LOUKAS 21:19 - KA BAIBL

¹⁹ Da ka jingïaineh minot jong phi phin ri pynim ïa la ki mynsiem.

Khasi CL Bible (BSI)

¹⁹ To ïeng skhem, bad phin ri pynim ïa lade hi.

LOUKAS 21:19 ပူးပေါင်းရင်းမြစ်များ

SALM 37:7

To shongthait ha U Trai, bad ap shah slem ïa u: wat pynkhuslai ïa lade namar uta uba man bha ha la ka lynti, bad namar uta u briew uba pyndep ïa ki jingpyrkhat bymman.

SALM 40:1

Nga la ap shah slem ïa U Trai; te u la dem ha nga, bad u la ïohsngew ïa ka jingkyang jong nga.

HABAKKUK 3:16

Nga la ïohsngew, te ka kpoh jong nga ka la kyiuh, ki rmiang shyntur jong nga ki la khynñiuh ha kata ka jingsawa; ka jingpyut ka la bsut sha ki shyieng jong nga, bad nga la kyiuh ha la ka jaka: ba ngan ïoh shongthait ha ka sngi ka jingjynjar, haba ka wan kiew pyrshah ïa uta u paidbah uba wan bun kynhun ban hiar thma ïa u.

MATHAÏOS 10:22

Te phin long ïa kiba la shun da ki briew baroh na ka bynta ka kyrteng jong nga: hynrei, uta uba da ïaineh ha ban da kut, uta keiñ u ban lait im.

MATHAÏOS 24:13

Hynrei, jar uba da ïaineh haduh ka bakut, uta keiñ u ban ïohlait im.

LOUKAS 8:15

Te uta uba ha ka khyndew ka babha, kine ki long kita kiba da ka dohnud ka bahok bad ka babha, haba ki la ïohsngew ïa ka ktien, ki bat skhem ïa ka, bad ki sei soh da ka jingïaineh.”

Ka Shithi U Paul Sha Ki Nong Rom 15:4

Namar ïa kiei kiei baroh ba la thoh mynbarim, la thoh khnang ban long ka jinghikai ïa ngi keiñ; ba da ka jingïaishah bad da ka jingpyntngen jong kita Ki Jingthoh, ngin dup ïoh ka jingkyrmen.

Ka Shithi U Paul Sha Ki Nong Rom 2:7

ha kita keiñ, kiba da ka jingïaineh minot ha kaba leh babha, ki wad sliang ïa ka jinglong burom bad ïa ka burom bad ïa ka jingbymïap, un ai ka jingim bymjukut:

Ka Shithi U Paul Sha Ki Nong Rom 5:3

Bad ym tang kumta hi keiñ, hynrei, ngi sngewkmen ruh ha ki jingjynjar, da tip biang ba ka jingjynjar ka pynlong ïa ka jingïaishah;

Ka Shithi U Paul Sha Ki Nong Rom 5:4

bad kata ka jingïaishah, ïa ka jingshem mynsiem; bad kata ka jingshem mynsiem, ïa ka jingkyrmen;

Ka Shithi U Paul Sha Ki Nong Rom 8:25

Hynrei, lada ngi kyrmen ïa kata kaba ngim ïohi, te da kaba ïaishah ngi khmih lynti ïa kata.

1 THESSALONI 1:3

da kaba kynmaw khlem da pud ïa ka jingleh ka jingngeit jong phi, bad ïa ka jingtrei minot ka jingieit, bad ïa ka jingïaishah ka jingkyrmen ha U Jisu Khrist uba U Trai jong ngi, ha khmat U Blei jong ngi bad U Kpa;

2 THESSALONI 3:5

Te U Trai un ïalam ïa ki dohnud jong phi sha ka jingieit jong U Blei, bad sha ka jingïaishah jong U Khrist.

HEBRU 10:36

Namar phi donkam ïa ka jingïaishah, ba haba phi la ïoh leh ïa ka mon U Blei, phin ïoh pdiang ïa kata ka jingkular.

HEBRU 6:11

Bad ngi kwah ba uwei pa uwei na phi un pyni ïa kajuh ka jingminot sha ka jingdap ka jingkyrmen haduh ka bakut keiñ:

HEBRU 6:15

Te kumta, haba u la ïaishah slem, u la ïoh ïa kata ka jingkular.

JAKOB 1:3

haba phi tip ba kata kaba phrang ïa ka jingngeit jong phi, ka pynlong ïa ka jingïaishah.

JAKOB 1:4

Hynrei, kane ka jingïaishah, to ai kan ïoh ïa la ka jingtrei bajanai, ba phin ïoh long kiba janai bad kiba tylli biang, ki bymduna ha kaei kaei ruh.

2 PETROS 1:6

te ha kata ka jingtip, ïa ka bor halor lade; te ha kata ka bor halor lade, ïa ka jingïaishah; te ha kata ka jingïaishah, ïa ka jingriewblei;

JINGPYNPAW 1:9

Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

JINGPYNPAW 13:10

“Lada uno uno ruh u ïalam mraw, u leit noh hi keiñ sha ka jinglongmraw: lada uno uno ruh u pynïap noh da ka waitlam, ka dei ban pynïap noh ïa u da ka waitlam. “Hangne don ka jingïaishah bad ka jingngeit jong kita ki riewkhuid.”

JINGPYNPAW 14:12

Hangne ka don ka jingïaishah jong kita ki riewkhuid, kita kiba sumar ïa ki hukum U Blei, bad ïa ka jingngeit U Jisu.

JINGPYNPAW 3:10

Naba pha la ri skhem ïa ka ktien ka jingïaishah jong nga, te nga ruh ngan ri kyndong ïa pha na kata ka por jong ka jingtynjuh, ka ban sa jia long ha ka pyrthei baroh kawei, ban tynjuh keiñ, ïa kita kiba shong ha ka khyndew.