LOUKAS 21:8 - KA BAIBL

⁸ U la ïathuh te, “To sumar ba yn ym shukor ïa phi; naba bun kin wan ha ka kyrteng jong nga ki da ong, ‘Ma nga U Khrist’, bad ‘kata ka aïom ka la jan’: wat leit bud nadien jong ki.

Khasi CL Bible (BSI)

⁸ U Jisu u la ong, “Sumar; wat shah shukor. Kiba bun ki rangbah, kiba kam ba ki kren na ka bynta jong nga, kin wan bad ong, ‘Nga long ma u!’ bad, ‘Ka por ka la poi!’ Hynrei wat bud ïa ki.

LOUKAS 21:8 ပူးပေါင်းရင်းမြစ်များ

JEREMAÏAH 29:8

Naba kumne u ong U Trai ki paid, U Blei ki Israel: “Wat shah ïa ki nongïathuhlypa jong phi kiba hapdeng jong phi, bad ki nongkhan jong phi, ba kin shukor ïa phi, lymne wat sngap ïa ki jingphohsniew ïa kiba phi phohsniew.

MATHAÏOS 24:11

Bun ki nongïathuhlypa lamler ruh kin mih, bad kin shukor ïa shibun.

MATHAÏOS 3:2

u da ong, “To kylla-ka-bamut; naba ka hima ki bneng ka la jan.”

MATHAÏOS 4:17

Naduh kata, U Jisu u la sdang ban ïalap, bad ban ong, “To kylla-ka-bamut; naba ka hima ki bneng ka la jan.”

LOUKAS 17:23

Bad kin ong ha phi, ‘Ha khmih hangne! lane, Ha khmih hangtai!’ hynrei, wat mih noh, lymne wat bud ïa ki.

LOUKAS 21:7

Te ki la kylli ïa u, ki da ong, “Ko Nonghikai, hato lano kine kiei kiei ruh kin long? bad ka dak kaba kumno kan long ha ban sa long kine kiei kiei ruh?”

LOUKAS 21:9

Te haba phin ïohsngew shaphang ki thma bad ki jingkhihwin, phi wat sheptieng; naba ka dei ïa kine kiei kiei ruh ban jia shuwa, hynrei, kata ka bakut kam long kumne kumne ruh.”

ÏOANNIS 5:43

Nga, nga la wan ha ka kyrteng U Kpa jong nga, hynrei, phim pdiang ïa nga: lada uwei pat un wan ha ka kyrteng la ka jong hi, ïa uta phin pdiang.

ÏOANNIS 8:24

Namar kata, nga la ong ha phi, ba phin ïap ha kita ki pop jong phi: namar lada phim ngeit ba nga, nga long ma u, phin ïap ha kita ki pop jong phi.”

ÏOANNIS 8:28

namar kata, U Jisu u la ong ha ki, “Ynda phi la kyntiew ïa U Khun u briew, hangta phin ithuh ba nga, nga long ma u, bad ba ngam leh ei ei ruh em na lade hi; hynrei, kat kumba U Kpa jong nga u la hikai ïa nga, ïa kita kiei kiei ruh nga ïathuh.

1 KORINTH 6:9

Ne phim tip ba ki bymhok kin ym ïoh ïa ka hima U Blei? Te wat shah ba yn shukor noh ïa phi; kiba ïakai kynthei, lymne kiba ïamane blei thala, lymne kiba klim, lymne kiba 'rang long kynthei, lymne kiba ïaleh sang sih para shynrang,

EPHESOS 5:6

Wat ai ïano ïano ban shukor ïa phi da ka ktien thala: namar na ka bynta kine kiei kiei, ka jingbitar U Blei ka wan ha ki khun ka jingbymkohnguh.

2 THESSALONI 2:3

Wat ai ba uno uno ruh un shukor ïa phi da kaba kumno kumno ruh: naba kata kan ym wan, lymda jia shuwa kata ka jingphaidien, bad ba yn ïoh pynpaw noh ïa uta u briew jong ka pop, u khun jong ka jingjot;

2 TIMOTHI 3:13

Hynrei, ki briew basniew bad ki nongshukor kin nang sniew nang sniew, ki da shukor bad shah shukor.

1 ÏOANNIS 4:1

Ko hep ba-ieit, wat ngeit ïa ki mynsiem baroh, hynrei, to phin tynjuh ïit ïa kita ki mynsiem, la ki long ne em na U Blei: naba shibun ki nongïathuhlypa balamler ki la leit mih noh sha ka pyrthei.

2 ÏOANNIS 1:7

Naba shibun ki nongshukor ki la ïaleit mih sha ka pyrthei, ki bymïaphla ba U Jisu Khrist u wan ha ka doh. Une keiñ, u long uta u nongshukor bad u nongïaleh pyrshah ïa U Khrist.

JINGPYNPAW 1:3

Suk uta uba pule, bad kita kiba ïohsngew ïa ki ktien jong kane ka jingïathuhlypa, bad kiba sumar ïa kita kiei kiei ruh ïa kiba la thoh ha ka; namar kata ka Ïa ka la jan.

JINGPYNPAW 12:9

Te la shop noh arsut ïa uta u ïakjakor bakhraw, uta u bseiñ tymmen ïa uba la khot “u Ksuid”, bad “u Soitan”, uba shukor ïa ka pyrthei baroh kawei; la shop noh arsut ïa u sha ka khyndew, bad ïa kita ki angel jong u la shop noh arsut lem bad u.