LOUKAS 22:42 - KA BAIBL

⁴² u da ong, “Ko Kpa, lada me mon to pynphai noh ïa kane ka khuri na nga: hynrei, ym ïa ka mon jong nga, hynrei, ïa ka jong me, yn leh.”

Khasi CL Bible (BSI)

⁴² “Ko Pa,” u la ong, “lada me mon, shim noh na nga ïa kane ka khuri ka jingshah shitom. Ym ïa ka mon jong nga, pynban, ïa ka mon jong me yn pyndep.”

LOUKAS 22:42 ပူးပေါင်းရင်းမြစ်များ

SALM 40:8

Nga sngewbha ban leh ïa ka mon jong me, A U Blei jong nga; bad ka hukum jong me ka don ha ka dohnud jong nga.”

ISAÏAH 51:17

To khie, to khie, to ïeng joit, ko Jerusalem, kaba la dih na ka kti U Trai ïa ka khuri ka jingkhih bitar jong u; pha la dih ïa ka pliang ka khuri ka jingbuaid, pha la dih lut ïa ka.

ISAÏAH 51:22

kumne ong U Trai jong pha, U Trai, bad U Blei jong pha uba ïasaid na ka bynta la u paidlang, “Ha khmih, nga la shim noh na ka kti jong pha ïa ka khuri ka jingbuaid, wat kata ka pliang ka khuri ka jingkhih bitar jong nga; phan ym ïoh dih shuh ïa ka pat:

JEREMAÏAH 25:15

Naba kumne u ong U Trai, U Blei ki Israel, ha nga: “To shim ïa kane ka khuri ka Waiñ kane ka jingbitar na ka kti jong nga, bad pyndih na ka, ïa ki jaid bynriew baroh, ha kiba nga phah ïa me.

MATHAÏOS 11:25

Mynkata U Jisu u la ïathuh bad u la ong: “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad ki basian, bad ba me la pynpaw ïa ki ha ki khunlung:

MATHAÏOS 11:26

shisha, ko Kpa, naba kumta ka la ibit ha khmat jong me.

MATHAÏOS 20:22

U Jisu te u da ïathuh u la ong, “Phim tip ïa kaei ba phi pan. Phi lah ban dih na ka khuri na kaba nga ngan sa dih? bad ban pynbaptis ïa phi da kata ka jingbaptis da kaba la pynbaptis ïa nga?” Ki la ong ha u, “Ngi lah.”

MATHAÏOS 26:39

Haba u la leit sha shuwa khyndiat, u la dem da pyllup bad u la duwai, u da ong, “Ko Kpa jong nga, lada don lad, to ai ba kane ka khuri kan ïohlait noh na nga. Pynban, ym kumba nga mon ma nga, hynrei, tang kumba me mon.”

MATHAÏOS 26:42

Te ha ka ba-ar sien pat u la leit noh, bad u la duwai, u da ong, “Ko Kpa jong nga, lada ym don lad ïa kane ka khuri ban lait noh na nga lymda nga dih ïa ka, to long ka mon jong me.”

MATHAÏOS 26:44

Te haba u la iehnoh ïa ki, u la leit noh pat, u la duwai ka balai sien, u da ong pat ïa kijuh ki ktien.

MATHAÏOS 6:10

Wan ka hima jong me. Long ka mon jong me ha ka khyndew, kumba ha bneng.

MARKOS 14:36

U la ong ruh, “Abba, ko Kpa, kiei kiei baroh ki long kiba lah ha me; to pynphai noh ïa kane ka khuri na nga; pynban, ym ïa kaba nga mon, hynrei, ïa kaba me mon.”

LOUKAS 23:34

Te U Jisu u la ong, “Ko Kpa, to map ïa ki; naba kim tip kaei ba ki leh.” Haba ki la ïabynta ïa ki jaiñkup jong U, te ki la ïakhalai.

ÏOANNIS 18:11

Ynda kumta, U Jisu u la ong ha u Petros, “To suh noh ïa kato ka waitlam jong me ha ka jingsop: ïa ka khuri kaba la ai U Kpa ha nga, ngan ym dih ïa ka?”

ÏOANNIS 4:34

U Jisu u ong ha ki, “Ka jingbam jong nga, ka long ba ngan ïoh leh ïa ka mon ka jong uta uba la phah ïa nga, bad ba ngan ïoh pyndep ïa ka kam jong u.

ÏOANNIS 5:30

“Nga ngam lah ban leh ei ei ruh em na lade hi; kumba nga ïohsngew, nga bishar: bad kata ka jingbishar jong nga ka long ka bahok; naba ngam wad ïa ka mon ka jong nga hi, hynrei, ïa ka mon U Kpa uba la phah ïa nga.

ÏOANNIS 6:38

Naba nga la wan hiar na bneng, ym ba ngan ïoh leh ïa ka mon ka jong nga hi, hynrei, ïa ka mon ka jong uta uba la phah ïa nga.

KI KAM 21:14

Te haba um kohnguh, ngi la keiñ noh, da kaba ong, “Ïa ka mon U Trai yn leh.”