LOUKAS 2:11 - KA BAIBL

¹¹ naba ha kane ka sngi la kha ïa phi, ha ka shnong u Dabid, ïa U Nongpynim, uba long U Khrist uba U Trai:

Khasi CL Bible (BSI)

¹¹ Ha kane ka sngi ha ka shnong u Dabid la kha ïa U Nongpynim jong phi — U Khrist U Trai!

LOUKAS 2:11 ပူးပေါင်းရင်းမြစ်များ

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

SALM 2:2

Ki syiem ka pyrthei ki ïaïeng, bad ki nongsynshar ki ïasylla lang pyrshah ïa U Trai, bad pyrshah ïa uba la sleh jong u, ki ïa-ong,

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

MATHAÏOS 1:16

bad u Jakob u la pynkha ïa u Joseph, uba u tnga ka Mari, na kaba la kha ïa U Jisu, ïa uba la khot “U Khrist”.

MATHAÏOS 1:21

kan kha ruh ïa u khun; men khot ruh ïa ka kyrteng jong u, ‘U Jisu’: naba un pynim ïa la ki briew na ki pop jong ki.”

MATHAÏOS 16:16

U Simon Petros u la ïathuh bad u la ong, “Me long U Khrist, U Khun U Blei ba-im.”

MATHAÏOS 16:20

Ynda kumta, u la adong ïa ki synran jong u ban ym ïathuh hano hano ruh ba u long uta U Khrist.

LOUKAS 1:43

Nangno ruh, la jia kane ïa nga, ba ka kmie U Trai jong nga ka la wan ha nga?

LOUKAS 1:69

bad U la pynmih ïa ka reng ka jingpynim ïa ngi, ha ka ïing u Dabid u shakri jong U;

LOUKAS 2:26

La pynpaw te ha u da U Mynsiem Bakhuid, ba un ym ïohi ïa ka jingïap, katba um pat ïohi ïa U Khrist u jong U Trai.

LOUKAS 2:4

Te u Joseph ruh u la leit kiew na Galilaïa, na ka shnong Nasaret, sha Judia, sha ka shnong u Dabid, ïa kaba la khot “Bethlehem” (namar ba u long na ka ïing bad na ka jaid u Dabid):

ÏOANNIS 1:41

Une u shem nyngkong ïa u para jong u hi u Simon, bad u ong ha u, “Ngi la shem ïa u Messiah” (kaba long haba la batai, “U Khrist”).

ÏOANNIS 1:45

U Philip u shem ïa u Nathanael, bad u ong ha u, “Ngi la shem ïa uta uba u Moses ha Ka Hukum, bad Ki Nongïathuhlypa, ki la thoh shaphang jong U, ïa U Jisu keiñ, u khun u Joseph, uba na Nasaret.”

ÏOANNIS 11:27

Ka la ïathuh ha u, “Ho-oid, ko Trai, nga la ngeit ba me, me long U Khrist, U Khun U Blei, u ban sa wan sha ka pyrthei.”

ÏOANNIS 20:31

hynrei, la thoh ïa kine kiei kiei ruh, ba phin ïoh ngeit ba U Jisu u long uta U Khrist, U Khun U Blei; bad ba haba da ngeit, phin ïoh ka jingim ha ka kyrteng jong u.

ÏOANNIS 4:25

Kata ka briew ka ong ha u, “Nga tip ba u Messiah u wan, (ïa uba ki khot ‘U Khrist’), ynda la wan uta, un batai shai ha ngi ïa kiei kiei baroh.”

ÏOANNIS 4:42

ha kata ka briew te ki la ïa-ong, “Mynta ngi ngeit, ym namar kata ka jingong jong pha shuh; naba ngi la ïohsngew ma ngi hi ïa u, bad ngi ïatip ba une u long shisha U Khrist, U Nongpynim jong ka pyrthei.”

ÏOANNIS 6:69

bad ngi la ngeit, bad ngi tip skhem, ba me, me long uta U Khrist U Khun jong U Blei U Ba-im.”

ÏOANNIS 7:41

kiwei pat ki la ïa-ong, “Une u long U Khrist”; hynrei, kiwei pat de ki la ïakylli, “Aïu! un wan uta U Khrist na Galilaïa?

KI KAM 10:36

Kata ka ktien ïa kaba U la phah ha ki khun Israel, da kaba ïalap ïa ka gospel ka jingsuk da U Jisu Khrist (long ma u, U Trai halor baroh),

KI KAM 13:23

Na u symbai jong une u briew, U Blei, katba kum ka jingkular, u la pynmih ha ki Israel ïa U Nongpynim, U Jisu keiñ,

KI KAM 17:3

da kaba batai bad da kaba ong skhem, ba ka la dei ïa U Khrist ban shah, bad ban mihpat na ki baïap; bad ba “une U Jisu, ïa uba nga, nga ïalap ha phi, u long uta U Khrist.”

KI KAM 2:36

“To ka ïing Israel baroh kawei, namar kata, kan tip skhem, ba U Blei u la pynlong U Trai bad U Khrist ïa une ujuh U Jisu, ïa uba la sahnarphna ma phi.”

KI KAM 5:31

Ïa une, U Blei u la kyntiew sha ka kti kamon jong u, ban long U Syiem bad U Nongpynim, ïa ka ban ai ka jingkylla-ka-bamut ha u Israel, bad ka jingmap ki pop.

1 KORINTH 15:47

Uta u briew u banyngkong u la long na ka khyndew, uba kynja 'dewmet; uta u briew u ba-ar u long U Trai na bneng.

PHILIPPI 2:11

bad ba u thylliej baroh un ïoh phla shynna ba U Jisu Khrist u long U Trai, ïa ka ban pyndonburom ïa U Blei uba U Kpa.

PHILIPPI 3:8

Ho-oid, shisha keiñ, bad nga ñiew ïa kiei kiei baroh ba ki long ka jingduh na ka bynta ka jingbha kor tam jong ka jingtip ïa U Khrist Jisu uba U Trai jong nga; na ka bynta jong u, nga la duh noh ïa kiei kiei baroh, bad nga ñiew synrum ïa ki, khnang ba ngan ïoh ïa U Khrist,

KOLOSSAI 2:6

Namar kata, kumba phi la pdiang ïa U Khrist Jisu uba U Trai, kumta, to ïaid ha u;

1 ÏOANNIS 4:14

Bad ngi la ïoh khmih pyllaw, bad ngi ïaphla shai, ba U Kpa u la phah ïa U Khun ban long U Nongpynim jong ka pyrthei.

1 ÏOANNIS 5:1

Uwei pa uwei baroh uba ngeit ba U Jisu u long uta U Khrist, la kha ïa u na U Blei: bad uwei pa uwei baroh uba ieit ïa uta uba la pynkha, u ieit ïa uta ruh ïa uba la kha na u.