LOUKAS 2:14 - KA BAIBL

¹⁴ “Ka burom ha U Blei ha kiba jrong tam eh, bad ha ka pyrthei ka jingsuk hapdeng ki briew ha kiba U sngewbha eh.”

Khasi CL Bible (BSI)

¹⁴ “Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”

LOUKAS 2:14 ပူးပေါင်းရင်းမြစ်များ

ISAÏAH 44:23

To rwai, ko phi ki bneng, namar U Trai u la leh ïa kane; to risa, ko phi ki ñiamra; to rwai jam, ko phi ki lum, ko ka khlaw, bad u dieng baroh uba ha ka: namar U Trai u la siewspah ïa u Jakob, bad un pyndonburom ïa lade ha Israel.

ISAÏAH 49:13

To rwai, ko ki bneng; bad to leh kmen, ko ka khyndew; to kyang ruh da kaba rwai, ko ki lum: naba U Trai u la pyntngen ïa la u paidlang, un isynei ruh ïa la kiba la jynjar.

ISAÏAH 57:19

Nga thaw ïa u soh ki rmiang shyntur: ‘Ka jingsuk, ka jingsuk, ïa uba jngai, bad ïa uba hajan,’ ” ong U Trai; “te ngan pynkhiah ïa u.

MIKAH 5:5

Te une un long ka jingsuk jong ngi: haba u nong Assyria un wan ha ka ri jong ngi, bad haba un ïuh hapoh ki ïingpaki jong ngi, ynda kumta, ngin pynïeng pyrshah ïa u hynñiew ngut ki nongaplangbrot, bad phra ngut kiba rangbah rangbah ki briew.

MATHAÏOS 21:9

Kita ki paidbah de kiba ïaid sha shuwa, bad kita kiba bud nadien, ki la ïapyrta, ki da ong, “Hosanna ïa U Khun u Dabid! Long ba la kyrkhu ïa uta uba wan ha ka kyrteng U Trai! Hosanna ha kiba jrong tam eh!”

LOUKAS 1:79

ban pynshai ïa kita kiba shong ha ka ba-dum bad ha ka syrngiew ka jingïap, ïa ka ban ïalam beit ïa ki kjat jong ngi sha ka lynti ka jingsuk.”

LOUKAS 19:38

ki da ong, “Long ba la kyrkhu ïa U Syiem uba wan ha ka kyrteng U Trai! ka jingsuk ha bneng, bad ka burom ha kiba jrong tam eh.”

LOUKAS 2:13

Bad kyndit kyndit la don lem bad uta u angel bun bah u paidbah ka bneng, ki da ïaroh ïa U Blei, ki da ong ruh,

LOUKAS 2:15

Ka la jia ruh, katba kita ki angel ki la leit noh na ki sha bneng, ba kita ki nongaplangbrot ruh ki la ïa-ong paralok hi, “Ïa, ngin ïaleit mynta haduh Bethlehem, bad ngin ïohi ïa kane kaei kaei kaba la jia, ïa kaba U Trai u la pynbna ha ngi.”

LOUKAS 3:22

bad U Mynsiem Bakhuid u la hiar ha U ha ka dur met, kum ka paro, bad ka ktien ka la wan na bneng, kaba ong, “Me long U Khun jong nga uba ieit; ha me nga sngewbha eh.”

ÏOANNIS 14:27

Ïa ka jingsuk nga iehnoh ha phi, ïa ka jingsuk ka jong nga, nga ai ha phi, ym kumba kata ka pyrthei ka ai, nga ai ma nga ha phi. Wat khih khuslai na ka dohnud jong phi, lymne wat sheptieng.

ÏOANNIS 17:4

Nga, nga la pyndonburom ïa me ha ka pyrthei: nga la pyndep ïa kata ka kam ïa kaba me la ai ha nga ba ngan leh.

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

KI KAM 10:36

Kata ka ktien ïa kaba U la phah ha ki khun Israel, da kaba ïalap ïa ka gospel ka jingsuk da U Jisu Khrist (long ma u, U Trai halor baroh),

Ka Shithi U Paul Sha Ki Nong Rom 5:1

Namar kata, ba la pynksan ïa ngi da ka jingngeit, ngi don ka jingïasuk bad U Blei da U Trai jong ngi U Jisu Khrist;

EPHESOS 1:6

ïa ka ban ïaroh ïa ka burom ka jingaiei jong u, kaba u la ai ei ha ngi ha uta U Ba-ieit,

EPHESOS 1:9

haba u la pyntip ha ngi, ïa ka jingmaïan ka mon jong u, katba kum ka jingsngewbha jong u ïa kaba u la lah thmu ha lade;

EPHESOS 2:4

hynrei, U Blei, ba u long uba kynrei ka jingisynei, namar ka jingieit kaba khraw jong u da kaba u la ieit ïa ngi,

EPHESOS 2:7

ba un ïoh pyni ha ki rta ki ban sa wan, ïa kata ka jingkynrei eh ka jingaiei jong u, ha ka jinglehsbun sha ngi ha U Khrist Jisu.

PHILIPPI 2:11

bad ba u thylliej baroh un ïoh phla shynna ba U Jisu Khrist u long U Trai, ïa ka ban pyndonburom ïa U Blei uba U Kpa.

PHILIPPI 2:13

namar dei U Blei uba trei hapoh jong phi ïa ka ban mon ruh bad ïa ka ban trei, namar ka jingsngewbha jong u.

KOLOSSAI 1:20

bad da u ban pynïasuk noh ïa kiei kiei baroh ha lade hi, haba la lah pynlong ïa ka jingpynïasuk da ka snam ka diengphna jong u; da u, nga ong, la kiei kiei kiba ha ka khyndew, lane kiei kiei kiba ha ki bneng.

2 THESSALONI 2:16

Te U Jisu Khrist hi uba U Trai jong ngi, bad U Blei uba U Kpa jong ngi uba la ieit ïa ngi, bad uba la ai ha ngi ïa ka jingpyntngen bymjukut, bad ïa ka jingkyrmen babha da ka jingaiei,

JINGPYNPAW 5:13

Bad ïa ka jingthaw baroh kaba don ha bneng, bad halor ka khyndew, bad shapoh ka khyndew, bad ha ka duriaw, bad kiei kiei baroh kiba ha kita, nga la ïohsngew haba ki ong, “Ha uta uba shong halor kata ka khet, bad ha uta U Khun langbrot, to long ka jingkyrkhu, bad ka jingpyndonburom, bad ka burom, bad ka bor, sha ki bymjukut ki bymjukut!”