LOUKAS 2:4 - KA BAIBL

⁴ Te u Joseph ruh u la leit kiew na Galilaïa, na ka shnong Nasaret, sha Judia, sha ka shnong u Dabid, ïa kaba la khot “Bethlehem” (namar ba u long na ka ïing bad na ka jaid u Dabid):

Khasi CL Bible (BSI)

⁴ U Joseph ruh u la leit na ka shnong Nasareth, kaba ha Galilaïa sha ka shnong Bethlehem ha Judia, ka jaka ha kaba la kha ïa syiem Dabid. U Joseph u la leit shata namar u la long uba hiarpateng na u Dabid.

LOUKAS 2:4 ပူးပေါင်းရင်းမြစ်များ

JENESIS 35:19

Bad ka Rakhel ka la ïap noh, bad la tep ïa ka ha ka lynti sha Ephrath, kaba long ka Bethlehem.

JENESIS 48:7

Bad ynda nga la wan na Padan-Aram, ka Rakhel ka la ïap noh bad nga ha ka ri Kanaan ha lynti, haba dang don sa shi mail ka lynti haduh Ephrath: bad nga la tep ïa ka hangta ha ka lynti jong ka Ephrath; kaba long ka Bethlehem.”

MIKAH 5:2

Hynrei, ma pha, ka Bethlehem Ephrathah, la pha long kaba rit hapdeng ki hajar Judah, na pha keiñ un mih ha nga uwei u ban sa long u nongsynshar ha Israel; uba ka jingmih jong u ka long na mynhyndai, naduh bymjukut.

MATHAÏOS 1:20

Hynrei, haba u dang puson ïa kine kiei kiei ruh, ha khmih, u angel U Trai u la paw ha u ha ka jingphohsniew, u da ong, “Ko Joseph, u khun u Dabid, wat sheptieng ban shim ha me ïa ka Mari ka tnga jong me: naba ita iba la pun ha ka, i long na U Mynsiem Bakhuid:

MATHAÏOS 2:23

Haba u la poi ruh, u la shong duh ha ka shnong ba la khot “ka Nasaret”: ba kumta yn pyndep ïa kata ba la ong da ki nongïathuhlypa, “Ba yn khot ‘u nong Nasaret’ ïa u.”

LOUKAS 2:3

Bad baroh ki la leit ba yn kheiñ ïa ki, uwei pa uwei sha la ka jong ka jong ka shnong.

LOUKAS 2:5

ba yn kheiñ ïa u lem bad ka Mari kaba la lah ïatehktien bad u, kaba la punkhun.

LOUKAS 4:16

U la wan ruh ha Nasaret, ha kaba la pynsan pynrangbah ïa u; te u la leit rung, kumba u ju leh, ha ka sngi Sabbaton ha ka synagog, bad u la ïeng joit ban pule.

ÏOANNIS 1:46

U Nathanael te u la ong ha u, “Ka lah kaei kaei ruh ka babha ban long na Nasaret?” U Philip u ïathuh ha u, “To ale, to khmih ruh.”

ÏOANNIS 7:42

Kata Ka Jingthoh kam shym la ong, ba uta U Khrist u wan na u symbai u Dabid, bad na Bethlehem, ka nongrit ha kaba u Dabid u la ju don?”

RUTH 1:19

Kumta, ki la leit baroh ar ngut tad ynda ki la wan poi sha Bethlehem. Te haba ki la poi sha Bethlehem, kata ka shnong baroh keiñ ka la khie namar jong ki, bad ki la ïakylli, “Kane ka Naomi?”

RUTH 2:4

Te, ha khmih, u Boas u la wan na Bethlehem, bad u la ong ha kita ki nongot, “To U Trai un long ryngkat bad phi.” Ki ruh ki la ïathuh ha u, “To U Trai un kyrkhu ïa me.”

RUTH 4:11

Te uta u paidbah baroh uba ha kata ka khyrdop, bad kita ki tymmen basan, ki la ïa-ong, “Ngi long sakhi keiñ. To U Trai un pynlong ïa kata ka kynthei kaba wan shapoh ka ïing jong me, kum ka Rakhel bad kum ka Leah, kita ar ngut keiñ kiba la tei ïa ka ïing Israel: to men man khraw bor ha Ephratah, bad to long uba donnam ha Bethlehem.

RUTH 4:17

Te kita ki paramarjan kynthei jong ka ki la kyrteng ïa u, ki da ong, “La kha khun shynrang ha ka Naomi,” bad ka la kyrteng ïa u, “u Obed”: u te u la long u kpa u Jesse, uba u kpa u Dabid.

1 SAMUEL 16:1

Bad U Trai u la ong ha u Samuel, “Men ïambriew ïa u Saul sa katno, haba nga, nga la kyntait ïa u na kaba long syiem halor ki Israel? To pyndap ïa kata ka reng jong me da ka umphniang, bad khie leit, ngan phah ïa me sha u Jesse u nong Bethlehem, naba nga la khreh ïa nga ïa u syiem napdeng ki khun shynrang jong u.”

1 SAMUEL 16:4

Bad u Samuel u la leh ïa kata kaba la kren U Trai bad u la wan sha Bethlehem. Te kita ki tymmen basan kata ka shnong ki la sheptieng shikatdei haba ki la ïashem bad u, bad ki la ong, “Me wan ïa kaba suk?”

1 SAMUEL 17:12

Te u Dabid u la long u khun jong u nong Ephrath na Bethlehem Judah, uba kyrteng u Jesse; bad u la don phra ngut ki khun shynrang: te ha ki sngi u Saul, ïa une u briew la ñiew riewtymmen hapdeng ki briew.

1 SAMUEL 17:58

Te u Saul u la kylli ïa u, “Me u khun jongno, ko samla?” Te u Dabid u la ïathuh, “Nga u khun u shakri jong me, u Jesse u nong Bethlehem.”

1 SAMUEL 20:6

Lada u kpa jong me un kylli shaphang jong nga, me te men ong, ‘U Dabid u la pan khnang na nga ba un ïoh leit jang jang sha Bethlehem ka shnong jong u: naba ka jingkñia kaba shi snem shi snem ka don hangta ïa ki kur baroh.’