LOUKAS 2:32 - KA BAIBL

³² ka jingshai ïa ka ban pynshai ïa ki Jentil, bad ka burom u Israel u paidlang jong me.”

Khasi CL Bible (BSI)

³² Ka jingshai ban pynpaw ïa ka mon jong me ha ki Jentil bad ban wallam ka burom ha ki briew jong me, ki Israel.”

LOUKAS 2:32 ပူးပေါင်းရင်းမြစ်များ

SALM 85:9

Da shisha ka jingpynim jong u ka long hajan kita kiba sheptieng ïa u; ba kan ïoh sah ka burom ha ka ri jong ngi.

ISAÏAH 11:10

Te kan jia ha kata ka sngi, ba u thied u Jesse, uba long kum ka lama ïa ki kynja bynriew; ha u ki jaid bynriew kin ïawad; bad ka jaka shongthait jong u kan long kaba donburom.

ISAÏAH 4:2

Ha kata ka sngi, u tnat U Trai un long uba i bha, bad ba-donburom, bad u soh ka ri u babha eh bad ba-itynnad ïa kita kiba la ïohlait im ha Israel.

ISAÏAH 45:25

Ha U Trai yn pynksan ïa u symbai jong u Israel baroh, bad un sngewsarong.”

ISAÏAH 49:6

U la ong te, “Ka long kaba sting eh ba men long u shakri jong nga ban pynïeng ïa ki jaid u Jakob, bad ban pynbha pat ïa kiba pynsah jong ki Israel: ngan ai ruh ïa me ban long ka jingshai ïa ki Jentil, ba men ïoh long ka jingpynim jong nga haduh ka bakut ka pyrthei.”

ISAÏAH 49:9

da kaba ong ha kita kiba la khum, ‘To mih noh’; ha kita kiba ha ka jingdum, ‘To pyni ïa lade.’ Kin ïabam ha ki lynti, bad ha ki kliar lum baroh kin long ki jaka bam phlang jong ki.

ISAÏAH 51:4

“To sngap ïa nga, ko paidlang jong nga; to shahshkor ïa nga ruh, ko jaid bynriew jong nga: namar ka hukum kan mih noh na nga, bad ngan pynneh ïa ka jingbishar jong nga ban long ka jingshai ki kynja bynriew.

ISAÏAH 60:19

Ka sngi kan ym long shuh ka jingshai jong pha mynsngi; lymne ïa ka batyngshaiñ u bnai un ym ai jingshai ïa pha: hynrei, U Trai un long ha pha ka jingshai bymjukut, bad U Blei jong pha un long ka burom jong pha.

ISAÏAH 9:2

U paidlang uba la ïaid ha ka jingdum u la ïohi ïa ka jingshai bakhraw: kiba la shong ha ka ri ka syrngiew ka jingïap, la tyngshaiñ ka jingshai halor jong ki.

JEREMAÏAH 2:11

Ka jaid bynriew ka la ïabujli ne em ïa la ki blei, wat ki bymlong ki blei ruh? Hynrei, ki briew jong nga ki la ïabujli ïa la ka burom na ka bynta kata ka bymmyntoi.

SEKHARAÏAH 2:5

“Namar ma nga,” ong U Trai, “ngan long ha ka, ka kynroh ding baroh sawdong, bad ngan long ka burom hapdeng jong ka.”

MATHAÏOS 4:16

ki briew kiba shong ha kaba dum ki la ïohi ïa ka jingshai bakhraw, bad ha kita kiba shong ha ka ri bad ha ka syrngiew ka jingïap, la mih ka jingshai.”

LOUKAS 2:10

Hynrei, uta u angel u la ong ha ki, “Wat sheptieng; naba ha khmih, nga wallam ha phi ïa ka khubor babha ka jingkmen bakhraw ka ban long ha ki briew baroh:

LOUKAS 2:31

ïa kaba me la pynkhreh lypa ha khmat ki briew baroh;

KI KAM 26:23

kumno ba ka la dei ïa U Khrist ban shah, bad kumno nyngkong da ka jingmihpat na ki baïap, un pynbna ka jingshai ha u paidlang ruh, bad ha ki Jentil.”

KI KAM 28:28

“Namar kata, to tip phi, ba la phah ïa kane ka jingpynim U Blei ha ki Jentil; ki ruh kin ïohsngew ïa ka.

1 KORINTH 1:31

ba kat kumba la thoh: “Uta uba leh kmen, to un leh kmen ha U Trai.”

JINGPYNPAW 21:23

Bad kata ka nongbah kam donkam ïa ka sngi, lymne ïa u bnai ban pynshai ha ka: namar ka burom U Blei ka la pynshai ïa ka, bad ka jingshai jong ka long uta U Khun langbrot.