LOUKAS 18:32 - KA BAIBL

³² naba yn ai noh ïa u ha ki Jentil, bad yn krenbeiñ ïa u, bad yn lehbeiñ ïa u, bad yn bynthiew ruh ha u;

Khasi CL Bible (BSI)

³² Ïa u yn sa aiti noh ha ki Jentil, ki ban ibeiñ ïa u, krenbeiñ ïa u bad bynthiew ïa u.

LOUKAS 18:32 ပူးပေါင်းရင်းမြစ်များ

ISAÏAH 50:6

Nga la pynshah la ka ingdong ha ki nongsympat, bad la ki ngab ha kiba phut ïa u shñiuh: ngam shym la buhrieh la ka khmat na ka jinglehrain bad ka jingbynthiew.

ISAÏAH 52:14

Kumba shibun ki la lyngngoh ha me, (ka khmat jong u ka la kham sniew dur ban ïa uno uno u briew, bad ka dur jong u ban ïa ki khun shynrang ki briew,)

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

MIKAH 5:1

Mynta to ïalum paid ïa lade, ko ka khun ki paid: u la ap thap pyrshah ïa ngi: kin shoh ïa u nongbishar ki Israel da u diengduh ha ka ngab.

MATHAÏOS 16:21

Naduh kata, U Jisu u la sdang ban pyni ha ki synran jong u, ba ka dei ïa u ban leit noh sha Jerusalem, ban shah ruh shibun kiei kiei na ki tymmen basan bad na ki rangbah lyngdoh bad na ki nongthoh de, bad ba yn pynïap ruh ïa u, bad ba yn pynmih pat ïa u ha ka balai ka sngi.

MATHAÏOS 20:19

bad kin ai noh ïa u ha ki Jentil ïa ka ban lehbeiñ bad ban sympat, bad ban sahnarphna ruh; hynrei, ha ka balai ka sngi un mihpat.”

MATHAÏOS 22:6

Kiwei pat kiba sah te haba ki la kem ïa ki shakri jong u, ki la lehbeiñ bad ki la pynïap ïa ki.

MATHAÏOS 26:67

Haba kumta, ki la bynthiew ha ka khmat jong U, bad ki la shoh ïa U, bad kiwei ki la thab ïa U.

MATHAÏOS 27:2

Te haba ki la khum ïa u, ki la ïalam noh, bad ki la ai noh ruh ïa u ha u Pontios Pilat uba u lyngskor.

MARKOS 14:65

don kiba la sdang te ban bynthiew ïa U, bad ban tap matlah ïa ki khmat jong U, bad ban shoh ïa U, bad ban ong ruh ha U, “To ïathuh antad”: kita ki shakri ruh ki la thab ïa U da ki slakti.

MARKOS 15:1

Te kumne kumne ruh, ynda ka la shai, kita ki rangbah lyngdoh ki la ïasylla bad kita ki tymmen basan bad kita ki nongthoh bad kata ka dorbar baroh ruh; haba ki la khum ïa U Jisu, ki la ïalam noh ïa u, bad ki la ai noh ha u Pilat.

LOUKAS 18:33

te kin sympat, bad kin pynïap noh ïa u, hynrei, ha ka balai sngi un sa mihpat.”

LOUKAS 23:1

Te haba ka jingïaseng jong ki baroh ka la ïeng joit, ki la ïalam noh ïa U ha khmat u Pilat.

LOUKAS 23:11

Hynrei, u Herod bad ki shipai jong u ki la lehbeiñ ïa U, bad ki la pyrthuhbeiñ, bad haba ki la ïa-pynkup ka jaiñ batyngshain ha U, ki la phah noh pat ïa U sha u Pilat.

LOUKAS 23:35

Uta u paidlang te u la ïeng jngoh. Ki nongsynshar ruh de ki la ïa-pynran beiñ ïa la ki khmut, ki da ïa-ong, “Ïa kiwei U la pynim; to un pynim ïa lade, lada une U long U Khrist u jong U Blei, uba la jied jong u!”

ÏOANNIS 18:22

Te haba U la lah kren ïa kine kiei kiei ruh, uwei na kita ki shakri rangbah uba la ïeng hajan u la thab ïa U Jisu, u da ong, “Kumta du me phai ktien ha u rangbah lyngdoh?”

ÏOANNIS 18:28

Ynda kumta, ki la ïalam noh ïa U Jisu na u Kaïaphas sha ka ïingbah u lyngskor: te ka la long mynstep eh; hynrei, ki hi kim shym la leit rung shapoh kata ka ïingbah u lyngskor, ba ïoh kin pynsang ïa lade; hynrei, ba kin ïoh bam ïa Ka Jinglait.

ÏOANNIS 18:30

Ki la ïathuh bad ki la ïa-ong ha u, “Lymda une u long u nongleh basniew, ngin ym da la aiti noh ïa u ha me.”

ÏOANNIS 18:32

ba yn ïoh pyndep ïa kata ka ktien jong U Jisu, ïa kaba u la lah ong, ba u da saham na ka jingïap kaba kumno ba un sa ïap.

ÏOANNIS 18:35

U Pilat u la ïathuh, “Nga long Jiw ma nga mo? Ki parakher paramer ki jong me hi bad ki rangbah lyngdoh, ki la ïa-aiti noh ïa me ha nga: me la leh aïu?”

KI KAM 2:23

ïa une, ba la aiti noh da ka jingthmu ba la buh, bad da ka jingtip lypa U Blei; ma phi da ki kti pop phi la sahnarphna, phi la pynïap ruh;

KI KAM 3:13

U Blei u Abraham, bad u Isaak, bad u Jakob, U Blei ki kpa jong ngi, u la pyndonburom ïa U Khun jong U, U Jisu, ïa uba phi la aiti noh, bad phi la len ha khmat u Pilat, mynba u la lah thmu ban pyllait noh ïa U.