LOUKAS 21:1 - KA BAIBL

¹ Te haba u la khmied, u la ïohi ïa ki bariewspah kiba noh ïa ki jingainguh jong ki ha ka jingkynshew.

Khasi CL Bible (BSI)

¹ U Jisu u la phai sawdong bad u la ïohi ïa ki briew bariewspah ba ki thep ïa ki jingai sngewbha jong ki ha ka jingkynshew ka Templ,

LOUKAS 21:1 ပူးပေါင်းရင်းမြစ်များ

1 SYIEM 14:26

bad u la shim ïa ki jingkynshew ka ïing U Trai, bad ïa ki jingkynshew ka ïing u syiem; u la shim noh baroh keiñ: bad u la shim de ïa kita ki stieh ksiar baroh kiba u Solomon u la thaw.

2 SYIEM 12:9

Hynrei, u Jehoïada lyngdoh u la shim kawei ka synduk, bad u la sam thliew ha ka jingtap jong ka, bad u la buh ïa ka hajan ka duwan, shaphang kamon haba rung sha ka ïing U Trai: bad ki lyngdoh kiba ap ïa ka jingkhang ki la thep ha ka, ïa u sbai baroh ba la wallam sha ïing U Trai.

2 SYIEM 24:13

Bad u la kit noh nangta ïa ki jingkynshew ka ïing U Trai baroh, bad ïa ki jingkynshew ka ïing u syiem, bad u la pynpait lyngkhot lyngkhai ïa ki pliang ksiar baroh kiba u Solomon u syiem ki Israel u la lah thaw ha ka templ U Trai, kumba U Trai u la lah ong.

2 KHRONIKL 36:18

Ïa ki khiew ki pliang baroh ka ïing U Blei, kiba khraw bad kiba rit, bad ïa ki jingkynshew ka ïing U Trai, bad ki jingkynshew u syiem, bad ki jong ki rangbah jong u; ïa kine baroh u la leit lam sha Babilon.

NEHEMAÏAH 13:13

Bad nga la buh ïa ki nongsumar jingkynshew halor ki jaka jingkynshew, u Shelemiah lyngdoh, bad u Sadok nongthoh, bad na ki Lebi, u Pedaïah: bad uba bud ïa ki, u la long u Hanan, u khun u Sakkur, u khun u Mattaniah: namar ba la ñiew ïa ki kiba ïaineh, bad ka kam jong ki ka la long ban ïasam ha ki para jong ki.

MATHAÏOS 27:6

Haba kita ki rangbah lyngdoh te ki la shim ïa kita ki sbai, ki la ong, “Ym dei ban buh ïa ki ha ka jingkynshew bakyntang, naba ka long ka dor ka snam.”

LOUKAS 20:47

kiba bam duh ïa ki ïing ki riewkynthei, bad kiba duwai jlan ruh khnang ban tyllep; kine kin ïoh diang ïa ka jingshitom kaba kham khraw.”

ÏOANNIS 8:20

Ïa kine ki ktien, U Jisu u la kren ha ka jaka jingkynshew, haba u dang hikai ha ka templ; te ym don ba la kem ïa u, naba ka por jong u kam pat la jia.

JOSHUA 6:19

Hynrei, ka rupa bad ka ksiar, bad ki khiew ki pliang rnong bad nar baroh, ki long ba la kyntang ha U Trai: kita kin leit sha ka jingkynshew U Trai.”

JOSHUA 6:24

Bad ki la thang ïa kata ka shnong da ka ding, bad ïa baroh ba la don ha ka: tang ïa ka rupa bad ïa ka ksiar, bad ïa ki khiew ki pliang rnong bad nar, ki la buh ha ka jingkynshew ka ïing U Trai.