LOUKAS 24:27 - KA BAIBL

²⁷ Te haba u la sdang na u Moses, bad na Ki Nongïathuhlypa baroh, u la pynpaw ha ki ha Ki Jingthoh baroh ïa kiei kiei ruh shaphang ïa lade.

Khasi CL Bible (BSI)

²⁷ Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

LOUKAS 24:27 ပူးပေါင်းရင်းမြစ်များ

JENESIS 12:3

bad ngan kyrkhu ïa kita kiba kyrkhu ïa me, bad ngan tim ïa uta uba tim ïa me: bad ïa ki jaid bynriew baroh ha ka pyrthei kin long ba la kyrkhu ha me.”

JENESIS 22:18

bad ha u symbai jong me ki jaid bynriew baroh ka pyrthei kin ïa-pynkyrkhu ïa lade; naba me la kohnguh ïa ka ktien jong nga.”

JENESIS 26:4

Bad ngan pynbun ïa u symbai jong me kum ki khlur bneng, bad ngan ai ha u symbai jong me ïa kine ki ri baroh; bad ïa ki jaid bynriew baroh ka pyrthei yn kyrkhu ha u symbai jong me;

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

SALM 132:11

U Trai u la smai ha kaba shisha ha u Dabid; un ym kiar noh na kata: “Na u soh ka met jong me ngan buh halor ka khet jong me.

ISAÏAH 1:23

Ki nongsynshar jong pha ki leh kiat, bad ki long ki lok ki nongtuh; uwei uwei baroh u ieit kaba bamsap, bad u beh ïa ka myntoi; kim bishar ïa u khunswet, bad ka kam ka riewkynthei kam ju wan ha khmat jong ki.

ISAÏAH 50:6

Nga la pynshah la ka ingdong ha ki nongsympat, bad la ki ngab ha kiba phut ïa u shñiuh: ngam shym la buhrieh la ka khmat na ka jinglehrain bad ka jingbynthiew.

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

ISAÏAH 8:17

Te ngan ap ïa U Trai, uba buhrieh ïa la ka khmat na ka ïing u Jakob, bad ngan khmih lynti ïa u.

ISAÏAH 9:1

Hynrei, yn ym don ka jingkah dum ïa kata kaba la don ha ka jingpisa. Ha kaba nyngkong u la pynibeiñ ïa ka ri Sabulon, bad ïa ka ri Naphtali, te hadien u la pyndonburom ïa ka, ha ka lynti ka duriaw, sha shiliang ka Jordan, ka Galilaïa ki jaid bynriew.

ESEKIEL 34:23

Bad ngan thung ïa uwei u nongaplangbrot halor jong ki, u te un bsa ïa ki, u shakri jong nga keiñ u Dabid; un bsa ïa ki, bad un long u nongaplangbrot jong ki.

ESEKIEL 37:25

Bad kin ïoh shong ha ka ri kaba nga la ai ha u Jakob u shakri jong nga, ha kaba ki kpa jong phi ki la shong: kin shong hangta, ma ki, bad ki khun jong ki ruh, bad ki ksiew jong ki ruh de junom: bad u Dabid u shakri jong nga un long u nongïalam jong ki junom junom.

DANIEL 7:13

“Nga la ïohi ha ki jingithuhpaw mynmiet, “bad ha khmih, u la wan uwei da ki lyoh bneng kum u khun u briew, bad u la wan sha uta uba na mynhyndai kulong, bad ki la wallam ïa u hajan jong u.

MIKAH 5:6

Te kin pynjot ïa ka ri Assyria da ka waitlam, bad ïa ka ri Nimrod ha ki khyrdop jong ka: bad un pyllait ïa ngi na ki nong Assyria, haba u wan ha ka ri jong ngi, bad haba u ïuh ha ki phang jong ngi.

MIKAH 7:20

Men pyndep ïa ka jingshisha ha u Jakob, bad ïa ka jingisynei ha u Abraham, kumba me la smai ha ki kpa jong ngi naduh ki sngi mynbarim.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

MALAKHI 4:2

Hynrei, ha phi kiba sheptieng ïa ka kyrteng jong nga kan mih ka sngi ka hok bad ka jingpynkhiah ha ki thapniang jong ka; bad phin ïoh mih shabar, bad phin rynsied kum ki khun masi ba bsa ha ïing.

JINGKHEIÑ 21:14

Namar kata, ba la ong ha Ka Kitab Ki Thma Ki Jong U Trai, “Ïa kaba u la leh ha ka Duriaw Basaw, bad ha ki wah duid Arnon,

MARKOS 4:34

Bad khlem ka pharshi, um shym la kren ha ki: te haba kyrpang hi u la ju pynpaw ïa kiei kiei baroh ha ki synran jong u.

LOUKAS 24:25

Ynda kumta, U la ong ha ki, “A phi kiba mut bakla, bad ba shan'ti ka dohnud ïa ka ban ngeit ïa kiei kiei baroh kiba ki nongïathuhlypa ki la ïathuh!

LOUKAS 24:44

U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

ÏOANNIS 1:45

U Philip u shem ïa u Nathanael, bad u ong ha u, “Ngi la shem ïa uta uba u Moses ha Ka Hukum, bad Ki Nongïathuhlypa, ki la thoh shaphang jong U, ïa U Jisu keiñ, u khun u Joseph, uba na Nasaret.”

ÏOANNIS 12:41

Ïa kine kiei kiei ruh, u Isaïah u la ong, mynba u la ïohi ïa ka burom jong U, bad ba u la kren shaphang jong U.

ÏOANNIS 5:37

Uta U Kpa hi ruh uba la phah ïa nga, u la phla ïa nga. Hynrei, phim shym la ïohsngew ïa ka ktien jong u mynno mynno ruh, lymne ïohi ïa ka dur jong u.

ÏOANNIS 5:39

Phi ïit bha ïa Ki Jingthoh, naba ha ki, phi mut ba phi ïoh ka jingim bymjukut; kita ruh ki long kiba ïaphla ïa nga.

KI KAM 10:43

Ïa une, ki nongïathuhlypa baroh ki ïaphla, ba da ka kyrteng jong u, uno uno baroh uba ngeit ha u, un ïoh kaba map ki pop.”

KI KAM 3:18

Hynrei, ïa kita kiei kiei kiba U Blei u la lah pyni lypa da ka shyntur ki nongïathuhlypa baroh, ba un shah U Khrist jong U, U la pyndep kumta.

KI KAM 3:22

U Moses shisha u la ong, ‘U Trai uba U Blei jong phi, un pynmih ïa u nongïathuhlypa ha phi na ki para jong phi, uba kum ma nga; ïa u, phin shahshkor ha kiei kiei baroh katba un kren ha phi.

KI KAM 3:24

Shisha keiñ ki nongïathuhlypa baroh ruh naduh u Samuel, bad kita kiba bud hadien, kat kiba la kren, ki ruh ki la ïathuh shaphang kine ki sngi.

KI KAM 7:37

Une, u long uta u Moses, uba la ong ha ki khun Israel, ‘U Blei un pynmih ïa u nongïathuhlypa ha phi napdeng ki para jong phi, uba kum ma nga.’

KI KAM 8:35

Ynda kumta, u Philip u la ang la ka shyntur, bad da kaba sdang na kane ka jingthoh, u la ïalap ha u ïa U Jisu.

DEUTERONOMI 1:45

Te ynda phi la phai pat, phi la ïam ha khmat U Trai; hynrei, U Trai um sngew ïa ka jinglynñiar jong phi, lymne shahshkor ïa phi.

DEUTERONOMI 18:15

“U Trai uba U Blei jong me un pynmih ha me ïa u nongïathuhlypa napdeng jong me, na ki para jong me, uba kum ma nga: ïa u phin shahshkor;

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).