LOUKAS 21:16 - KA BAIBL

¹⁶ Yn ai noh ruh ïa phi wat da ki kmie ki kpa, bad da ki para, bad da ki kur, bad da ki lok; bad ïa kiba na phi kin pynïap.

Khasi CL Bible (BSI)

¹⁶ Yn aiti ïa phi da ki kmie ki kpa jong phi, da ki hynmen ki para shynrang jong phi, da ki ba-ha-ïing jong phi, bad da ki paralok jong phi; bad ïa katto katne na phi yn pynïap.

LOUKAS 21:16 ပူးပေါင်းရင်းမြစ်များ

JEREMAÏAH 12:6

Naba wat ki para jong me, bad ka ïing u kpa jong me, kita hi keiñ ki la ïashetkylla ïa me; kita hi ruh ki la pyrta jam nadien jong me: wat ngeit ïa ki, la ki kren da ki ktien ki babha ïa me.”

JEREMAÏAH 9:4

“To uwei uwei baroh un sumar na la u paramarjan, bad to wat shaniah ha uno uno u para: namar man u para un ïashukor naduh haduh, bad man u paramarjan un ïaid kylleng da ki jingkren siar.

MATHAÏOS 10:21

U para te un ai noh ïa la u para ïa ka ban ïap, u kpa ruh ïa la ki khun: ki khun ruh kin ïeng ïaleh ïa ki kmie ki kpa, bad kin ïa-pynïap ruh ïa ki.

MARKOS 13:12

U para te un ai noh ïa u para sha ka ban ïap, bad u kpa ruh ïa la u khun, bad ki khun kin ïeng ïaleh ïa ki kmie ki kpa, bad kin pynïap ïa ki.

LOUKAS 12:53

Kin ïaleh makynti u kpa bad la u khun, u khun ruh bad la u kpa; ka kmie bad la ka khun, ka khun ruh bad la ka kmie; ka kiaw kurim bad la ka pyrsa kurim, ka pyrsa kurim ruh bad la ka kiaw kurim.”

LOUKAS 21:15

naba ngan ai ha phi ka shyntur bad ka jingstad, ïa kaba ki nongïaleh jong phi baroh keiñ kin ym lah ban ïasei nia kylliang, lane ban ïasaid kylliang.

LOUKAS 21:17

Phin long ruh kiba la isih da ki briew baroh namar ka kyrteng jong nga.

KI KAM 12:2

Bad u la pynïap ïa u Jakob u para u Ïoannis da ka waitlam.

KI KAM 7:59

Te ki la ïalynthem maw ïa u Stephan, haba u dang duwai, u da ong, “A Trai Jisu, to pdiang noh ïa ka mynsiem jong nga!”

JINGPYNPAW 12:11

Hynrei, ki la jop noh ma ki ïa u, namar kata ka snam jong uta u Khun langbrot, bad namar kata ka ktien ka jingphla jong ki; te kim shym la ieit ïa ka jingim jong ki jin haduh ka jingïap.

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.

JINGPYNPAW 6:9

Bad mynba u la plie ïa ka jingpyndait ka basan, nga la ïohi hapoh ka duwan ïa ki mynsiem ki jong kita ïa kiba la pynïap noh na ka bynta ka ktien U Blei, bad na ka bynta kata ka jingphla ïa kaba ki la ju ïabat skhem.