LOUKAS 19:7 - KA BAIBL

⁷ Haba ki la ïohi ïa kata, te, ki la ïakren khñium baroh, ki da ong, “U la leit hapoh ïing ban thiah basa bad u briew u bapop.”

Khasi CL Bible (BSI)

⁷ Baroh ki briew kiba la ïohi ïa kata ki la sdang ban khñium, “Une u briew u la leit kum uba shah khot sngewbha sha ka ïing jong u nongpop!”

LOUKAS 19:7 ပူးပေါင်းရင်းမြစ်များ

MATHAÏOS 20:11

Haba ki la pdiang te, ki la ïakren khñium ïa uta u trai ïing,

MATHAÏOS 20:4

u la ong te ha ki, ‘To khie leit ma phi ruh sha kata ka brisoh, kat kaba biang ruh ngan ai ha phi.’ Ki ruh ki la leit.

MATHAÏOS 9:11

Haba ki Pharisi te ki la ïohi, ki la ïa-ong ha ki synran jong U, “Balei ba U Nonghikai jong phi u ïabam lem bad ki nongkhrong bad ki bapop ruh?”

LOUKAS 15:2

Hynrei, ki Pharisi bad ki nongthoh ki la ïakhñium eh, ki da ong, “Pleng une u briew u pdiang sngewbha ïa ki bapop, bad u bam lem bad ki.”

LOUKAS 19:6

Te u la hiar noh kloi kloi ruh, bad u la pdiang sngewbha ïa U da kaba leh kmen.

LOUKAS 19:8

Hynrei, haba u la ïeng joit u Sakkhaïos, u la ong ha U Trai, “Ha khmih, ïa kaba shiteng na kiei kiei ruh ki jong nga, A Trai, ngan sa ai ha ki baduk; bad lada nga la shim klop ïa kaei kaei ruh na uno uno ruh da kaba mudui lamler, ngan sa siew pat saw shah.”

LOUKAS 5:30

Te ki Pharisi bad ki nongthoh jong ki, ki la ïakren khñium ïa ki synran jong U, ki da ong, “Balei ba phi ïabam ïadih ryngkat bad ki nongkhrong bad ki bapop ruh?”

LOUKAS 7:34

U Khun u briew u la wan u da bam u da dih ruh; te phi ong, ‘Ha khmih, u briew uba bam lalot, bad uba dih kyiad, u lok ki nongkhrong bad ki bapop.’

LOUKAS 7:39

Te haba uta u Pharisi uba la khot ïa U, u la ïohi, u la kren ha lade, u da ong, “Lada une u long u nongïathuhlypa, un da la ithuh kaei bad kaba kumno kane ka briew kaba ktah ïa u, ba ka long ka bapop.”