LOUKAS 20:21 - KA BAIBL

²¹ Ki te ki la ïakylli ïa u ki da ong, “Ko Nonghikai, ngi tip ba me kren bad me hikai ïa kaba dei, bad mem ñiew shiliang khmat, hynrei, me hikai ïa ka lynti U Blei ha kaba shisha:

Khasi CL Bible (BSI)

²¹ Kine ki nongsyntiat ki la ong ha U Jisu, “Ko nonghikai, ngi tip ba kaei kaba me ong ka long kaba dei. Ngi tip ba mem khmih ïa ka kyrdan u briew, hynrei me hikai ïa ka jingshisha shaphang ka mon jong U Blei na ka bynta u briew.

LOUKAS 20:21 ပူးပေါင်းရင်းမြစ်များ

2 KHRONIKL 19:7

Namar kata te, to ka jingsheptieng U Trai kan don ha phi; to sumar bha bad leh ïa ka: namar bad U Trai U Blei jong ngi ym don ka jingbymhok, lymne ka jingñiew shiliang khmat, lymne kaba bamsap.”

Ka Kitab U Job 34:19

Sa katno ha uta u bymñiew shiliang khmat ïa ki bakhraw batri lei lei, bad u bymñiew ïa u bariewspah nalor u baduk? naba ki long ka kam ki kti jong u baroh.

SALM 12:2

Ki kren ïa ka jingthala uwei uwei ïa la u paramarjan: da ka rmiang shyntur bashukor, bad da ka dohnud ka basynrop ki ïakren.

SALM 55:21

Ka shyntur jong u ka long jlih kum ka makhon, hynrei, ka dohnud jong u ka la long ka thma: ki ktien jong u ki la kham jem ïa ka umphniang, pynban, ki la long ki waitlam ba la sei.

MATHAÏOS 22:16

Te kumta, ki la phah ha u ïa ki synran jong ki, lem bad ki nongbud u Herod, ki ïa-ong, “Ko Nonghikai, ngi tip ba me long uba shisha, bad ba me hikai ïa ka lynti U Blei ha kaba shisha, bad ba mem ñiew ïano ruh; naba mem khmih ïa ka khmat ki briew:

MARKOS 12:14

Ki te haba ki la wan, ki ong ha u, “Ko Nonghikai, ngi tip ba me long uba shisha bad ba mem ñiew ïano ïano ruh; naba mem khmih ïa ka khmat ki briew, hynrei, me hikai ïa ka lynti U Blei ha kaba shisha. Hato ka bit ne em ban ai khajna ha u Kaisar? ngin ai, ne ngim ai?”

LOUKAS 20:20

Te ki la ïa-ap thap ïa u, bad ki la ïaphah ïa ki nongsyntiat kiba leh mynleh riewhok ïa lade, ba kin ïoh ïariam ïa ki ktien jong u, ïa ka ban aiti noh ïa u ha ka hukum bad ha ka bor u lyngskor.

LOUKAS 20:22

te ka bit ne em ïa ngi ban ai khajna ha u Kaisar?”

ÏOANNIS 3:2

Une u la wan ha U Jisu mynmiet, bad u la ong ha U, “Ko Nonghikai, ngi tip ba me long u nonghikai uba la wan na U Blei, namar ym don uba lah ban leh ïa kine ki kambah ïa kiba me leh, lymda U Blei u long ryngkat bad u.”

2 KORINTH 2:17

Namar ngim long kum kita kiba bun, kiba pynkhleh ïa ka ktien U Blei; hynrei, kum na ka jingsngur, hynrei, kum na U Blei, ha khmat U Blei ngi kren ha U Khrist.

GALATIA 1:10

Namar hato mynta nga bhoh ïa ki briew, ne ïa U Blei? lane nga wad ïa ka ban pynsngewbha ïa ki briew? lada nga dang pynsngewbha ïa ki briew, ngam shym long u shakri U Khrist.

GALATIA 2:6

Hynrei, na kita ïa kiba la ñiew ba ki long ei ei (la ki long kiba kumno kumno ruh, kam pher ïa nga: U Blei um ñiew shiliang ïa ka khmat u briew); kita, nga ong, kiba donnam kim shym ai ei ei ha nga: