LOUKAS 19:29 - KA BAIBL

²⁹ Ka la jia ruh ynda u la poi hajan Bethphage bad Bethania, haduh uta u lum ïa uba ju khot “U Lum ki Olib”, ba u la phah ar ngut na ki synran jong u,

Khasi CL Bible (BSI)

²⁹ Haba u la poi hajan Bethphage bad Bethania ha u lum ki Olib, u la phah ar ngut ki synran sha shuwa lem bad kine ki jingbthah:

LOUKAS 19:29 ပူးပေါင်းရင်းမြစ်များ

SEKHARAÏAH 14:4

Te ha kata ka sngi ki kjat jong u kin ïeng halor u lum Olib, uba ha pyrshah ka Jerusalem shaphang mihngi, bad u lum Olib un kad napdeng jong u shaphang mihngi bad shaphang sepngi, te kan don ka them kaba khraw; te shiliang u lum kan kynriah shaphang shatei, bad shiliang shaphang shathie.

MATHAÏOS 21:17

Haba u la iehnoh te ïa ki, u la leit noh na kata ka shnong sha Bethania, bad u la thiah miet hangta.

LOUKAS 19:30

u da ong, “Khie leit sha kata ka shnong kaba ha marpyrshah jong phi, te haba phi poi hangta phin shem ïa u khun kadda ba la teh, halor jong u ym pat ju don u briew ba la shong mynno mynno ruh; to pyllait ïa u bad wallam ïa u.

LOUKAS 19:37

Te haba U la poi hajan kat haduh kaba hiar na uta U Lum ki Olib, uta u paidbah synran baroh ki la ïasdang ban ïalehkmen bad ban ïaroh ïa U Blei da ka ktien bajam, namar ki kambah baroh ïa kiba ki la lah ïohi,

LOUKAS 21:37

Bad mynsngi mynsngi u ju hikai ha ka templ, hynrei, mynmiet mynmiet u ju mih noh, bad u sah miet ha u lum ïa uba khot “Olib”.

LOUKAS 22:39

Te u la mih noh, bad u la leit, kumba u ju leit, sha u lum Olib; te ki synran jong u ruh ki la bud ïa u.

LOUKAS 24:50

Ynda kumta, u la ïalam noh habar ïa ki haduh Bethania; haba u la rah ïa la ki kti ruh, u la kyrkhu ïa ki.

KI KAM 1:12

Ynda kumta, ki la ïaleit phai sha Jerusalem na u lum ba la khot “Olib”, uba hajan Jerusalem, kat ka jingleit sngi Sabbaton.