LOUKAS 2:38 - KA BAIBL

³⁸ Kane ruh, haba ka la poi tiap hamar kata ka por, ka la ïaroh ïa U Blei, bad ka la kren shaphang jong U, ha kita baroh kiba ïa-ap kyrmen ïa ka jingsiewspah ka Jerusalem.

Khasi CL Bible (BSI)

³⁸ Ha kata ka kynta hi, ka la wan poi bad ka la ainguh ïa U Blei bad ka la kren shaphang u khunlung ha baroh kiba ap ïa U Blei ban pyllaitluid ïa ka Jerusalem.

LOUKAS 2:38 ပူးပေါင်းရင်းမြစ်များ

MARKOS 15:43

haba la wan u Joseph uba na Arimathaïa, u myntri uba donburom, uba u hi ruh u ju ap kyrmen ïa ka hima U Blei, da kaba shlur u la leit hapoh ha u Pilat, bad u la pan ïa ka met U Jisu.

LOUKAS 1:68

“Long ba la kyrkhu ïa U Trai uba U Blei jong u Israel; naba U la wan khmih, bad U la pynlong ka jingsiewspah ïa la ki briew;

LOUKAS 2:25

Ha khmih ruh, la don u briew ha Jerusalem, uba kyrteng “u Simeon”; te une u briew u long u bahok bad u bariewblei, uba da ap kyrmen ïa ka jingpyntngen jong u Israel: bad U Mynsiem Bakhuid u la don ha u.

LOUKAS 2:36

La don ruh kawei ka briew, ka Anna ka nongïathuhlypa, ka khun u Phanuel, na ka jaid Asher: (kaba la slem eh ka rta, kaba la shong bad u tnga tang hynñiew snem naduh ka jinglong sotti jong ka.

LOUKAS 23:51

une um shym la ïakohnguh ïa ka jingsylla bad ïa ka jingleh jong ki; uba na Arimathaïa, ka shnong jong ki Jiw, uba u hi ruh u ju ap kyrmen ïa ka hima ka jong U Blei;

LOUKAS 24:21

Ngi, hynrei, ngi la ïakyrmen ba long ma U, U ban sa siewspah ïa u Israel; nalor kine baroh ruh putet, kane ka sngi ka long ka sngi balai naduh ba la jia kine kiei kiei ruh.

2 KORINTH 9:15

To long noh ka jingnguh ïa U Blei, namar kata ka jingai jong u ka bym lah ong shuh!

EPHESOS 1:3

Long ba la kyrkhu ïa U Blei bad U Kpa U Jisu Khrist uba U Trai jong ngi, uba la kyrkhu ïa ngi da ki jingkyrkhu bakynja mynsiem baroh ha ki jaka bneng ha U Khrist: