LOUKAS 23:34 - KA BAIBL

³⁴ Te U Jisu u la ong, “Ko Kpa, to map ïa ki; naba kim tip kaei ba ki leh.” Haba ki la ïabynta ïa ki jaiñkup jong U, te ki la ïakhalai.

Khasi CL Bible (BSI)

³⁴ U Jisu u la ong, “Ko Pa, to map ïa ki! Kim tip ïa kaei kaba ki leh.” Ki la pynbynta ïa ki jaiñ jong u hapdeng jong ki hi da kaba kynting sbai.

LOUKAS 23:34 ပူးပေါင်းရင်းမြစ်များ

JENESIS 50:17

‘Kumne phin ong ha u Joseph, “To map noh, nga kyrpad ïa me mynta, ïa ka jingpalat ki hynmen jong me, bad ïa ka pop jong ki; naba ki la ïaleh bymman ïa me; te mynta, to map noh, nga kyrpad ïa me, ïa ka jingpalat ki shakri jong U Blei u kpa jong me.” ’ ” Bad u Joseph u la ïam haba ki la ïakren ha u.

SALM 22:18

ki ïabynta ïa ki jaiñkup jong nga hapdeng jong ki, bad ki ïakhalai ïa ka jingphong jong nga.

ISAÏAH 53:12

Namar kata, ngan ïasam bynta ha u bad ki bakhraw, bad un ïabynta ïa ka jinglute bad ki bakhlaiñ; namar u la theh noh ïa la ka mynsiem haduh kaba ïap, la ñiew ruh ïa u bad ki nongryngkang: pynban u la bah ïa ka pop jong kiba bun, bad u la ïasaid na ka bynta ki nongryngkang.

MATHAÏOS 11:25

Mynkata U Jisu u la ïathuh bad u la ong: “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad ki basian, bad ba me la pynpaw ïa ki ha ki khunlung:

MATHAÏOS 11:26

shisha, ko Kpa, naba kumta ka la ibit ha khmat jong me.

MATHAÏOS 5:44

Hynrei, nga ong ha phi, to ieit ïa ki nongshun jong phi, bad to kyrkhu ïa kiba tim ïa phi, to leh bha ïa kiba shun ïa phi, to duwai ruh na ka bynta kiba leh sniew ïa phi, bad lehbeiñ ruh ïa phi;

MARKOS 15:24

Te haba ki la sahnarphna ïa U, ki ïabynta ïa ki jaiñ jong U, ba ki da ïakhalai ïa ki, kaei ba uwei uwei un shim.

LOUKAS 22:42

u da ong, “Ko Kpa, lada me mon to pynphai noh ïa kane ka khuri na nga: hynrei, ym ïa ka mon jong nga, hynrei, ïa ka jong me, yn leh.”

ÏOANNIS 17:9

Nga, nga duwai na ka bynta jong ki, ngam duwai na ka bynta kata ka pyrthei, hynrei, na ka bynta kito kiba me la ai ha nga; naba ki long ki jong me.

ÏOANNIS 19:11

U Jisu u la ïathuh, “Mem shym don ka bor satia halor jong nga, lymda la long ba la ai ha me na jrong; namar kata, uta uba la aiti noh ïa nga ha me, u don ka pop kaba kham khraw.”

KI KAM 16:28

Hynrei, u Paul u la pyrta noh da ka ktien bajam, u da ong, “Wat pynmynsaw ïa lade, naba ngi don hangne baroh!”

KI KAM 3:17

“Hynrei mynta, ko para, nga tip ba na ka jingbymtip phi la leh ïa kata, kumjuh kumba ki nongsynshar jong phi ruh ki la leh.

KI KAM 7:60

Te u la dem la ki khohsiew, bad u la pyrta da ka ktien bajam, “A Trai, wat thew ha ki ïa kane ka pop.” Te ynda u la lah ong ïa kane, u la ïohthiah noh.

Ka Shithi U Paul Sha Ki Nong Rom 12:14

To kyrkhu ïa kita kiba lehbeiñ ïa phi; to phin kyrkhu keiñ, bad wat tim phi.

1 KORINTH 2:8

ïa kaba ym don na kita ki bakhraw batri jong kane ka pyrthei ba la ithuh; namar, lada ki la ithuh, kin ym da la sahnarphna ïa U Trai ka burom.

1 KORINTH 4:12

bad ngi ïatrei minot, da kaba trei da ki kti jong ngi hi. Haba krenbeiñ sat ïa ngi, ngi kyrkhu; haba behbeiñ ïa ngi, ngi ïaishah;

1 TIMOTHI 1:13

la nga la long mynshuwa uba krenbeiñ, bad uba behbeiñ, bad uba pynsniew: hynrei, la leh isynei ïa nga, naba nga la leh da ka jingbymtip ha ka jingbymngeit keiñ,

1 PETROS 3:9

ym kiba leh markylliang ïa ka basniew namar ka basniew, lane ïa kaba krenbeiñ namar kaba krenbeiñ; hynrei, da kumwei keiñ kiba kyrkhu; haba tip ba sha kane khnang la khot ïa phi, ba phin da ïoh ïa ka jingkyrkhu.