LOUKAS 23:11 - KA BAIBL

¹¹ Hynrei, u Herod bad ki shipai jong u ki la lehbeiñ ïa U, bad ki la pyrthuhbeiñ, bad haba ki la ïa-pynkup ka jaiñ batyngshain ha U, ki la phah noh pat ïa U sha u Pilat.

Khasi CL Bible (BSI)

¹¹ U Herod bad ki shipai jong u ki la krenbeiñ ïa U Jisu bad kim ñiewburom ïa u; nangta ki la buh ka jaiñkup ba-itynnat halor jong u bad u la phah pat ïa u sha u Pilat.

LOUKAS 23:11 ပူးပေါင်းရင်းမြစ်များ

SALM 22:6

Hynrei nga, nga long u khñiang, te ym u briew; ka jingkrenbeiñ jong ki briew, bad ka jingibeiñ jong u paidbah.

ISAÏAH 49:7

Kumne u ong U Trai, u nongsiewspah ki Israel, uta U Bakhuid jong u, ha uta uba ki briew ki ibeiñ, ha uta uba ka jaid bynriew ka isih, ha u shakri jong ki nongsynshar: “Ki syiem kin ïohi te kin ïeng; ki bakhraw batri, te kin dem; namar U Trai uba ïaineh U Bakhuid ki Israel keiñ, uba la jied ïa me.”

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

MATHAÏOS 14:1

Mynkata u Herod uba u Tetrark u la ïohsngew ïa ka jingbna shaphang U Jisu,

MATHAÏOS 14:3

Naba u Herod haba u la kem ïa u Ïoannis, u la khum ïa u, bad u la buh ruh ïa u ha ka byndi na ka bynta ka Herodias, ka tnga u Philip, u para jong u.

MATHAÏOS 14:6

Te haba la dei ka sngi kha u Herod, ka khun ka Herodias ka la shad ha khmat jong ki, bad ka la pynsngewbha ïa u Herod.

MARKOS 9:12

U te u da ïathuh, u la ong ha ki, “U Elias shisha u wan shuwa, bad u pynbha ïa kiei kiei baroh ruh; bad kumno la thoh shaphang U Khun u briew? ba un shah bun kiei kiei ruh, bad ba yn ñiewbeiñ ïa u.

LOUKAS 23:10

Te kumta kita ki rangbah lyngdoh bad kita ki nongthoh ki la ïeng, ki da mudui jam eh ïa U.

ÏOANNIS 19:5

Ynda kumta, U Jisu u la wan mih noh shabar, U da phong ïa kata ka pansngiat shiah, bad ïa kata ka jaiñkup ka basaw bthuh. U Pilat u ong te ha ki, “Ha khmih uta u briew!”

JAKOB 2:2

Namar lada wan rung shapoh ka jingïaseng jong phi u briew uba deng ka sa'ti ksiar, ha ka jaiñkup babha, bad lada wan rung u baduk ha ki jaiñkup basyrdep jot;

JAKOB 2:3

bad lada phi khmih burom ha uta uba kup ïa kita ki jaiñkup ki babha, bad phi ong ha u, “Ma me to shong hangne ha ka jaka ka babha”; hynrei, phi ong ha uta u baduk, “To ïeng ma me hangtai, lane to shong hapoh kane ka jingïuh kjat jong nga”: