LOUKAS 2:25 - KA BAIBL

²⁵ Ha khmih ruh, la don u briew ha Jerusalem, uba kyrteng “u Simeon”; te une u briew u long u bahok bad u bariewblei, uba da ap kyrmen ïa ka jingpyntngen jong u Israel: bad U Mynsiem Bakhuid u la don ha u.

Khasi CL Bible (BSI)

²⁵ Ha kata ka por la don u briew uba shong basah ha Jerusalem uba kyrteng u Simeon. U la long u briew uba bha, uba sheptieng ïa U Blei bad uba ïai ap na ka bynta ki Israel ban ïoh jingpynim.

LOUKAS 2:25 ပူးပေါင်းရင်းမြစ်များ

JENESIS 6:9

Kine ki long ki jinghiar pateng jong u Noah: u Noah u la long u briew u bahok, uba beit ha ki pateng bynriew jong u, u Noah u la ïaid ryngkat bad U Blei.

Ka Kitab U Job 1:1

La don u briew ha ka ri Us, uba kyrteng “u Job”; te uta u briew u la long uba janai bad uba beit, bad uba sheptieng ïa U Blei, bad uba kiar noh na ka basniew.

Ka Kitab U Job 1:8

Te U Trai u la ong ha u Soitan, “Me la khmih thuh ïa u shakri jong nga u Job? Naba ym don uba kat ma u ha ka khyndew, u briew uba janai bad uba beit, uba sheptieng ïa U Blei, bad uba kiar noh na ka basniew.”

ISAÏAH 25:9

Te yn ong ha kata ka sngi, “Ha khmih, une u long U Blei jong ngi; ngi la khmih lynti ïa u, te un pynim ïa ngi; une u long U Trai; ngi la khmih lynti ïa u, ngin sngewbha bad shadkmen ha ka jingpynim jong u.”

ISAÏAH 40:1

“To pyntngen phi, to pyntngen phi ïa u paidlang jong nga,” ong U Blei jong phi.

MIKAH 6:8

U la pyni ha me, ko briew, kaei ka babha; te U Trai u wad aïu na me, hynrei, tang ban leh hok, bad ban ieit ïa ka jingisynei, bad ban ïaid leh rit bad U Blei jong me?

JINGKHEIÑ 11:25

U Trai te u la wan hiar ha uta u lyoh, bad u la kren ha u, bad u la shim na kata ka mynsiem kaba la don ha u, bad u la ai ha kita ki hynñiewphew ngut ki tymmen basan: te haba kata ka mynsiem ka la shong sah halor jong ki, ki la ïathuhlypa, ki la wai noh ruh.

JINGKHEIÑ 11:29

U Moses te u la ong ha u, “Me sngewpihuiñ na ka bynta jong nga? A ban da ki briew baroh ki jong U Trai kin long ki nongïathuhlypa, bad ba U Trai un buh ïa U Mynsiem jong u halor jong ki!”

MARKOS 15:43

haba la wan u Joseph uba na Arimathaïa, u myntri uba donburom, uba u hi ruh u ju ap kyrmen ïa ka hima U Blei, da kaba shlur u la leit hapoh ha u Pilat, bad u la pan ïa ka met U Jisu.

LOUKAS 1:41

Ka la jia ruh, katba ka Elisabet ka la ïohsngew ïa ka jingkhublei jong ka Mari, la khih i khun ha ka kpoh jong ka; bad la pyndap ïa ka Elisabet da U Mynsiem Bakhuid.

LOUKAS 1:6

Baroh ar ngut ruh ki la long ki bahok ha khmat U Blei, ba ki da ïaid ha ki hukum bad ki niam jong U Trai baroh khlem jingrem.

LOUKAS 1:67

La pyndap ruh ïa u Sakharaïa u kpa jong u da U Mynsiem Bakhuid, bad u la ïathuhlypa, u da ong,

LOUKAS 2:38

Kane ruh, haba ka la poi tiap hamar kata ka por, ka la ïaroh ïa U Blei, bad ka la kren shaphang jong U, ha kita baroh kiba ïa-ap kyrmen ïa ka jingsiewspah ka Jerusalem.

LOUKAS 23:51

une um shym la ïakohnguh ïa ka jingsylla bad ïa ka jingleh jong ki; uba na Arimathaïa, ka shnong jong ki Jiw, uba u hi ruh u ju ap kyrmen ïa ka hima ka jong U Blei;

KI KAM 10:2

u briew bariewblei, bad uba sheptieng ïa U Blei, lem bad ka ïing jong u baroh, uba la ai shibun ki jingai isynei ïa ki briew, bad uba duwai de ha U Blei khlem da pud.

KI KAM 10:22

Te ki la ïathuh, “U Kornilios, u rangbah shispah, u briew u bahok, bad uba sheptieng ïa U Blei, bad uba la ïoh ka jingïaroh na ka jaid Jiw baroh, la sneng ïa u da u angel bakhuid ban phah khot ïa me shapoh ka ïing jong u, bad ban ïohsngew ïa ki ktien na me.”

KI KAM 2:5

Te la don ki Jiw kiba shong basa ha Jerusalem, ki briew ki bariewblei na ki jaid bynriew baroh kiba napoh ka bneng.

KI KAM 24:16

Ha kane, nga hi ruh nga pynmlien ïa lade, ban ïoh khlem da pud ka jingïatiplem ba khlem pynthut sha U Blei bad sha ki briew.

DEUTERONOMI 18:15

“U Trai uba U Blei jong me un pynmih ha me ïa u nongïathuhlypa napdeng jong me, na ki para jong me, uba kum ma nga: ïa u phin shahshkor;

2 PETROS 1:21

Namar ym da ka mon u briew la wan ka jingïathuhlypa mynno mynno ruh: hynrei, ki briew ki la kren na U Blei keiñ, haba la pynkhih ïa ki da U Mynsiem Bakhuid.