LOUKAS 2:12 - KA BAIBL

¹² te kane kan long ka dak ïa phi; phin shem ïa u khunlung ba la sop da ki jaiñsop, u da thiah ha ka shyngoid.”

Khasi CL Bible (BSI)

¹² Bad kane ka long kaei ka ban pynshisha ïa kata ha phi: Phin shem ïa u khunlung uba la sop da ki jaiñsop bad uba thiah ha ka shyngoid.”

LOUKAS 2:12 ပူးပေါင်းရင်းမြစ်များ

2 SYIEM 19:29

“Te kane kan long ka dak ïa me: ha kane ka snem phin bam ïa kata kaba shu mih hi, bad ha ka snem ka ba-ar na kaba mih na kata; te ha ka snem ka balai phin bet, bad ot, bad phin thung ki brisoh, bad bam ïa u soh jong ki.

2 SYIEM 20:8

Te u Hesekaïah u la ong ha u Isaïah, “Kaei kan long ka dak ba U Trai un pynkhiah ïa nga, bad ba ngan leit kiew sha ka ïing U Trai ha ka sngi ka balai?”

SALM 22:6

Hynrei nga, nga long u khñiang, te ym u briew; ka jingkrenbeiñ jong ki briew, bad ka jingibeiñ jong u paidbah.

EKSODOS 3:12

U te u la ong, “Shisha ngan long lem bad me; bad kane kan long ka dak ïa me, ba ma nga hi nga la phah ïa me: ynda me la ïalam noh ïa ki briew jong nga na ka ri Ijipt, phin ïoh shakri ïa U Blei halor une u lum.”

ISAÏAH 7:11

“To da pan me ïa ka dak na U Trai U Blei jong me; pan ïa ka ha kaba jylliew, lane ha kaba jrong haneng.”

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

LOUKAS 2:13

Bad kyndit kyndit la don lem bad uta u angel bun bah u paidbah ka bneng, ki da ïaroh ïa U Blei, ki da ong ruh,

LOUKAS 2:7

Te ka la kha ïa u khun u banyngkong jong ka, bad ka la sop ïa u da ki jaiñsop, bad ka la pynthiah ïa u ha ka shyngoid; naba ym don jaka ïa ki ha ka ïingbasa.

1 SAMUEL 2:34

Te kane kan long ka dak ha me, ka ban hap halor ki ar ngut ki khun shynrang jong me, halor u Hophni bad u Phinehas; ha kajuh ka sngi kin ïap noh baroh ar ngut.