LOUKAS 23:41 - KA BAIBL

⁴¹ Ma ngi shisha da ka bahok ruh; namar ngi ïoh diang ïa kaba dei na kiei kiei ruh ïa kiba ngi la leh: hynrei, une um shym la leh ei ei ruh em ka bymdei.”

Khasi CL Bible (BSI)

⁴¹ Ïa ngi, pynban, ka long kaba dei hok, namar ba ngi ïoh ïa kaei kaba ngi dei ban ïoh na ka bynta kaei kaba ngi la leh; hynrei, um shym la leh kano kano ka bym dei.”

LOUKAS 23:41 ပူးပေါင်းရင်းမြစ်များ

2 KHRONIKL 33:12

Te haba u la long ha ka jingshitom, u la kyrpad ïa U Trai U Blei jong u, bad u la pynrit ïa lade shibun ha khmat U Blei ki kpa jong u.

ESRA 9:13

Bad hadien baroh kaba la jia ha ngi namar ki jinglehsniew jong ngi, bad namar ka jingrem bakhraw jong ngi, ngi ïohi ba me U Blei jong ngi me la pynshitom ïa ngi kham duna ban ïa kaba ki pop jong ngi ki dawa, bad ba me la ai ha ngi katne kiba sah,

NEHEMAÏAH 9:3

Bad ki la ïaïeng joit ha la ka jaka, bad ki la ïapule ha Ka Kitab Ka Hukum U Trai U Blei jong ki, shi pawa sngi; bad shi pawa pat, ki la ïaphla bad ïamane ïa U Trai U Blei jong ki.

DANIEL 9:4

Bad nga la duwai ha U Trai U Blei jong nga, bad nga la phla, bad nga la ong, “A Trai, U Blei u bakhraw bad uba itieng, uba bat ïa ka jutang bad ïa ka jingisynei bad kita kiba ieit ïa u bad kiba sumar ïa ki hukum jong u;

MATHAÏOS 27:19

Haba u dang shong te ha ka jingshong bishar, ka tnga jong u ka la phah ha u, ka da ong, “Wat leh ei ei ruh em ïa uta u bahok, naba nga la shah shibun ha ka jingphohsniew mynta na ka bynta jong u.”

MATHAÏOS 27:24

Haba u Pilat u ïohi te ba um lah ei ei ruh, hynrei, tang ba long ka jingkhihwin pynban, u la shim ka um, bad u la thet ïa la ki kti ha khmat uta u paidbah, u da ong, “Ngam don jingrem na ka snam une u bahok: phin khmih hi ma phi.”

MATHAÏOS 27:4

u da ong, “Nga la leh pop haba nga la die noh ïa ka snam balui lui.” Ki te ki la ong, “Kata ka dei aïu ïa ngi? khmih hi ma me keiñ.”

MATHAÏOS 27:54

Te haba u rangbah shispah bad kita kiba bad u, kiba ïa-ap ïa U Jisu, ki la ïohi ïa ka jingkhynñiuh ka khyndew, bad ïa kiei kiei ruh kiba la long, ki la ïasheptieng shikatdei eh, ki ïa-ong, “Shisha une u la long U Khun U Blei.”

LOUKAS 23:40

Hynrei, uta uwei pat u la ïathuh, bad u la sneng ïa u, u da ong, “Mem sheptieng satia ïa U Blei, naba me long hapoh kajuh ka jingpynrem?

LOUKAS 23:42

U la ong te, “Ko Jisu, to kynmaw ïa nga ynda me poi ha ka hima jong me.”

1 THESSALONI 2:10

Ma phi, phi long ki sakhi, bad U Blei de, kumno ba ngi la ïaid da ka bakhuid bad bahok bad ba khlem jingrem sha phi kiba ngeit:

JAKOB 4:7

Namar kata, to da pynkohnguh ïa lade ha U Blei; hynrei, to ïaleh pyrshah ïa u Soitan, te un phet ïap noh na phi.

1 PETROS 1:19

hynrei, da ka snam bakordor, kum ka jong u khun langbrot bakhlem pop bad bakhlem thohbria, ka jong U Khrist keiñ:

1 PETROS 2:23

uba, haba la krenbeiñ ïa u, um ju krenbeiñ kylliang; haba u shah shitom, um ju byrngem; hynrei, u la ju aiti noh ha uta uba bishar hok: