LOUKAS 18:13 - KA BAIBL

¹³ Hynrei, uta u nongkhrong, u da ïeng na jngai, um nud wat ban khmied da la ki khmat sha bneng, hynrei, u la ïaithab ïa la ka shadem, u da ong, ‘A U Blei, to isynei ïa nga u bapop!’

Khasi CL Bible (BSI)

¹³ “Hynrei u nonglum khajna u la ïeng ha pajih bad um shym khmied la ka durkhmat sha bneng, hynrei u ïai tied ïa la ka shadem bad u la ong, ‘A Blei, to isynei ïa nga, u nongpop!’

LOUKAS 18:13 ပူးပေါင်းရင်းမြစ်များ

2 SAMUEL 12:13

Te u Dabid u la ong ha u Nathan, “Nga la leh pop ïa U Trai.” U Nathan te u la ïathuh ha u Dabid, “U Trai ruh u la pyndam noh ïa kata ka pop jong me; men ym ïap keiñ.

2 KHRONIKL 33:19

Ka jingduwai jong u ruh, bad kumno ba u la kyrpad ïa U Blei, bad ka pop jong u baroh bad ka jingpalat jong u, bad ki jaka ha kiba u la tei ki jaka bajrong, bad u la buh ïa ki Asherah bad ki dur ba la mut, mynshuwa ba u la pynrit ïa lade: ha khmih, la thoh ïa ki ha Ka Jingïathuhkhana u Hosai.

2 KHRONIKL 33:23

Te um shym la pynrit ïa lade ha khmat U Trai, kumba u Manasseh u kpa jong u, u la pynrit ïa lade; hynrei, une u Amon u la nang leh nang leh palat.

ESRA 9:6

bad nga la ong, “A U Blei jong nga, nga sngewlehrain bad nga saw kyr-ang ban khmied la ka khmat sha me, U Blei jong nga: namar ki jingleh bymman jong ngi ki la man bun shaneng ka khlieh jong ngi, bad ka jingtei pop jong ngi ka la san haduh ki bneng.

Ka Kitab U Job 42:6

namar kata, nga isih ïa lade, bad nga kylla-ka-bamut ha ka 'dewmet bad ka dpei.”

SALM 106:6

Ngi la leh pop lem bad ki kpa jong ngi, ngi la leh bymman, ngi la leh sniew.

SALM 119:41

Ki jingisynei jong me ruh to kin wan ha nga, A Trai, ka jingpynim jong me keiñ, katba kum ka ktien jong me.

SALM 130:7

A Israel, to kyrmen ha U Trai; naba ha U Trai ka don ka jingisynei, bad ka jingpynim kaba kyrhai ka don ha u.

SALM 25:11

Na ka bynta ka kyrteng jong me, A Trai, to map noh ïa ka jingbymman jong nga, namar ka long kaba khraw.

SALM 25:7

Wat kynmaw ïa ki pop ka jinglong samla jong nga, lymne ïa ki jingryngkang jong nga: katba kum ka jingleh isynei jong me to kynmaw ïa nga, na ka bynta ka jingbha jong me, A Trai.

SALM 40:12

Naba ki jingpynshitom ki bym lah ñiew shuh ki la ker kut ïa nga baroh sawdong, ki jingleh bymhok jong nga ki la lap ïa nga, katba ngam lah shuh ban khmied: ki kham bun ban ïa u shñiuh ka khlieh jong nga, bad ka dohnud jong nga ka la iehnoh ïa nga.

SALM 41:4

Nga la ong, “A Trai, to isynei ïa nga: to pynkhiah ïa ka mynsiem jong nga; naba nga la leh pop ïa me.”

EKSODOS 33:10

Bad uta u paidbah baroh u la ïohi ïa uta u rishot lyoh ba u ïeng ha ka jingkhang Ka Tabernakl; bad uta u paidbah u la ïakhie buk bad ki la ïamane uwei pa uwei keiñ, ha ka jingkhang la ka ïingjaiñ.

ISAÏAH 1:18

“Ale te, to ngin ïasaid nia lem,” ong U Trai: “la ki pop jong phi ki long ki basaw hain hain, kin lieh kat ka ïor; la ki la saw bthuh, kin long kum u 'ñiuh langbrot.

ISAÏAH 6:5

Te nga la ong, “Kordit ïa nga! namar nga la ïap; namar nga u briew u batngit ki rmiang shyntur, bad nga shong hapdeng u paidlang ba tngit ki rmiang shyntur: naba ki khmat jong nga ki la ïohi ïa U Syiem, U Trai ki paid.”

ISAÏAH 66:2

Naba ïa kine kiei kiei baroh ka kti jong nga ka la thaw, te kumta kine kiei kiei baroh ki la wan long,” ong U Trai: “hynrei, ha une u briew ngan khmih, wat ha uta uba sngewduk bad uba sngewsih ka mynsiem, bad uba khynñiuh ha ka ktien jong nga.

ESEKIEL 16:63

ba phan dup lah ban kynmaw, bad phan sngewlyngngoh, bad phan ym ang shuh ïa la ka shyntur, namar la ka jinglehrain; ynda nga la lah map ïa pha ïa kaba pha la leh baroh,” ong U Trai.

DANIEL 9:5

ngi la leh pop, bad ngi la leh mutlop, bad ngi la leh bymman, bad ngi la ïaleh pyrshah, da kaba phai noh na ki hukum jong me bad na ki jingbishar jong me:

MATHAÏOS 10:3

u Philip, bad u Bartholomai; u Thomas, bad u Mathaïos u nongkhrong; u Jakob u khun u Alphaïos, bad u Lebbaïos, ïa uba ki sin “Thaddaïos”,

MATHAÏOS 6:5

“Haba me duwai ruh, wat long kum ki nongarsap: naba ki ieit ban ïeng kyrpad ha ki synagog bad ha ki dong ki lad, ba kin ïoh pynpaw ha ki briew. Shisha nga ong ha phi, ki la ïoh ïa la ka nong.

MATHAÏOS 9:13

hynrei, khie leit ma phi to hikai kaei kane, ‘Ïa ka jingisynei nga mon, te ym ïa ka jingkñia:’ naba ngam shym la wan ban khot ïa ki bahok, hynrei, ïa ki bapop ïa ka ban kylla-ka-bamut.”

MARKOS 11:25

Haba phi da ïeng kyrpad ruh, to map, lada phi bat sngewsih ïano ïano ruh, ba U Kpa jong phi ruh uba ha bneng un map ïa phi ïa ki ryngkang jong phi:

LOUKAS 17:12

Te haba u dang leit hapoh kawei ka shnong, shiphew ngut ki rangbah ki bapang 'thohlieh ki la ïawan tan ïa u, ki da ïeng na jngai.

LOUKAS 22:41

Ynda kumta te u la kynriah noh na ki, kat shi sien pda maw; te haba u la dem la ki khohsiew, u la duwai,

LOUKAS 23:48

Bad kita ki paidbah baroh kiba la ïawan lang ban khmih ïa kane, haba ki la ïohi ïa kiei kiei ruh ïa kiba la leh, da kaba thab ïa la ki shadem, ki la leit phai pat.

LOUKAS 5:8

Te u Simon Petros haba u la ïohi ïa kane, u la dem khrup ha ki khohsiew U Jisu, u da ong, “To khie leit noh na nga; naba nga long u briew u bapop, A Trai.”

KI KAM 2:37

Te haba ki la ïohsngew ïa kane, la dung ngak ïa ki ha la ka dohnud, bad ki la ong ha u Petros, bad ha kita kiwei ki apostol, “A para, kumno ngin leh?”

Ka Shithi U Paul Sha Ki Nong Rom 5:8

Hynrei, U Blei u pyni shynna ïa la ka jong ka jingieit sha ngi, ha kaba haba ngi dang long ki bapop, U Khrist u la ïap ïapli ïa ngi.

2 KORINTH 7:11

Namar ha khmih, kane kajuh hi kaba la pynsngewsih riewblei ïa phi, kaba katno ka jingsumar minot ka la pynlong ha phi, ho-oid, kaba katno ka jingïada ïa lade, ho-oid, kaba katno ka jingsatnud, ho-oid, kaba katno ka jingsheptieng, ho-oid, kaba katno ka jingkwah hir hir, ho-oid, kaba katno ka jingshitrhem, ho-oid, kaba katno ka jinglehsat! Ha kiei kiei baroh, phi la pyni ïa lade kiba sngur ha kane ka kam.

1 TIMOTHI 1:15

Kane ka ktien kaba shisha, bad kaba bit ïa ka ban pdiang baroh phar, ba U Khrist Jisu u la wan sha ka pyrthei ïa ka ban pynim ïa ki bapop; na kiba nga long uba kongsan.

HEBRU 4:16

Namar kata te, to ngin ïawan hajan da ka jingshlur ha ka khet ka jingaiei, ba ngin ïoh pdiang ka jingisynei, bad ba ngin ïoh shem ka jingaiei ïa ka ban ïarap ïa ngi ha ka por ba-donkam.

HEBRU 8:12

Naba ngan isynei ïa ki jingleh bymman jong ki, bad ïa ki pop jong ki ngan ym kynmaw shuh.”