LOUKAS 20:47 - KA BAIBL

⁴⁷ kiba bam duh ïa ki ïing ki riewkynthei, bad kiba duwai jlan ruh khnang ban tyllep; kine kin ïoh diang ïa ka jingshitom kaba kham khraw.”

Khasi CL Bible (BSI)

⁴⁷ kiba shim kabu ïa ki riewkynthei bad kiba knieh noh ïa ki ïing jong ki, bad nangta kiba pyn-i paidbah da kaba duwai jlan! Ka jingpynshitom ïa ki kan long kaba kham shyrkhei!”

LOUKAS 20:47 ပူးပေါင်းရင်းမြစ်များ

ISAÏAH 10:2

ban pynphai noh ïa u baduk na ka jingbishar, bad ban knieh noh ïa ka hok u bakyrduh jong u paidlang jong nga, ba ki riewkynthei kin long ka jinglute ïa ki, bad ba kin lute ïa ki khunswet!

ESEKIEL 22:7

Ha pha ki la ñiew sting ïa la u kpa bad ïa la ka kmie; hapdeng jong pha ki la banbeiñ ïa u nongwei: ha pha ki la leh bymdei ïa kiba khlem kpa bad ïa ki riewkynthei.

ESEKIEL 33:31

Te ki ïawan ha me kumba wan ki paidbah, bad ki ïashong ha khmat jong me kumba shong ki paidbah jong nga, bad ki shahshkor ruh ïa ki ktien jong me, hynrei, kim leh satia ïa ki: namar da ki shyntur jong ki, ki pyni shibun ka jingieit, hynrei, ka dohnud jong ki ka ïabeh ïa ka jingmyntoi jong ki.

AMOS 2:7

kiba ïuh roit ïa ka khlieh ki baduk hapoh ka khyndew, bad ki pynbakla ïa ka lynti jong uba lui lui: bad u briew bad la u kpa kin leit ha kajuh ka kynthei, ïa ka ban pynsang ïa ka kyrteng bakhuid jong nga:

MIKAH 2:2

Ki khwan ïa ki lyngkha, bad ki knieh ïa ki; bad ïa ki ïing, bad ki shim noh ïa ki: bad ki leh jubor ïa u briew bad la ka ïing, u briew bad la ka jingïoh kynti.

MIKAH 2:8

Hynrei, mynhynnin u paidbah jong nga u la ïeng kum u nongshun: phi law noh ïa ka barandi na ka jingkup na kita kiba ïaid lait ha kaba suk kum ki bym kwah ïa ka thma.

MIKAH 3:2

Kiba shun ïa ka babha, bad kiba ieit ïa ka basniew; kiba khoh ïa ka snep jong ki na ki, bad ïa ka doh jong ki na ki shyieng jong ki;

MATHAÏOS 23:13

“Hynrei, kordit ïa phi, ki nongthoh bad ki Pharisi, kiba arsap! naba phi bam duh ïa ki ïing ki riewkynthei, te phi duwai jlan khnang ban tyllep: namar kata, phin ïoh diang ka jingshitom kaba kham khraw.

MATHAÏOS 23:14

Kordit ïa phi, ki nongthoh bad ki Pharisi kiba arsap! naba phi khang ïa ka hima ki bneng ha khmat ki briew: naba phi phim leit hapoh, lymne phim shah ïa kita kiba leit, ban leit hapoh.

MARKOS 12:40

kiba bam duh ïa ki ïing ki riewkynthei, bad kiba duwai jlan ruh khnang ban tyllep; kine kin ïoh diang ka jingpynrem kaba kham khraw.”

LOUKAS 12:1

Mynkata haba la ïalum lang bun hajar u paidbah, kat ban ïaïuh paralok hi, U la sdang ban ong ha ki synran jong U nyngkong eh, “To kiar noh phi na u thiat ki Pharisi, uba long ka jingarsap.

LOUKAS 20:46

“To kiar noh na ki nongthoh, kiba kwah ban ïaid kai ha ki jaiñkup bajynsur, bad kiba ieit ïa ki jingnguh ha ki ïew, bad ïa ki jingshong bakor tam ha ki synagog, bad ïa ki jaka ba kham kor ha ki jingkhawai;

LOUKAS 21:1

Te haba u la khmied, u la ïohi ïa ki bariewspah kiba noh ïa ki jingainguh jong ki ha ka jingkynshew.

1 THESSALONI 2:5

Namar ngim ju kren mynno mynno ruh da ki ktien ïaroh arsap, kumba phi ïatip, lymne da kaba tyllep ïa kaba kwah lalot; U Blei u long u sakhi;

TITOS 1:16

Ki phla ba ki tip ïa U Blei; hynrei, ha la ki kam ki len ïa u, ba ki long kiba ijli, bad ki bymkohnguh, bad ha ki jingleh babha baroh ki bymsuidñiew.

JAKOB 3:1

To wat long phi ki nonghikai babun, ko parabangeit jong nga, haba tip ba ngin ïoh diang ïa ka jingbishar ba kham khraw.