LOUKAS 20:1 - KA BAIBL

¹ Ka la jia te ha kawei na kita ki sngi, haba U dang hikai ïa u paidlang ha ka templ, bad ba U dang ïalap ïa ka gospel, ba ki rangbah lyngdoh bad ki nongthoh, lem bad ki tymmen basan, ki la wan lap ïa U.

Khasi CL Bible (BSI)

¹ Ha kawei ka sngi mynba U Jisu u don ha ka Templ, u da hikai ïa ki briew bad ïalap ïa ka Khubor Babha; ki rangbah lyngdoh bad ki nonghikai ka Hukum, lem bad ki tymmen ki san, ki la wan bad ong ha u,

LOUKAS 20:1 ပူးပေါင်းရင်းမြစ်များ

MATHAÏOS 26:55

Ha kata ka por, U Jisu u la ong ha kita ki paidbah, “Kumba ïa u nongtuh phi la mih bad ki waitlam bad ki diengduh ban kem ïa nga? Ha la ka sngi bad phi nga ju shong hikai ha ka templ, te phim shym la kem ïa nga.

LOUKAS 20:2

Te ki la ïakren ha u, ki da ong, “To ïathuh ha ngi, da ka bor aïu ba me leh ïa kine kiei kiei ruh, lane uei uta uba la ai ha me ïa kane ka bor?”

LOUKAS 8:1

Bad ka la jia shen shen hadien kata, ba u la leit jingleit lyngba ki nongbah bad ki nongrit, u da ïalap bad u da ïathuhkhana ïa ka gospel ka hima U Blei: bad lem bad u kita ki khat-ar ngut,

ÏOANNIS 18:20

U Jisu u la ïathuh ha u, “Nga, nga la kren ha kaba paw shynna ha ka pyrthei; nga, nga la hikai ha la ka sngi ha ka synagog bad ha ka templ, ha kaba ki Jiw baroh ki ju ïaseng; bad ha kaba rieh ngam shym kren ei ei ruh em.

KI KAM 4:1

Te haba ki dang kren ha uta u paidlang, ki lyngdoh, bad u rangbah ka templ, bad ki Saddusi, ki la wan kyndit ha ki,

KI KAM 6:12

Te ki la ïapynkhih ïa uta u paidbah, bad ïa ki tymmen basan, bad ïa ki nongthoh, bad haba ki la lah ïawan buk ha u, ki la kem ïa u, bad ki la ïalam noh sha ka dorbar.