LOUKAS 20:20 - KA BAIBL

²⁰ Te ki la ïa-ap thap ïa u, bad ki la ïaphah ïa ki nongsyntiat kiba leh mynleh riewhok ïa lade, ba kin ïoh ïariam ïa ki ktien jong u, ïa ka ban aiti noh ïa u ha ka hukum bad ha ka bor u lyngskor.

Khasi CL Bible (BSI)

²⁰ Kumta ki la khmih ïa ka kabu. Ki la pynbam pisa ïa ki katto katne ngut ki rangbah ban leh mynleh kum kiba shida, bad ki la phah ïa ki ban riam ïa U Jisu da ki jingkylli, khnang ba kin lah ban aiti ïa u ha ki bor synshar bad sha ka bor jong u lyngskor ka Hima Rom.

LOUKAS 20:20 ပူးပေါင်းရင်းမြစ်များ

2 SAMUEL 14:2

Bad u Joab u la phah sha Tekoa, bad u la wallam nangta ïa kawei ka briew kaba sian, bad u la ong ha ka, “Nga kyrpad ïa pha, to leh mynleh kaba ïambriew ïa lade, bad to kup da ki jaiñ sngewsih, bad wat sleh ïa lade da ka umphniang, hynrei, to long kum ka briew kaba ïambriew la slem ïa u baïap;

SALM 38:12

Kita ruh kiba wad ïa ka jingim jong nga ki buh jingriam; bad kita kiba wad ka jingpynsniew ïa nga ki kren ïa kiei kiei ki basniew, bad ki pun ïa ki jingshukor baroh shi sngi.

SALM 66:3

To ong ha U Blei, “Katno kiba itriem ki long ki kam jong me! Namar ka jingkhraw ka bor jong me, ki nongshun jong me kin pynkohnguh ïa lade ha me.

SALM 81:15

Kiba shun ïa U Trai kin da la pyndem ïa lade ha u: hynrei, ka por jong ki kan da la neh junom.

JEREMAÏAH 11:19

Hynrei, nga la long kum u khun langbrot ba jemnud ba la ïalam sha ka jingpynïap; bad ngam shym tip ba ki la thaw ki buit ïa nga, da kaba ong, “To ngin ïa-pynduh bad dieng bad soh, bad ngin ot noh ïa u na ka ri ki ba-im, ba yn ym kynmaw shuh ïa ka kyrteng jong u.”

JEREMAÏAH 18:18

Ynda kumta, ki la ong, “Ïa, to ngin ïathaw ki buit ban ïaleh ïa u Jeremaïah; naba ka hukum kan ym duh na u lyngdoh, lymne ka jingpyrkhat na uba stad, lymne ka ktien na u nongïathuhlypa, ïa ngin shoh ïa u da u thylliej, bad to ngin ym shahshkor ïa kino kino ki ktien jong u.”

JEREMAÏAH 20:10

Namar nga la ïohsngew ïa ka jingpynbudnam kiba bun, “Ka jingshyrkhei baroh sawdong. To kynnoh sniew, te ngin kynnoh sniew ïa u,” ong ki lok bajan jong nga baroh, kita kiba ap ba ngan dkoh; “lehse yn riam pah ïa u, bad ngin lah ïa u, bad ngin pynhiar kput halor jong u.”

DANIEL 6:4

Ynda kumta, kita ki rangbah bad ki lyngskor ki la ïapyrshang ban wad daw ïa u Daniel shaphang ka kam ka hima; hynrei, kim lah shem daw lymne jingduna; namar ba u la long uba ngeit, ym shym la shem ïa ka jingbakla lane ka jingduna ha u.

MATHAÏOS 27:2

Te haba ki la khum ïa u, ki la ïalam noh, bad ki la ai noh ruh ïa u ha u Pontios Pilat uba u lyngskor.

MARKOS 3:2

Te ki la ïa-ap thap ïa U, lada un pynkhiah ïa u ha ka sngi Sabbaton; ba kin ïoh kem daw ïa U.

LOUKAS 11:54

ki da ap thap ïa u ban ïoh kem daw ei ei na ka shyntur jong u, ba kin dup ïoh mudui ïa u.

LOUKAS 20:21

Ki te ki la ïakylli ïa u ki da ong, “Ko Nonghikai, ngi tip ba me kren bad me hikai ïa kaba dei, bad mem ñiew shiliang khmat, hynrei, me hikai ïa ka lynti U Blei ha kaba shisha:

LOUKAS 20:26

Kumta, kim lah shuh ban kem daw na ka ktien jong u ha khmat uta u paidlang: te ki la ïasngewphylla ïa kata ka jingïathuh jong u, bad ki la ïasngap jar.

2 PETROS 2:3

Bad ha ka jingkwah lalot kin ïakhaïi ïa phi da ki ktien bathawnang: ïa kiba kata ka jingpynrem na mynslem kam pyntud, bad kata ka jingpynjot noh jong ki kam samthiah.