka jinglehsbun jong u ha ki sngi ki bakhatduh.

AMOS 9:11

“Ha kata ka sngi ngan pynïeng ïa Ka Tabernakl u Dabid kaba la kyllon, bad ngan pyndam ïa ki jingpynpei jong ka; bad ngan pynïeng pat ïa ki jingtwa jong ka, bad ngan tei pat ïa ki kumjuh kumba ha ki sngi mynbarim;

SEKHARAÏAH 12:10

“Te ngan theh buk buk halor ka ïing u Dabid, bad halor ki nong Jerusalem, ïa ka mynsiem ka jingaiei bad ka jingkyrpad; bad kin khmih ha nga ïa uba ki la sum; bad kin ïambriew ïa u, kumba uno uno u ïambriew ïa la u khun marwei, bad kin sngewkthang namar jong u, kumba uno uno u sngewkthang namar uba la kha nyngkong jong u.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

SEKHARAÏAH 14:4

Te ha kata ka sngi ki kjat jong u kin ïeng halor u lum Olib, uba ha pyrshah ka Jerusalem shaphang mihngi, bad u lum Olib un kad napdeng jong u shaphang mihngi bad shaphang sepngi, te kan don ka them kaba khraw; te shiliang u lum kan kynriah shaphang shatei, bad shiliang shaphang shathie.

SEKHARAÏAH 6:12

to kren ha u, da kaba ong, ‘Kumne u kren U Trai ki paid, u da ong, “Ha khmih, uta u briew uba kyrteng ‘u Tnat’; bad un mih lung na la ka jaka, bad un tei ïa ka templ U Trai:

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

JINGKHEIÑ 21:8

Te U Trai u la kren ha u Moses, “To thaw ïa me ïa u 'seiñ ding, bad to buh ruh ïa u halor u dieng: ba uwei uwei baroh ïa uba la puh, haba u la khmih ïa u, un ïoh im.”

JINGKHEIÑ 35:25

bad uta u paidlang un pyllait noh ïa uta u nongpynïap briew na ka kti jong uta u nongpynhiar kput ka snam, bad uta u paidlang un pynphai pat ïa u sha ka nongbah jaka rieh ka jong u, sha kaba u la phet ïap: te un ïaishong sah hangta ha ban da ïap u rangbah lyngdoh ïa uba la pynsleh lyngdoh, ïa uba la pynsleh da ka umphniang bakyntang,

MATHAÏOS 1:22

La leh ïa kane baroh te, ba kumta yn pyndep ïa kata ba la ong U Trai da u nongïathuhlypa, u da ong,

MATHAÏOS 16:21

Naduh kata, U Jisu u la sdang ban pyni ha ki synran jong u, ba ka dei ïa u ban leit noh sha Jerusalem, ban shah ruh shibun kiei kiei na ki tymmen basan bad na ki rangbah lyngdoh bad na ki nongthoh de, bad ba yn pynïap ruh ïa u, bad ba yn pynmih pat ïa u ha ka balai ka sngi.

MATHAÏOS 26:54

Lada kumta te, kumno ba yn pyndep ïa kita ki jingthoh, kiba ong ba ka dei ban long kumne?”

MATHAÏOS 26:56

Hynrei, kane baroh te ka la long ba yn pyndep ïa ki jingthoh ki nongïathuhlypa.” Ynda kumta, ki synran baroh haba ki la iehnoh ïa u, ki la phet noh.

MARKOS 9:31

Naba u la hikai ïa ki synran jong u, bad u la ong ha ki, “Yn sa aiti noh ïa U Khun u briew ha ki kti ki briew, bad kin pynïap ïa u, te haba la pynïap, un sa mihpat ha ka balai sngi.”

LOUKAS 21:22

Naba kine ki long ki sngi ka jingpynshitom hok, ïa ka ban pyndep ïa kiei kiei baroh ïa kiba la thoh.

LOUKAS 22:37

naba nga ong ha phi, ba ka dei ban pyndep ha nga ïa kane kaba la thoh: ‘Bad la ñiew ïa u lem bad ki nongpalat’: naba don ka jingpyndep shisha ïa kita kiei kiei ruh shaphang jong nga.”

LOUKAS 24:46

U la ong ruh ha ki, “Kumne la thoh ba ka la dei ïa U Khrist ban shah, bad ban mihpat de na ki nongïap ha ka balai ka sngi;

LOUKAS 9:22

u da ong, “Ba ka dei ïa U Khun u briew ban shah shibun kiei kiei ruh, bad ba yn kyntait ïa u da ki tymmen basan bad ki rangbah lyngdoh bad ki nongthoh ruh, bad ba yn pynïap ïa u, bad ba yn pynmih pat ïa u ha ka balai sngi.”

LOUKAS 9:44

“To ai ba kine ki ktien kin ngam ha ki shkor jong phi: naba yn sa aiti noh ïa U Khun u briew ha ki kti ki briew.”

ÏOANNIS 3:14

Kumba u Moses ruh u la kyntiew ïa uta u bseiñ ha ka ri khlaw, kumta ruh ka dei ba yn kyntiew ïa U Khun u briew:

ÏOANNIS 5:39

Phi ïit bha ïa Ki Jingthoh, naba ha ki, phi mut ba phi ïoh ka jingim bymjukut; kita ruh ki long kiba ïaphla ïa nga.

ÏOANNIS 5:46

Namar lada phi la ngeit ha u Moses, phin da ngeit ha nga ruh; namar uta u la thoh shaphang jong nga.

KI KAM 13:33

Kumba la thoh ruh ha ka Salm ka ba-ar; “ ‘Me long U Khun jong nga, ha kane ka sngi nga la pynkha ïa me.’

KI KAM 13:40

Namar kata, to sumar ïoh kan jia ha phi, kata ïa kaba la kren ha Ki Nongïathuhlypa:

KI KAM 2:27

namar men ym iehnoh ïa ka mynsiem jong nga ha Hades, lymne men ym shah ïa U Bakhuid jong me ban shem ïa kaba pyut.

KI KAM 3:18

Hynrei, ïa kita kiei kiei kiba U Blei u la lah pyni lypa da ka shyntur ki nongïathuhlypa baroh, ba un shah U Khrist jong U, U la pyndep kumta.

KI KAM 7:37

Une, u long uta u Moses, uba la ong ha ki khun Israel, ‘U Blei un pynmih ïa u nongïathuhlypa ha phi napdeng ki para jong phi, uba kum ma nga.’

HEBRU 10:1

Namar kata ka hukum haba ka don tang ka syrngiew kita kiei kiei ki babha ki ban sa wan, ym ka dur hi jong kita kiei kiei, kam lah lano lano ruh ban pynjanai ïa kita kiba wan hajan da kita ki jingkñia kijuh ha la ka snem ka snem, ïa kiba ki ainguh ha la ka sngi;

HEBRU 3:5

Te u Moses shisha u la long uba ïaineh ha ka ïing jong u baroh kum u shakri, ïa ka ban phla ïa kita kiei kiei ruh ïa kiba yn kren hadien;

HEBRU 7:1

Namar une u Melkhisedek, u syiem ka Salem, u lyngdoh jong U Blei U Bahakhlieh Tam Eh, uba la ïashem bad u Abraham haba u dang wan phai na kata kaba pom ïa kita ki syiem, bad uba la kyrkhu ïa u;

HEBRU 9:8

U Mynsiem Bakhuid u da pyni ïa kane, ba ym pat pynpaw ïa ka lynti sha kata ka Bakyntang tam, katba kata Ka Tabernakl ka banyngkong ka dang ïeng;

1 PETROS 1:11

ki da ïit bha ïa kano lane ïa kaba kumno ka por U Mynsiem U Khrist uba ha ki u la ju pyni, haba u ïathuhlypa ïa kita ki jingshah U Khrist, bad ïa kita ki burom kiba bud ïa ki;

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).