LOUKAS 21:17 - KA BAIBL

¹⁷ Phin long ruh kiba la isih da ki briew baroh namar ka kyrteng jong nga.

Khasi CL Bible (BSI)

¹⁷ Uwei uwei baroh un shun ïa phi namar jong nga.

LOUKAS 21:17 ပူးပေါင်းရင်းမြစ်များ

MATHAÏOS 10:22

Te phin long ïa kiba la shun da ki briew baroh na ka bynta ka kyrteng jong nga: hynrei, uta uba da ïaineh ha ban da kut, uta keiñ u ban lait im.

MATHAÏOS 24:9

“Ynda kumta, kin ai noh ïa phi ha ka shitom, bad kin ïa-pynïap noh ïa phi; bad phin long kiba la shun da ki kynja bynriew baroh na ka bynta ka kyrteng jong nga.

MATHAÏOS 5:11

“Suk ma phi haba kin ïakrenbeiñ, bad pynshitom ïa phi, bad ba kin ong ki ktien bymman baroh ruh ïa phi na ka bynta jong nga, haba ki shu lamler.

MARKOS 13:13

Bad ki briew baroh kin shun ïa phi na ka bynta ka kyrteng jong nga; hynrei, jar u ban da ïaineh ha ban da kut, uta keiñ, u ban lait im.

LOUKAS 21:16

Yn ai noh ruh ïa phi wat da ki kmie ki kpa, bad da ki para, bad da ki kur, bad da ki lok; bad ïa kiba na phi kin pynïap.

LOUKAS 21:18

Hynrei, iwei i shñiuh na ka khlieh jong phi in ym jah noh.

LOUKAS 6:22

“Suk ma phi ynda ki briew kin shun ïa phi, bad ynda kin tait ïa phi bad kin lehbeiñ ïa phi, bad kin ot beiñ noh ruh ïa ka kyrteng jong phi kum ka bymman, na ka bynta U Khun u briew.

ÏOANNIS 15:19

Lada phi la long na ka jong ka pyrthei, kata ka pyrthei kan da ieit ïa la ka jong; hynrei, naba phim long na ka jong ka pyrthei, hynrei, nga, nga la jied ïa phi na ka jong ka pyrthei, namar kata keiñ, kata ka pyrthei ka shun ïa phi.

ÏOANNIS 15:21

Hynrei, ïa kine kiei kiei baroh kin leh ïa phi na ka bynta ka kyrteng jong nga, naba kim ithuh ïa uta uba la phah ïa nga.

ÏOANNIS 17:14

Ïa kata ka ktien jong me nga, nga la aiti ha ki; kata ka pyrthei te ka la shun ïa ki, naba kim long na ka jong ka pyrthei, kumba nga ngam long na ka jong ka pyrthei.

ÏOANNIS 7:7

Ka pyrthei kam lah ban shun ïa phi, hynrei, ka shun ïa nga, namar ba nga phla shaphang jong ka, ba ki jingleh jong ka ki long bymman.

KI KAM 9:16

namar ngan pyni ha u kaba katno bun kiei kiei ba u dei ban shah na ka bynta ka kyrteng jong nga.”

2 KORINTH 12:10

Naba kumta, nga sngewbha ha ki jingtlot, ha ki jinglehbeiñ, ha ki jingkyrduh, ha ki jingbehbeiñ, ha ki jingshipa, na ka bynta U Khrist; namar haba nga sngewtlot, hangta nga long u bakhlaiñ.

2 KORINTH 4:11

Namar ngi kiba dang im ngi long ba la aiti noh ha la ka sngi ïa ka ban ïap na ka bynta U Jisu, khnang ban pynpaw ïa kata ka jingim U Jisu ruh ha ka doh kaba ïap jong ngi.

2 KORINTH 4:5

Namar ngim ïalap ïa lade, hynrei, ïa U Khrist Jisu kum U Trai keiñ, hynrei, ïa lade hi ki shakri jong phi na ka bynta U Jisu.

PHILIPPI 1:29

Naba ha phi, la ai na ka bynta U Khrist, ym tang ban ngeit ha u, hynrei, ban shah shitom ruh na ka bynta jong u;

1 PETROS 4:14

Lada la krenbeiñ ïa phi namar ka kyrteng U Khrist, suk ma phi; naba U Mynsiem jong ka burom bad u jong U Blei u ïaishong ha phi: ha phang jong ki shisha la krenbeiñ ïa u, hynrei, ha phang jong phi la pyndonburom ïa u.

JINGPYNPAW 2:3

bad pha don ka jingïaishah bad pha la shah na ka bynta ka kyrteng jong nga, bad pham shym la sngewthait ïan.