LOUKAS 21:24 - KA BAIBL

²⁴ Kin kyllon ruh da ka syrti waitlam, bad yn ïalam mraw ïa ki sha ki kynja bynriew baroh; bad kan long ba la ïuh top ïa ka Jerusalem da ki Jentil, tad ynda yn pyndep ïa ka Ïa ki Jentil.

Khasi CL Bible (BSI)

²⁴ Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

LOUKAS 21:24 ပူးပေါင်းရင်းမြစ်များ

JENESIS 34:26

Bad ïa u Hamor bad ïa u Shekhem u khun jong u ki la pynïap noh da ka banep ka waitlam, bad ki la shim noh ïa ka Dinah na ka ïing u Shekhem bad hadien kata ki la ïaleit wan noh.

EKSODOS 17:13

Te u Joshua u la jop thiaw ïa ki Amalek bad u paidbah jong u da ka syrti waitlam.

ISAÏAH 5:5

Te to ieh; ngan ïathuh ïa phi ïa-ei ngan leh ïa ka brisoh jong nga: ngan weng noh ïa ka jingker jong ka, bad yn bam duh ïa ka; ngan pynpra ïa ka kynroh jong ka, bad yn ïuh top ïa ka:

ISAÏAH 63:18

U paidlang u bakhuid jong me u la ïoh ïa ka tang khyndiat por: ki nongïaleh pyrshah jong ngi ki la ïuh roit ïa ka jaka kyntang jong me.

ISAÏAH 66:12

Namar kumne u ong U Trai, “Ha khmih, ngan pynïar ïa ka jingsuk ha ka kum ka wah, bad ka burom ki jaid bynriew kum ka wah bashlei, te phin buiñ na ka; yn kynthup ïa phi ha ka krung, bad yn thum halor ki khohsiew.

ISAÏAH 66:19

Bad ngan buh ka dak hapdeng jong ki, te kat kiba ïohlait na ki ngan phah sha ki jaid bynriew, sha Tarshish, sha Pul bad sha Lud, kiba wiat ïa ka ryntieh, sha Tubal bad sha Jaban, sha ki 'dewlynnong kiba sha jngai, ki bym shym la ïohsngew ïa ka nam jong nga, lymne kim shym la ïohi ïa ka burom jong nga; te kin sa pynbna ïa ka burom jong nga hapdeng ki jaid bynriew.

SNGEWSYNEI 1:15

“U Trai u la pynduh ei noh ïa ki bakhlaiñ jong nga baroh hapdeng jong nga; u la khot lang ïa ka jingïaseng bakyntang pyrshah ïa nga ïa ka ban tylliat ïa ki samla jong nga: U Trai u la ïuh kumba ha ka kor tylliat Waiñ ïa ka khun sotti ka Judah.

DANIEL 12:7

Bad nga la ïohsngew ïa uta u briew uba la kup jaiñ linen, uba la don halor ki um jong kata ka wah, mynba u la rah ïa ka kti kamon jong u bad ïa ka kti kadiang jong u sha bneng, bad ba u la smai ha uta u ba-im ha la ka rta ba kan long shi por, ki por, bad ka shiteng; bad ynda ki la lah pynduh ïa ka bor jong kita ki briew ki bakhuid, ïa kine baroh yn sa pyndep.

DANIEL 8:13

Ynda kumta, nga la ïohsngew ïa uwei u bakhuid ba u da kren; bad uwei pat u bakhuid u la ong ha uta uba la kren, “Slem katno kan long kata ka jingithuhpaw shaphang kata ka jingainguh thang kaba borabor, bad kata ka jingpalat kaba pynjot, ban aiti noh ïa kata ka jaka kyntang bad ïa uta u paidbah ba yn ïuh roit ïa ki?”

DANIEL 9:27

Bad shi taïew un pynlong ïa ka jutang baskhem bad kiba bun: bad hamar kaba shiteng jong kata ka taïew, un pynduh noh ïa kata ka jingkñia bad ïa kata ka jingainguh bam; bad halor ka thapniang jong ki jingijli, un wan uwei uba pynjot; te wat haduh ka bakut, bad ïa kata ruh ba la thmu, yn theh noh ïa ka jingbitar halor uta u nongpynjot.”

MALAKHI 1:11

Naba na kaba mih ka sngi jin haduh kaba sep jong ka, ka kyrteng jong nga ka long kaba khraw hapdeng ki Jentil; bad ha ka jaka baroh la ainguh da ka jingainguh baiwbih ha ka kyrteng jong nga, bad da ka jingainguh ka bakhuid: naba ka kyrteng jong nga ka long kaba khraw hapdeng ki Jentil,” ong U Trai ki paid.

LOUKAS 21:25

“Ki dak ruh kin long ha ka sngi bad ha u bnai bad ha ki khlur, bad ha ka khyndew ka jingjynjar jong ki jaid bynriew, ki da sngewlyngngoh namar ka jingkyrhuh ka duriaw bad ki jingat phyllung,

Ka Shithi U Paul Sha Ki Nong Rom 11:25

Namar ngam mon ïa phi ban ym tip, ko parabangeit, shaphang kane ka jingmaïan, ïoh phi long kiba tharai stad ïa lade, ba ka jingeh ka la jia long ïa shiteng shiliang na ki Israel, tad ynda ba kata ka jingdap jong ki Jentil kan da ïoh wan hapoh.

HEBRU 11:34

ki la pynlip ïa ka bor ka ding, ki la lait na ka syrti waitlam, ha ka jingtlot la ai bor ïa ki, ki la nang ïoh bor ha ki jingïaleh thma, ki la pynphet ïap ïa ki paidïapom jong ki nongwei.

JINGPYNPAW 11:2

hynrei, ïa ka phyllaw kaba shabar kata ka templ U Blei men iehnoh noh, men ym thew ïa ka; naba la ai noh ïa ka ha ki Jentil: bad ïa ka nongbah ka bakhuid kin ïaïuh top jin sawphew ar bnai.