LOUKAS 21:34 - KA BAIBL

³⁴ “Namar kata, to sumar ïa lade, ïoh kumno kumno ba ki dohnud jong phi kin sngewkhia da kaba bam lalot, bad da kaba buaid, bad da ki jingkhuslai pyrthei, bad ba kata ka sngi kan lap kyndit ïa phi kum ka jingriam:

Khasi CL Bible (BSI)

³⁴ “Sumar bha! Wat pynlut por shaba palat ha ka jingkhawai bad ka jingïadih bad ha ki jingkhuslai jong kane ka jingim, ïoh ba kata Ka Sngi kan kem kynsan ïa phi kum ka jingriam.

LOUKAS 21:34 ပူးပေါင်းရင်းမြစ်များ

JENESIS 19:32

To ïa ngin ïa-ai kyiad umsoh Waiñ ïa u kpa jong ngi ban dih, ngi ruh ngin ïathiah lem bad u, khnang ba ngin ïoh sumar symbai na la u kpa.”

JENESIS 19:35

Kumta, ki la ïa-ai kyiad umsoh Waiñ ïa u kpa jong ki ha kata ka miet ruh: bad kata kaba kham poh ka la khie, bad ka la thiah lem bad u; te um shym la tip lymne mynba ka la wan thiah, lymne mynba ka la khie.

JENESIS 27:14

U te u la leit, bad u la shim ïa ki khun blang, bad u la wallam ïa ki sha la ka kmie: bad ka kmie jong u ka la shet ïa ka jingbam ka babang, katba u sngewbha eh hi u kpa jong u.

SALM 35:8

Ai ba ka jingpynjot kan lap kyndit ïa u: bad ai ba ka jar jong u kaba u la buhrieh kan riam ïa u hi: da ka jingpynjot ai ba un ngat ha ka.

PROBERB 21:4

Ka jingkhmih meng, bad ka dohnud kaba sarong, wat ka sharak jong u bymman, ka long pop.

PROBERB 23:20

Wat long hapdeng kiba kyrni dih Waiñ; hapdeng kiba bam lalot ïa ka doh.

EKLESIASTIS 9:12

Namar u briew ruh um tip la ka por: kumba ki dohkha kiba la ngat ha ka jar basniew, bad kum ki sim kiba la ngat ha ka jingriam, kumta ruh, ïa ki khun bynriew la ngat ha ka por basniew, haba ka hap kyndit halor jong ki.

ISAÏAH 28:7

Hynrei, kine ruh ki la bakla da ka Waiñ, bad da ka 'iad rot ki la ïaid sakma; u lyngdoh bad u nongïathuhlypa ki la bakla da ka 'iad rot, la nguid tylli ïa ki da ka Waiñ, ki la ïaid sakma da ka 'iad rot; ki bakla ha ka jingithuhpaw, ki jynthut ha ka jingbishar.

HOSIA 4:11

Ka jingleh nuti bad ka Waiñ bad ka 'iad rot ki rong noh ïa ka dohnud.

LEBITIKOS 10:9

“Me, ïa ka Waiñ bad ïa ka kyiad wat dih, bad ki khun shynrang jong me ruh, haba phi rung sha Ka Tabernakl ka jingïaseng, ba phin ym ïap noh: kane kan long ka hukum ba-neh junom ïa phi pateng la pateng:

MATHAÏOS 13:22

Uta te ïa uba la bet hapdeng ki dieng shiah, long uta uba ïohsngew ïa kata ka ktien; hynrei, ka jingkhuslai kane ka pyrthei, bad ka jingshukor ka spah, ki ïakjap ïa kata ka ktien, te kam sei soh shuh.

MARKOS 13:9

“Hynrei, to sumar ïa lade; naba kin ai noh ïa phi ha ki jingbishar, bad ha ki synagog yn sympat ïa phi, bad yn pynïeng ïa phi ha khmat ki lyngskor bad ki syiem na ka bynta ka kyrteng jong nga, ïa ka ban long ka jingphla ïa ki.

MARKOS 4:19

te ki jingkhuslai kane ka pyrthei, bad ka jingshukor ka spah, bad ki jingikwah eh shaphang kiwei kiwei de, haba ki ïaleit hapoh, ki ïakjap ïa kata ka ktien, te kam sei soh shuh.

LOUKAS 10:41

Hynrei U Trai u la ïathuh bad u la ong ha ka, “Ko Martha, Martha, pha khuslai, bad pha pynshitom sat ïa lade shaphang bun kiei kiei ruh;

LOUKAS 12:40

Phi ruh to long kiba la kloi; naba ha ka por ba phim mut, ba u wan U Khun u briew.”

LOUKAS 17:3

To ïasumar ïa lade; lada u paralok jong me u leh pop ïa me, to sneng ïa u; bad lada u kylla-ka-bamut, to men map ïa u.

LOUKAS 21:35

naba kumta kan ngat ha kita baroh kiba shong sah ha sla ka khyndew baroh.

LOUKAS 21:8

U la ïathuh te, “To sumar ba yn ym shukor ïa phi; naba bun kin wan ha ka kyrteng jong nga ki da ong, ‘Ma nga U Khrist’, bad ‘kata ka aïom ka la jan’: wat leit bud nadien jong ki.

LOUKAS 8:14

Uta uba la hap hapdeng ki dieng Shiah te, long kita kiba ju ïohsngew, te katba ki nang pynleit la ki sngi ka rta, la kjap ïa ki da ki jingkhuslai bad ka spah, bad ki jingsngewbha kane ka jingim; te kim sei ki soh ki ba-ih bha.

1 KORINTH 5:11

Hynrei, mynta, nga thoh ha phi ban ym ïalok lem bad uno uno ruh ba khot parabangeit ïa u, lada u long uba klim, lane uba ikwah lalot, lane uba mane blei thala, lane uba krenbeiñ, lane uba buaid, lane uba khwan eh: bad ban ym ïabam lem satia bad uba kum uta.

1 KORINTH 6:10

lymne kiba tuh, lymne kiba ikwah lalot, lymne kiba buaid, lymne kiba krenbeiñ, lymne kiba khwan tam eh, kin ym ïoh keiñ ïa ka hima U Blei.

GALATIA 5:20

ka jingmane bleithaw, ka jingaiksuid, ka jingïashun, ka jingïania, ki jingpihuiñ, ki jingbitar, ki jingïapait, ki jingïakhlad, ki jingïapait niam,

DEUTERONOMI 29:19

bad kan jia ruh, haba u ïohsngew ïa ki ktien jong kane ka jingtim, te un kyrkhu ïa lade ha la ka dohnud, un ong, ‘Ngan ïoh ka jingsuk, la nga ïaid ha ka jingpyrkhat mutlop la ka dohnud hi, ban nang pynbuaid ïa uba sliang:’

PHILIPPI 4:6

Wat khuslai ïa kaei kaei ruh; hynrei, ha kaei kaei baroh da ka jingduwai bad ka jingkyrpad lem bad ka jingainguh, to phin pyntip ïa ki jingpan jong phi sha U Blei.

HEBRU 12:15

da kaba khmih bniah ïoh don uno uno u briew u ban ym kot sha ka jingaiei U Blei; ïoh ba uno uno ruh u thied ka jingkthang uba da mih shluiñ un pynkhuslai ïa phi, bad da uta, yn ïoh pyntngit ïa kiba bun:

2 PETROS 3:10

Hynrei, kata ka sngi U Trai kan wan kum u nongtuh; ha kaba kita ki bneng kin leit noh bur, bad ki jor tynrai da kaba thang rhem kin um noh, bad ïa ka khyndew bad ïa kita ki jingleh ba don ha ka, yn thang duh.

2 PETROS 3:14

Naba kumta, ko hep ba-ieit, haba phi ïakhmih lynti ïa kine kiei kiei ruh, to pyrshang smat ba yn shem ïa phi ha ka jingsuk, kiba khlem thohbria, bad kiba khlem tei pop ha khmat jong u.

JINGPYNPAW 3:3

To kynmaw, namar kata, kumno pha la pdiang bad pha la ïohsngew, bad to ri skhem ïa ka, bad to kylla-ka-bamut. Namar kata, lada pham sharai, ngan wan kum u nongtuh keiñ, te phan ym ïoh tip ha kano ka por ngan wan ha pha.

1 SAMUEL 25:36

Te ka Abigail ka la wan sha u Nabal; te, ha khmih, u don ka jingkhawai ha la ïing, kum ka jingkhawai syiem; bad ka dohnud u Nabal ka la kmen eh hapoh jong u, naba u la buaid eh: namar kata, kam shym ïathuh shikyntien ruh ha u, lymne ka barit lymne ka bakhraw, haduh ba kan da shai mynstep.