LOUKAS 24:30 - KA BAIBL

³⁰ Ka la jia te haba U dang shong bam bad ki, haba U la shim ïa u kpu, U la kyrkhu, bad U la kdiah, bad U la sam ha ki.

Khasi CL Bible (BSI)

³⁰ U la shong bam bad ki, u la shim ïa u kpu, bad u la duwai; nangta u la kdiah ïa u kpu bad u la ai ïa u ha ki.

LOUKAS 24:30 ပူးပေါင်းရင်းမြစ်များ

MATHAÏOS 14:19

Te u la hukum ban pynshong shaniah ïa ki paidbah ha u phlang, bad u la shim ïa kita ki san tylli ki kpu bad ïa kita ki ar tylli ki dohkha, bad haba u la khmied sha bneng, u la nguh, bad u la kdiah, u la ai ïa ki kpu ha ki synran, bad kita ki synran ha ki paidbah.

MATHAÏOS 15:36

Haba u la shim te ïa kita ki hynñiew tylli ki kpu bad ïa kita ki dohkha, bad haba u la nguh, u la kdiah, bad u la ai ha ki synran jong u, kita ki synran de ha uta u paidbah.

MATHAÏOS 26:26

Te haba ki dang ïabam, U Jisu u la shim ïa u kpu, bad ynda u la nguh, u la kdiah; bad u la ai ha ki synran, u la ong, “To shim, to bam, une u long ka met jong nga.”

MARKOS 14:22

Haba ki dang ïabam ruh, U Jisu u la shim ïa u kpu, bad haba u la lah nguh u la kdiah, bad u la ai ha ki, bad u la ong, “To shim, to bam, une u long ka met jong nga.”

MARKOS 6:41

Haba u la shim te ïa kita san tylli ki kpu bad ïa kita ar tylli ki dohkha ruh, haba u la khmied sha bneng, u la nguh, bad u la kdiah ruh ïa ki kpu, bad u la ai ha ki synran jong u, ba kin buh ha khmat jong ki; bad ïa kita ki dohkha u la ïasam ha ki baroh.

MARKOS 8:6

U la hukum te ïa uta u paidbah ban shong ha khyndew: te haba u la shim ïa kita ki hynñiew tylli ki kpu, bad ba u la lah nguh, u la kdiah, bad u la ai ha ki synran jong u, ban buh ha khmat jong ki; ki ruh ki la buh ha khmat uta u paidbah.

LOUKAS 22:19

U la shim ruh ïa u kpu, bad haba u la lah nguh de, u la kdiah ïa u, bad u la ai ha ki, u da ong, “Une u long ka met jong nga ïa kaba la ai noh na ka bynta jong phi; to phin leh ïa kane ïa ka ban kynmaw ïa nga.”

LOUKAS 24:29

Te ki la kyrpad ïa U, ki da ong, “To sah bad ngi; naba ka long janmiet, bad ka sngi ka la noh.” Te U la leit hapoh ïa ka ban sah lem bad ki.

LOUKAS 24:35

Ki ruh ki la ïathuhkhana ïa kiei kiei ruh ba la jia ha kata ka lynti, bad kumno la ithuh ïa U da ki ha kaba kdiah ïa u kpu.

LOUKAS 9:16

Te u la shim ïa kita ki san tylli ki kpu, bad ïa kita ki ar tylli ki dohkha, bad haba u la khmied sha bneng, u la kyrkhu ïa ki bad u la kdiah; bad u la ai ha kita ki synran ban buh ha khmat uta u paidbah.

ÏOANNIS 6:11

Te U Jisu u la shim ïa kita ki kpu, bad ynda u la lah nguh, u la sam ha ki synran, kita ki synran de ha kita kiba shong: kumjuh ruh ïa kita ki dohkha, katba ki ïamon.

KI KAM 2:42

Bad ki la ïaineh skhem ha ka jinghikai jong ki apostol, bad ha ka jingïasyllok, bad ha kaba kdiah kpu, bad ha ki jingduwai de.

KI KAM 2:46

Ha la ka sngi ruh ki da ïaineh skhem ha kawei ka jingmut ha ka templ; bad haba ki da kdiah kpu ha ka ïing ka ïing, ki la ïabam da ka jingkmen bad da ka jingsngewbeit ka dohnud,

KI KAM 27:35

Te haba u la lah ong ïa kane, bad haba u la lah shim ïa u kpu, u la ainguh ïa U Blei ha khmat jong ki baroh; bad u la kdiah ïa u, bad u la sdang ban bam.