LOUKAS 2:39 - KA BAIBL

³⁹ Ynda ki la pyndep te ïa kiei kiei baroh katba kum ka hukum U Trai, ki la ïawan phai pat sha Galilaïa, sha ka shnong jong ki, ka Nasaret.

Khasi CL Bible (BSI)

³⁹ Haba U Joseph bad ka Mari ki la pyndep ïa kiei kiei baroh kiba la dawa da ka aiñ jong U Trai, ki la leit phai pat sha Nasareth, ka shnong jong ki kaba ha Galilaïa.

LOUKAS 2:39 ပူးပေါင်းရင်းမြစ်များ

MATHAÏOS 3:15

U Jisu te u la ïathuh bad U la ong ha u, “To shah mynta: naba kumne keiñ ka long kaba dei ïa ngi ban pyndep ïa ka hok baroh.” Ynda kumta, u la shah ïa u.

LOUKAS 1:26

Te ha u bnai u bahynriew la phah ïa uta u angel Gabriel na U Blei sha ka shnong ha Galilaïa, kaba kyrteng “ka Nasaret”,

LOUKAS 1:6

Baroh ar ngut ruh ki la long ki bahok ha khmat U Blei, ba ki da ïaid ha ki hukum bad ki niam jong U Trai baroh khlem jingrem.

LOUKAS 2:4

Te u Joseph ruh u la leit kiew na Galilaïa, na ka shnong Nasaret, sha Judia, sha ka shnong u Dabid, ïa kaba la khot “Bethlehem” (namar ba u long na ka ïing bad na ka jaid u Dabid):

LOUKAS 2:51

Te U la leit hiar noh bad ki, bad U la wan sha Nasaret, bad U la ïaikohnguh ïa ki. Hynrei, ka kmie jong U ka la sumar kyndong ïa kine ki jingong baroh ha ka dohnud jong ka.

LOUKAS 4:16

U la wan ruh ha Nasaret, ha kaba la pynsan pynrangbah ïa u; te u la leit rung, kumba u ju leh, ha ka sngi Sabbaton ha ka synagog, bad u la ïeng joit ban pule.

LOUKAS 4:23

U la ong te ha ki, “Khlem pep phin ong ha nga ïa kane ka pharshi, ‘Ko nongpynkhiah, to pynkhiah ïa lade: Ïa kaei kaei ruh ba ngi la ïohsngew ba la leh ha Kapernam, to leh hangne ruh ha la ka jong ka ri.’ ”

DEUTERONOMI 12:32

“Ïa ka ktien baroh ba nga hukum ïa phi, to sumar ban leh ïa ka: men ym pyntam ha ka, lymne pynduna na ka.