LOUKAS 2:40 - KA BAIBL

⁴⁰ Te uta u khynnah u la nang san, u la nang khraw bor ruh ha ka mynsiem, ba la pyndap ïa u da ka jingstad: bad ka jingaiei U Blei ka la don ha u.

Khasi CL Bible (BSI)

⁴⁰ U khynnah u la san bad u la nang khlaiñ; u la dap da ka jingstad, bad ki jingkyrkhu U Blei ki la long halor jong u.

LOUKAS 2:40 ပူးပေါင်းရင်းမြစ်များ

SALM 22:9

Hynrei, me, me long uta uba la shim noh ïa nga na ka kpoh: me la pynshaniah ïa nga mynba nga dang ha ki jymbuiñ ka kmie jong nga.

SALM 45:2

Me kham bhabriew ïa ki khun bynriew: ïa ka jingaiei la theh sha ki rmiang shyntur jong me: namar kata, U Blei u la kyrkhu ïa me ha la ka rta.

LOUKAS 1:80

Uta u khynnah te u la nang san, u la nang khraw bor ruh ha ka mynsiem, bad u la don ha ki ri khlaw haduh kata ka sngi ba u la pynpaw ïa lade ha u Israel.

LOUKAS 2:47

Baroh te kiba la ïohsngew ïa U ki la sngewlyngngoh ïa ka jingshemphang bad ïa ki jubab jong U.

LOUKAS 2:52

U Jisu ruh u la nang khraw ha ka jingstad bad ha ka rynïeng, bad ha ka jingsngewbha ha khmat U Blei bad ki briew.

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

KI KAM 4:33

Bad da ka borbah, ki apostol ki la phla ïa ka jingmihpat jong U Trai Jisu: te ka jingaiei bakhraw ka la long ha ki baroh.

EPHESOS 6:10

Ha kaba wai noh, to long kiba khlaiñ ha U Trai, bad ha ka bor ka jingkhlaiñ jong u.

2 TIMOTHI 2:1

Ma me, namar kata, ko khun jong nga, to pynkhlaiñ ïa lade ha ka jingaiei kaba ha U Khrist Jisu.

NONGBISHAR 13:24

Kata ka kynthei te ka la kha khun shynrang, bad la kyrteng ïa u, “u Samson”: bad uta u khynnah u la nang san, bad U Trai u la kyrkhu ïa u.

1 SAMUEL 2:18

Te u Samuel u la shakri ha khmat U Trai, u dang khynnah, ba la panpoh ïa u da ka ephod linen.

1 SAMUEL 2:21

Bad U Trai u la wan khmih ïa ka Hannah, bad ka la punkhun, ka la kha ruh lai ngut ki shynrang bad ar ngut ki kynthei. Bad uta u khynnah, u Samuel u la nang san ha khmat U Trai.

1 SAMUEL 2:26

Te uta u khynnah u Samuel u la nang san, bad u la long uba sngewbha ïa u da U Trai, bad da ki briew de.

1 SAMUEL 3:19

Bad u Samuel u la nang roi, bad U Trai u la don lem bad u, bad um shym shah ïa kawei na ki ktien jong u ban hap duh noh.