LOUKAS 19:44 - KA BAIBL

⁴⁴ bad kin ïa-pynkyllon ïa pha bad ïa ki khun jong pha hapoh jong pha, bad kin ym ïa-iehnoh ha pha ïa u maw halor u maw; naba pham shym la ithuh ïa ka aïom ka jingwan jngoh ïa pha.”

Khasi CL Bible (BSI)

⁴⁴ Kin pynjot thiaw ïa pha bad ïa ki briew kiba hapoh ki kynroh jong pha; yn ym pynsah wat uwei ruh u maw ha ka jaka ba u don, namar ba pham shym ithuh ïa ka por mynba U Blei u la wan ban pynim ïa pha!”

LOUKAS 19:44 ပူးပေါင်းရင်းမြစ်များ

SALM 137:9

Suk uta u ban shim lympat ha u maw ïa ki khun rit jong pha.

ISAÏAH 10:3

Te phin leh aïu ha ka sngi ka jingwan-i, bad ha ka jingpynjot noh ka ban wan na sha jngai? Hano phin phet ban ïoh jingïarap? Shano ruh phin iehnoh ïa ka burom jong phi?

ISAÏAH 29:3

Te ngan shong dara baroh sawdong ïa pha, ngan ker kut ruh ïa pha da ka kut, bad ngan pynïeng ki kut pyrshah ïa pha.

JEREMAÏAH 11:23

bad yn ym don kiba sah ha ki: naba ngan wallam ïa ka basniew halor ki rangbah Anathoth, ka snem ka jingwan-i ïa ki keiñ.”

SNGEWSYNEI 1:8

Ka Jerusalem ka la leh ïa ka pop ka bakhraw; namar kata, ka la kylla long kum kaei kaei ka basang: baroh kiba la ju burom ïa ka ki ñiewbeiñ ïa ka, namar ki la ïohi ïa ka jinglyngkhuit jong ka: shisha, ka noh mynsiem, bad ka phai dien noh.

DANIEL 9:24

“Hynñiewphew taïew la pynkut halor ki briew jong me bad halor kata ka nongbah bakhuid jong me, ïa ka ban pyndep ïa ka jingpalat, bad ban pynwai noh ïa ki pop, bad ban pynlong ka jingpynïasuk na ka bynta ka jingbymhok, bad ban wallam noh ïa ka hok bymjukut, bad ïa ka ban pyndait laha ïa ka jingithuhpaw bad ïa ka jingïathuhlypa, bad ban pynsleh ïa U Bakhuid Tam Eh.

DANIEL 9:26

Te hadien kita ki hynriewphew ar taïew, ïa uta uba la sleh yn ot noh, bad un ym ïoh ei ei ruh: bad ki briew jong uta u syiem u ban wan, kin pynjot noh ïa kata ka nongbah bad ïa kata ka jaka kyntang; bad ka bakut jong u kan long da ka jingshlei, te haduh ka bakut keiñ kan long ka thma; la thmu ïa ki jingpynjot.

MIKAH 3:12

Namar kata, ïa ka Seïon yn lur kum ka lyngkha namar jong phi, bad ka Jerusalem kan long ki lymbher, bad u lum jong ka ïing kum ki jaka bajrong jong ka khlaw.”

MATHAÏOS 24:2

U Jisu te u la ong ha ki, “Phim ïohi ïa kine kiei kiei baroh? Shisha nga ong ha phi, Yn ym iehnoh hangne u maw halor u maw, ïa u ban ym pynhap noh.”

MARKOS 13:2

U Jisu u da ïathuh te U la ong ha u, “Me ïohi ïa kine ki jingtei bakhraw? yn ym iehnoh maw halor u maw, u ban ym pynhap noh.”

LOUKAS 1:68

“Long ba la kyrkhu ïa U Trai uba U Blei jong u Israel; naba U la wan khmih, bad U la pynlong ka jingsiewspah ïa la ki briew;

LOUKAS 1:78

da ka jingisynei bajem eh U Blei jong ngi, da kaba ka jingmih ka sngi na jrong kan wan khmih ïa ngi,

LOUKAS 19:42

U da ong, “A lada pha la lah tip, ma pha ruh shisha, ha kane ka sngi, ïa kiei kiei ruh kiba dei ïa ka jingsuk jong pha! hynrei, mynta la buhrieh ïa ki na ki khmat jong pha!

LOUKAS 21:6

“Ïa kine kiei kiei ruh kiba phi khmih, ki sngi kin jia ha kiba yn ym iehnoh hangne ïa u maw halor u maw, ïa u ban ym pynhap noh.”

1 PETROS 2:12

da kaba ïaibat ïa ka jinglong jingim jong phi ka babha hapdeng ki Jentil; ba ha kata kaba ki ïakren sniew ïa phi kum ki nongleh basniew, ki lah na kita ki jingleh babha jong phi, ïa kiba ki ïohi, ban pyndonburom ïa U Blei ha ka sngi ka jingwan-i.