LOUKAS 19:26 - KA BAIBL

²⁶ Nga ong ha phi, ‘ba ha u briew baroh uba don, yn ai shuh; hynrei, na uta u bymdon, wat ïa kata kaba u don yn shim noh na u.

Khasi CL Bible (BSI)

²⁶ ‘Nga ong ha phi,’ u la jubab, ‘ba ha uno uno u briew uba don ei ei, yn ai kham bun shuh shuh; hynrei ha u briew u bym don ei ei, wat ïa kaba rit kaba u don yn shim noh na u.

LOUKAS 19:26 ပူးပေါင်းရင်းမြစ်များ

2 SAMUEL 7:15

hynrei, ka jingisynei jong nga kan ym kynriah noh na u, kumba nga la shim noh na u Saul, ïa uba nga la kyntait noh ha khmat jong me.

SALM 109:8

Ai ba kin long khyndiat ki sngi jong u; bad un shim uwei pat ïa ka kam jong u.

MATHAÏOS 13:12

Naba uno uno ruh uba don, ha u yn ai, un ïoh kyrhai ruh: te uno uno ruh u bymdon, wat ïa kata kaba u don yn shim noh na u.

MATHAÏOS 21:43

“Namar kata, nga ong ha phi, ba yn shim noh ïa ka hima U Blei na phi, bad yn ai ïa ka ha kynja ki briew ki ban pynmih ïa ki soh jong ka.

MARKOS 4:25

naba jar uba don, ha uta yn ai: bad jar u bymdon, wat ïa kata kaba u don yn shim noh na u.”

LOUKAS 16:3

Ynda kumta, uta u sordar u la ong ha lade, ‘Kumno ngan leh, naba u kynrad jong nga un sa shim noh ïa ka kam sordar na nga? ban puh khyndew ngam lah, ban leit makia nga sngewlehrain.

LOUKAS 19:25

Ki la ïa-ong te ha u, ‘Ko Trai, u don shiphew ki rupa!’

LOUKAS 8:18

To sumar, namar kata, kumno phi sngew; naba jar uba don, ha uta yn ai: uta u bymdon te, wat ïa kata kaba u mut ba u don, yn shim noh na u.”

KI KAM 1:20

Naba la thoh ha ka kitab Ki Salm, “ ‘Ai ba ka jaka shong jong u kan long kaba kynjah, bad wat ai ban don ba shong ha ka’; “bad, “ ‘Ai un shim da uwei pat ïa ka kam jong u.’

2 ÏOANNIS 1:8

To phin ïasumar ïa lade hi, khnang ba phin ym duh noh ïa kita kiei kiei ruh ïa kiba ngi la lah leh minot, hynrei, ba phin pdiang ïa ka nong babiang.

JINGPYNPAW 2:3

bad pha don ka jingïaishah bad pha la shah na ka bynta ka kyrteng jong nga, bad pham shym la sngewthait ïan.

JINGPYNPAW 3:11

Ha khmih, nga wan kloi: to bat skhem ïa kata kaba pha don, ba uno uno ruh un ym shim ïa ka pansngiat jong pha.

1 SAMUEL 15:28

Te u Samuel u la ong ha u, “U Trai u la kad noh ïa ka hima Israel na me ha kane ka sngi, bad u la aiti noh ïa ka ha uwei u paramarjan jong me, uba kham bha ïa me.

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.