LOUKAS 22:70 - KA BAIBL

⁷⁰ Te ki la ïa-ong baroh, “Haba kumta me long U Khun U Blei?” U te u la ïathuh ha ki, “Phi ong ba nga long.”

Khasi CL Bible (BSI)

⁷⁰ Baroh ki la ong, “Hato ma me, te, me long U Khun U Blei?” U la jubab ïa ki, “Phi ong ba nga long.”

LOUKAS 22:70 ပူးပေါင်းရင်းမြစ်များ

SALM 2:12

To doh ïa u khun, ïoh un bitar, bad ba phi ïap duh noh ha ka lynti, naba ka jingbitar jong u kan sa meh kloi. Suk kita baroh kiba shaniah ha u.

SALM 2:7

“Ngan pynbna ïa ka hukum:” U Trai u la ong ha nga, “Me, me long u khun jong nga; ha kane ka sngi nga la pynkha ïa me.

MATHAÏOS 26:25

Ynda kumta, u Judas uba la die noh ïa U, u da ïathuh u la ong, “Dei ma nga, ko Kynrad?” U la ïathuh ha u, “Me la ong keiñ.”

MATHAÏOS 26:64

U Jisu u la ong ha u, “Me la ong. Hynrei, nga ong ruh ha phi, ba phin ïohi lawei ïa U Khun u briew haba u shong sha kamon ka Bor baroh, bad haba u wan ha ki lyoh ka bneng.”

MATHAÏOS 27:11

U Jisu te u la ïeng ha khmat uta u lyngskor: bad u lyngskor u la kylli ïa U, u da ong, “Me long U Syiem ki Jiw?” Te U Jisu u la ïathuh ha u, “Me la ong.”

MATHAÏOS 27:43

U la shaniah ha U Blei, to un pyllait ïa u mynta, lada u mon bha ïa u! naba u la ong, ‘Nga long U Khun U Blei.’ ”

MATHAÏOS 27:54

Te haba u rangbah shispah bad kita kiba bad u, kiba ïa-ap ïa U Jisu, ki la ïohi ïa ka jingkhynñiuh ka khyndew, bad ïa kiei kiei ruh kiba la long, ki la ïasheptieng shikatdei eh, ki ïa-ong, “Shisha une u la long U Khun U Blei.”

MATHAÏOS 3:17

Ha khmih ruh ka ktien na ki bneng, ka da ong, “Une u long U Khun jong nga uba ieit, ha uba nga sngewbha eh.”

MATHAÏOS 4:3

Te haba uta u nongpynshoi u la wan ha U, u la ong, “Lada me long U Khun U Blei, to hukum ïa kine ki maw ba kin long ki kpu.”

MARKOS 14:62

U Jisu te u la ong, “Nga long. Bad phin ïohi ïa U Khun u briew ba u da shong sha ka kti kamon jong ka Bor, bad ba u da wan ha ki lyoh bneng.”

MARKOS 15:2

Te u Pilat u la kylli ïa U, “Me long U Syiem ki Jiw?” U te U da ïathuh U la ong ha u, “Me ong.”

LOUKAS 22:71

Ki la ïa-ong te, “Ngi dang donkam sabut aïu pat? naba ngi hi ngi la ïohsngew na ka shyntur jong u hi.”

LOUKAS 23:3

Te u Pilat u la kylli ïa U, u da ong, “Me long ma me uta u Syiem ki Jiw?” Te U la ïathuh bad U la ong ha u, “Me ong.”

LOUKAS 4:41

Ki ksuid ruh de ki la mih noh na kiba bun, ki da pyrta jam, ki da ong ruh, “Me long U Khrist U Khun U Blei.” Hynrei, haba u la sneng ïa ki, um shah ïa ki ban kren, naba ki la tip ba u long U Khrist.

ÏOANNIS 1:34

Te nga la ïohi, bad nga la phla ba une U long U Khun U Blei.”

ÏOANNIS 1:49

U Nathanael u la ïathuh bad u ong ha U, “Ko Rabbi; me, me long U Khun U Blei; me, me long U Syiem jong u Israel!”

ÏOANNIS 10:30

Ma nga bad uta U Kpa ngi ïalong shitylli.”

ÏOANNIS 10:36

ïa uta ba U Kpa u la pynkyntang, bad ba u la phah sha ka pyrthei, phi, phi ong, ‘Me krenbeiñ Blei’; namar ba nga la ong, ‘Nga long U Khun U Blei?’

ÏOANNIS 18:37

Namar kata, u Pilat u la ong ha U, “Ma me, me long u syiem te?” U Jisu u la ïathuh, “Me ong keiñ ba nga long ma nga u syiem. Ïa kane khnang la kha ïa nga, bad ïa kane khnang nga la wan sha ka pyrthei, ba ngan ïoh phla skhem ïa ka jingshisha. Uei uei baroh uba da long na ka jong ka jingshisha, u shahshkor ïa ka ktien jong nga.”

ÏOANNIS 19:7

Kita ki Jiw ki la ïathuh ha u, “Ngi, ngi don ka hukum, bad da ka hukum jong ngi ka dei ïa U ban ïap, namar U la leh Khun U Blei ïa lade.”