LOUKAS 18:22 - KA BAIBL

²² U Jisu te haba U la ïohsngew ïa kine kiei kiei ruh, U la ong ha u, “Sa kawei me dang duna. To die noh ïa kiei kiei baroh katba me don, to sam ruh ha ki baduk, te men ïoh ka jingkynshew keiñ ha bneng; bad to wan bud ïa nga.”

Khasi CL Bible (BSI)

²² Haba U Jisu u la ïohsngew ïa kane, u la ong ha u, “Dang don sa kawei pat kaei kaei kaba me donkam ban leh. Die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta wan bad bud ïa nga.”

LOUKAS 18:22 ပူးပေါင်းရင်းမြစ်များ

SALM 27:4

Ïa kane kawei nga la kyrpad na U Trai, ïa kata ngan ïawad; ba ngan ïoh shong ha ka ïing U Trai baroh ki sngi ka rta jong nga, ïa ka ban khmih ïa ka jingitynnad U Trai, bad ban ïakylli ha ka templ jong u.

MATHAÏOS 19:21

U Jisu u la ong ha u, “Lada me mon ban long janai, to khie leit noh, die noh ïa kiei kiei ruh kat kiba me don, to ai ruh ha ki baduk, men ïoh ka jingkynshew te ha bneng; to wan bud ruh ïa nga.”

LOUKAS 10:42

hynrei, tang kawei kaba donkam eh; ka Mari te ka la jied ïa kata ka bynta ka babha, ïa kaba yn ym rong noh na ka.”

LOUKAS 12:33

To die noh ïa kiei kiei ki jong phi, to ai jingai isynei ruh; to thaw ïa lade ki jingpan ki ban ym man rim, ka jingkynshew keiñ ha ki bneng ka ban ym lut noh, sha kaba u nongtuh um wan hajan, lymne ka khñiang kam pynjot.

LOUKAS 16:9

Nga ong ruh ha phi: To pynlong ïa lade ki lok da ka spah bymhok, ba ynda la poi ka bakut, kin pdiang ïa phi sha kita ki ïing bymjukut.

LOUKAS 18:21

U te u la ïathuh, “Ïa kine baroh nga la sumar na myndang khynnah.”

LOUKAS 18:23

Hynrei, haba u la ïohsngew ïa kine kiei kiei ruh, u la sngewsih shikatdei eh, naba u la long u bariewspah eh.

LOUKAS 9:23

U la ong ruh ha ki baroh, “Lada uno uno ruh u mon ban wan nadien jong nga, ai ba un len ïa lade, bad un rah ïa la ka diengphna ha la ka sngi, bad un bud ïa nga;

PHILIPPI 3:13

Ko parabangeit, nga ngam ñiew ïa lade uba la lah bat: hynrei, ïa kane kawei nga leh, da kaba klet noh ïa kita kiei kiei kiba shadien, bad da kaba kner noh sha kiei kiei kiba sha khmat,

2 PETROS 3:8

Hynrei, ïa kane kawei wat klet, ko hep ba-ieit, ba kawei ka sngi ka long bad U Trai kum shi hajar snem, bad shi hajar snem kum kawei ka sngi.