LOUKAS 23:2 - KA BAIBL

² Ki la sdang ruh ban mudui ïa U, ki da ong, “Ngi la shem ïa une ba U da pynkiat ïa u paidlang, bad ba U da khang ban ai khajna ha u Kaisar, U da ong ba U hi U long U Khrist U Syiem.”

Khasi CL Bible (BSI)

² “Ngi la kem ïa une u briew uba ïalam bakla ïa ki briew jong ngi, da kaba ong ïa ki ban ym siew khajna sha u Patsha bad u kam ba ma u hi u long U Messaïah, u syiem.”

LOUKAS 23:2 ပူးပေါင်းရင်းမြစ်များ

1 SYIEM 18:17

Te ynda u Ahab u la ïohi ïa u Elijah, u Ahab u la ong ïa u, “Long ma me, me u nongpynshitom ki Israel?”

SALM 35:11

Ki sakhi bymhok ki ïeng; ki kylli ïa nga shaphang kiei kiei kiba ngam tip.

SALM 62:4

Ki ïasylla tang ba kin pynkyllon ïa u na la ka jinglong burom; ki ïasngewbha ha ki jinglamler; ki ïakyrkhu da la ka shyntur, hynrei, hapoh ki ïa-tim. Selah.

JEREMAÏAH 20:10

Namar nga la ïohsngew ïa ka jingpynbudnam kiba bun, “Ka jingshyrkhei baroh sawdong. To kynnoh sniew, te ngin kynnoh sniew ïa u,” ong ki lok bajan jong nga baroh, kita kiba ap ba ngan dkoh; “lehse yn riam pah ïa u, bad ngin lah ïa u, bad ngin pynhiar kput halor jong u.”

JEREMAÏAH 38:4

Ynda kumta, ki rangbah ki la ong ha u syiem, “To pynïap noh ïa une u briew, ngi kyrpad ïa me; namar u pyntlot ïa ki kti jong ki riewïapom kiba sah hapoh kane ka shnong, bad ïa ki kti jong u paidlang baroh, ha kaba u kren kum kita ki ktien ha ki: naba une u briew um wad ïa ka jingbha jong une u paidlang, hynrei, ïa ka jingsniew keiñ.”

AMOS 7:10

Ynda kumta, u Amasaïah u lyngdoh ka Bethel u la phah ha u Jeroboam u syiem ki Israel, u da ong, “U Amos u la shet pyrshah ïa me hapdeng ka ïing Israel: ka ri kam lah shah ïa ki ktien jong u baroh.

SEKHARAÏAH 11:8

Te nga la pynïap lai ngut ki nongsharai ha uwei u bnai; naba ka mynsiem jong nga ka la sngewbtai ïa ki, bad ka mynsiem jong ki ruh ka la isih ïa nga.”

MATHAÏOS 17:27

Hynrei, ïoh ba ngin ïa-pynthut ïa ki, to khie leit sha ka duriaw, bred ïa u khwai, bad to shim ïa kata ka dohkha kaba la ngat nyngkong; bad haba me la pyn-ang ïa ka shyntur jong ka, men shem shi shekel; to shim ïa kata, to ai ruh ha ki na ka bynta jong nga bad jong me ruh.”

MATHAÏOS 22:21

Ki ong ha u, “Ki jong u Kaisar.” Hangta u ong ha ki, “Naba kumta ai noh ha u Kaisar ïa ki jong u Kaisar, bad ha U Blei ïa ki jong U Blei.”

MATHAÏOS 27:11

U Jisu te u la ïeng ha khmat uta u lyngskor: bad u lyngskor u la kylli ïa U, u da ong, “Me long U Syiem ki Jiw?” Te U Jisu u la ïathuh ha u, “Me la ong.”

MARKOS 12:17

U Jisu u la ïathuh u la ong te ha ki, “To ai ha u Kaisar ïa kiei kiei ki jong u Kaisar, bad ha U Blei ïa kiei kiei ki jong U Blei.” Hangta ki la sngewkyndit shibun eh ïa u.

MARKOS 15:2

Te u Pilat u la kylli ïa U, “Me long U Syiem ki Jiw?” U te U da ïathuh U la ong ha u, “Me ong.”

LOUKAS 23:14

bad u la ong ha ki, “Phi la wallam ïa une u briew ha nga, kum uba pynkiat ïa u paidlang: ha khmih ruh, haba nga la tohkit ïa u ha khmat jong phi, ngam shem satia ka jingpalat ha une u briew shaphang kita kiei kiei ruh ba phi mudui ïa u:

LOUKAS 23:5

Hynrei, ki te ki la kham ïa-pyneh, ki da ïa-ong, “U pynkhih ïa u paidlang, U da hikai kylleng ka Judia baroh, da kaba sdang naduh Galilaïa haduh hangne.”

ÏOANNIS 18:29

Namar kata, u Pilat u la mih noh shabar sha ki, bad u la ong, “Phi wan mudui aïu ïa une u briew?”

ÏOANNIS 18:30

Ki la ïathuh bad ki la ïa-ong ha u, “Lymda une u long u nongleh basniew, ngin ym da la aiti noh ïa u ha me.”

ÏOANNIS 19:12

Naduh kata, u Pilat u la wad lad ban pyllait noh ïa U, hynrei, kita ki Jiw ki la ïapyrta ki da ïa-ong, “Lada men pyllait noh ïa une, mem long u lok jong u Kaisar: uno uno baroh uba pynlong syiem ïa lade, u ïaleh ïa u Kaisar.”

KI KAM 24:13

lymne kim lah ban pynsabut ha me ïa kita kiei kiei ïa kiba ki ïamudui ïa nga mynta.

KI KAM 24:5

Namar ngi la shem ïa une u briew u nongpynjot, bad uba shet ïa ka jingkhihwin hapdeng ki Jiw baroh kylleng ka pyrthei, u nongïalamphrang ruh ïa kata ka kynja niam jong ki Nasaret.

Ka Shithi U Paul Sha Ki Nong Rom 13:7

To ai noh ha ki briew baroh ïa ka hok jong ki; ka khajna ha uba ïoh ka khajna; ka khrong ha uta uba ïoh ïa ka khrong; ka jingsheptieng ha uba dei ban ïoh ka jingsheptieng; ka burom ha uba dei ban ïoh burom.